أضف سؤال أو موضوع جديد          

بخصوص غسيل الماكينة وماحولها

up 1 down 1
fahadlfc 314
قبل 8 سنه



السلام عليكم ورحمة الله وبركاته 

كيف حالكم عساكم بخير 

اخواني م ادري اذا الموضوع مكرر ام لا 

لكن بخصوص غسيل الماكينة داخل الكبوت خارجيا هل ضرر 

اللي هو غسيل بالقاز او البنزين ومن ثم صابون وتنشف بالهواء 

هل له ضرر على السيارة سواء قديمة او حديثه 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الغسيل بالقاز والديزل مضر : لانه يتلف عليك الاسلاك
واذا بتخسل بالمويه غط على الدينمو + فتحه دخول الهوا الى الفلتر /
بس انصحك بانك تمسحها بـ سفنجه فيها مويه وصابون
او انك تغسلها بالبخار في اي محل تلميع


up 0 down 0
سعد 7007 552
قبل 8 سنه



غسلها بالموية عادي بس اهم شي انتظر لين تبرد السيارة لانه التبريد المفاجئ يأثر على القطع المعدنية


up 0 down 0
lonely1360 -6
قبل 8 سنه



وعليكم السلام

نصيحتي هواء بس

لا تغسلها بديزل ولا مويه وعلمي وسلامتك


up 0 down 0
نسنآس غربي 140
قبل 8 سنه



اخوي لاتغسلها نصيحة من شخص أحبك في الله ولاتحتاج أساساً ومافيه فايدة اذا شكلها تلمع وجديدة 
لان في الاصل رايح تعدم عليك الهوزات وتلييين وتكون معرضة للتشققات ايضاً رايح تتضر القفيزات ووتنحل عليك ايضاً رايح تعدم عليك القازقيت حق المكينة ورايح يكون عندك تندية على رأس المكينة 
والبواجي والكويلات رايح تضرر نصيحة انفخها بالهواء من الخارج وانتهى 


up 0 down 0
elantra 6639 482
قبل 8 سنه



وعليكم السلام ورحمة الله


اخوي بالمختصر انا رشيت المكينه مويه بس
الانوار الوحيد اللي شغاله داخل السياره الطبلون

انوار المسجل طافيه
انواد الديكور طافيه
اكيد فيوز لكن نصيحه رشها هوا بس 


up 0 down 0
w176.amg 2014
قبل 8 سنه



الغسيل حتى لو بالمويه يضر يعطب البواجي والبخاخات واصابع البطاريه فما بالك الديزل وغيرها عموما مالك الى تنفخها بالهواء واذا مره حسيت موليه ودها التلميع للماكينه والله الموفق



up 0 down 0
طيبين -62
قبل 8 سنه



عليكم السلام ورحمة الله وبركاتة 
عزيزي في محلات كثيرة مخصصة لغسيل المكاين بمواد خاصة وشغل بوفلبن يعني شغل نظيف كان عندي فورد اسكيرجن اكبر نوع غسلتة ب ٥٠ ريال في حي الاسكان في الخبر


up 0 down 0
japanes 18
قبل 8 سنه



استغرب من بعض الاخوان يغسلوا المكينه حتى لو قلنا علشان تحافظ عليها بالعكس راح تدمرها واذا طوفت مره المره الجايه راح تضرب عليك


لاديزل ولابنزين ولا حتى مويه


يكفيك بلي الهوا تخلي العامل يمر عليها وتطلع كل الغربة اللي فيها وصلى الله وبارك






up 0 down 0
aboamani 1148
قبل 8 سنه



بسم الله 
1- سبق غسلت ماكينة لومينا كانت عندي و طلعتها و اشتغلت لمبة المحرك .
2- عندي برادو 2004 معي من الوكالة و استخدامها نظيف , المهم أخذتها التلميع بعد 9 سنوات استخدام , و طلعتها فيها صوت بالمكينة , و الحمدلله على كل حال , أتوقع السبب غسيل الماكينة .
احذر احذر احذر , و الله بعد كذا ما أغسل الماكينة لو شو بصير فيها .


up 0 down 0
eng.aboood 11
قبل 8 سنه



الغسيل بالماء خطر بسبب حرارة المحرك العاليه وبروده الماء العاليه فيه خطوره إنها تنشعر رأس المكينة
وبالنسبه لغسيل المكينة بالقاز أو البانزين فهما عدوان لدودان للأشياء البلاستيكيه الزاخرة بها كل مكينة سياره
فلذا نصيحة اجتب غسيل المكينه بكليهما


up 0 down 0
نايلات 52
قبل 8 سنه



يعطيكم العافيه م قصرتوا وشكرا ع تفاعلكم 

م راح اغسلها يكفي هواء انفخها وامسحها باسفنج او فوطة 




up 0 down 0
fahadlfc 314
قبل 8 سنه



عندي سياره جديده البنشري بلغط كب نص علبه زيت ومسحتها وغسلتها بماء بخار بس احس فيها ريحت حرق الزيت كيف ازيل هاذي الريحه


up 0 down 0
مزاد الجديد
قبل سنه و 11 شهر