ياخاوان من يعرف مكتب تاجير ياجر بدون ورقه عمل يـدخل

لا يارجل معارفي كل واحد نفسي نفسي الافضل وبجديت وذيب مايعطون؟

ممنوع احد يأجرك بدون بطاقة عمل ورخصه 
الا اذا كان المكتب معرفه 
او شف لك اجنبي معه رخصه يستاجر لك 

معي اكيد معي رخصه بس ورقه العمل مشكله وانا طالب جامعه مابقي ماتوظفت

روح بدجت اكيد ياجروك بس البس زين وانت داخل عندهم مو لبس حونشية حقين تفحيط 

واذا عمرك ٢٥ ياجروووك بدون بطاقة عمل 

اذا معاك فيزا او ماستركارد يأجرونك لو روز رايز

ما يؤجرون لك حتى لو تعرف المحل الحين نظام شموس حق وزارة الداخلية حاشرهم 

لا تتعب نفسك 
مافيه مكتب يأجر بدون بطاقة عمل 

فيه حل انك تشوف واحد يثق فيك ويستأجر لك سيارة 
(اخوك ، ابوك ، عمك ، خالك الخ....)

الشركات الكبيرة يأجرونك ببطاقة الفيزا بشرط تكون تغطي التأمين 

عند (المفتاح ، بدجت ، ذيب ، الوفاق) 
فروع المطار فقط

روح بنك الراجحي لديهم بطاقات ب ١٥٠ ريال قول لهم ابغى بطاقة الراجحي حقت استأجر سيارات ويعطونك وتدفع ١٥٠ واي مكتب بهذي البطاقة ياجرك موفق 

مدري ليه مكاتب تأجير السيارات ما يأجرو للسعودي إلا ببطاقة عمل ورخصة ومدري ايش 
بينما الاجنبي 
موافقة من الكفيل ورخصة 

ترا انا كنت زيك يا صاحب الموضوع لا تتعب حتى لو حصلت راح يقولك تأمين بمبلغ وقدره حشى بتستأجر روز رايز
والا بنتلي 

حتى الاجنبي بطاقة عمل 

مالك الا تستأجر من المطار
المكاتب الكبيرة هناك مايدققون على بطاقة العمل

انا مستاجر سيارة ’ بدون بطاقة عمل ’ شرط تدفع تامين 1000 ريال ’ هذا الكلام قبل شهر واجرو لي انترا

خلاص ياخوي الموضوع قديم والقرارات تغيرات والله الحمد كل مكاتب الرياض تاجر لي بدون بطاقه عمل وتامين 500 فقط اذا ماجر لي اشتيك على وزاره النقل من تاريخ الموضوع خذت فوق 50 سياره اجار مختلف الفئات بدون بطاقه عمل من افلون الى اكسنت

طيب اخوي لازم العمر كم 

طيب ما اقدر خليها باسم الحرمه وش الشروط اذا بستاجر باسم الحرمه

مافيه شروط رح شركه ذيب تاجرك المهم عمرك كبر من 21 لسيارات الصغار والوسط والكبيره 25 من يوكون وغيره