إسيوزو .. D ماكس يسحب دينا من الطين .

كلمة حق الديماكس تعتبر افضل الونيتات..عيبها ما تجي بنزين

السيارة قوية وشكلها جميل بس يعيبها مثل ماذكر الاخ راشد ولا فيها موصفات السلامة حتى مافي ايرباق للسواق .
ولك لايك

كفوا بس معروفة ايسوزو بالمحركات ديزل 

واضح السواق فاهم وعارف وش قاعد يسوي، وهذا الشي مساعده 

هلا بالشباب ومشكورين على الردود .. وحبيت اقلكم ان الامان من الله عز وجل والله اذا جاك المكتوب لابينفع ايرباق ولا APS

وللجميع لايك .

الحربيه فيه ناس مايهمه لاشكل ولامواصفات يبحث عن القوة أهم شي والموتر ذا ماقصر مع الدينا وماتوقعته كذا .. شاكر مرورك .

لو انه هلي او نافارا كان انبطح جمب الدينا بس ربعنا مايعرفون من المواتر الا تويوتا

الوالد محتار بينها وبين الهلي والنفارا وشرايكم يالربع وش احسن شي بينهم 

يالقيصر في ضان القادم با1ن ببيع الفورد وبشتري دي ماكس فل كامل لعدة اسباب
الشوارع مكسره وتبيلها سياره تتحمل ومرتفعه

ثاني شي الدي ماكس وزنه 2700 كيلو فارغ من غير المولات الاضافيه
يعني لو تخش فسيل ماراح يسحبك السيل بكل سهوله

ايضا محركات الديزل عزمها قوي فالطعوس والسحب الجر والتحميل مايطيح العزم نهائيا لذلك الهمرات العسكريه محركاتها ديزل

عمر محركات الديزل ضعف عمر محركات البنزين
يعني توصل 800 الف بدن تخبيطات تذكر ومستخدمين الدي ماكس في منتدى مكشات يشهدون له بهذا الشي

الديماكس تعتبر افضل الونيتات

الآيسوزو أبدعت في محركات الديزل 

D Max أفضل بيك آب خفيف و الديزل تيربو ميزة و ليس عيب

و الأفضل منه l200 الميتسوبيشي v6 4X4

أما من ناحية الشكل فهذه مسألة ذوق و أنا يعجبني الديماكس ٢٠٠٦ / ٢٠١١ 

و أشوفه أجمل بكثير من الهايلكس و النفارا 

شكراً 

انا معجبني ونيت المستوبيشي  فيه نوع 6 سرندل يعني خذ وانيت 6 سرندل  ودبل طلع جيب ماشاء الله واتمن تيوتا تخلي الهايلكس الدبل سته سرندل اتوقع بيصير منتشر اكثر من بعض الجيوب بعد

ياشباب الديماكس اللي يسحب الدينا وش موديله بدبل؟؟

نسيتوا يا جماعة أن مشكلته في القطع غالية جدا ،

أنا لقيت واحد في ورشة مصدوم في الوجه موديل 2013 وسألت عنه كم كلف؟

قالوا لي القطع لحالها ب 15000 ألف وبعضها طلبية ، يعني لو بدله هايلوكس أتوقع والله أعلم ما تعدي قيمة القطع 4000 ريال وكالة وغير ذلك متوفرة 

4 شالوا الجمل والجمل ماشالهم هههههه وشكرا على المقطع الديماكس معروف بقوته الخنفشارية ولك لايك كبر الجمل هههههه

رعد4

الفايبر الامامي حق الفورد اللي فوق الانوار قيمته وكاله ب1900  

ثالجة الاكسنت قيمتها 1350

قطع السيارات غاليه
وبخصوص البدي معروف انه قطعها غاليه في كل السيارات
والسياره عليها تامين وهي جديده 

لاتنسى ان التويوتا قطعها غاليه ايضا
مساعد الكامري حسب ماقالوا الشباب 570 الواحد
وبعض القطع الصينيه في الي سيارات تويوتا

حساس دب اللاندكروزر صيني  !!
مرواح الكامري وبعض الشغلات صناعتها صينيه 

نوار الذوياني
هالدي ماكس مديله تقريبا 2010 بدبل

ومكينة الديزل عزمها في الجر والتحميل اقوى من البنزين 

مشكورين ياشباب الله يجزاكم خير على الردود والأراء والموتر ماعليه خوف من ناحيه القوة والكرف ..وعسا الله يرزقنا الجنة .

تاكيدا لردود الاخوان حول مكينة الديزل ... للمعلومية سيارات الاسعاف مكائنها ديزل وحسب دراسة انه نظرا للوقت الطويل لانتظار سيارات الاسعاف بوضع التشغيل وهي متوقفة واستهلاك كبير على الطاقة الكهربائية لها وجدوا ان مكائن الديزل الاقوى تحملا والاكثر عطاء 

تسلم أبو عبدالله على الموضوع ومحركات الديزل إذا كانت فيها تيربو صدقني تعطيك قوه تعادل محركات البنزين والدي ماكس 

غنيه عن التعريف بشهادة ملاكها