أضف سؤال أو موضوع جديد          

رفقآ بسيارات الإيجار

up 23 down 5



السلام عليكم و رحمة الله و بركاته ,,,

اخواني و حبايبي أسعد الله أوقاتكم بكل خير , موضوعي اليوم عن سيارات الإيجار !!!!! بصراحة ليه كثير من
الناس يعاملون سيارات الإيجار على إنها جاية من فلوس حرام ؟؟  تلقاه يهابد فيها و يطامر أرصفة و مطبات
على سرعة و غيره و غيره إلخ ... أنا قبل فترة بسيطة كنت أبي أسافر سفرة سريعة للشرقية و ما كنت أبي
أروح على سيارتي لأن الروحة خفيفة و ما يحتاج آخذ سيارة كبيرة !!!!!!!!
أخذت يارس 2013 من مكتب تأجير, و على فكرة السيارة ماشية حدود 25 ألف يعني مفروض تكون (كرت)
نظيفة ما إنهلكت !!!! طبعاً أول ما ركبت السيارة ريحتها دخان بشكل فظيييييييع , السيارة تحسها مو متماسكة
أنواع الأصوات !!!!! لما أمشي 120 أو 130  الدركسون يهتز بقوة أحس شوي و بيطيح علي !!!!! حتى 
مكان (السويتش) محكوك بشكل مقزز !!!! و الكفرات تحسها ممسوحة إلا شوي !!! طبعاً لا تسأل عن حالة
المخمل أنواع (التقطيع و التقطيف) التقطيف = الشرر الساقط من الزقارة !!! يا اخوان أنا أتكلم عن سيارة 
موديلها 2013 مو 2005 أو 2006 !!!!!!! والله يا اخوان بصراحة شفت سيارات كثيرة و جديدة بعد
بمكاتب تأجير السيارات تحس إن موديلاتها قديمة مو 2012 و 2013 !!!!!! من الكرف اللي يجيها 
و الإستخدام الشاق !!!!! فنصيحتي للي يستأجرون سيارات راعوا الله في إستخدامكم للسيارات اللي
عطاكم إياها صاحب المكتب لقضاء حاجتكم فيها و أنتم عطيتوه فلوس عشان تستخدمونها إستخدام
معقول !!!!! أنا ما أقول عطروها ولا إمشوا فيها بشويش أو دلعوها !!!! بس إستخدام معقول و بدون
كرف زايد !!!! و شكراً لكم على حسن المتابعة ...

محبكم &&& أبو طلال










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تسلم أبو طلال على الموضوع ومثل ماقالوا الشباب جلدا ماهو جلدك مر به على الشوك 

ولكن ليتذكر من يفعلها أن الدنيا دواره ومن طق بيت الناس طقوا بابه 


up 2 down 0
ابــو ســنــد 10639
قبل 5 سنه و 10 شهر



ثقافة شعب !!   ثقافة بنت ***** .. مو بس بالسيارات .


up 0 down 0
be17 200
قبل 5 سنه و 10 شهر