الاجراءات النظاميه للي تغرق سيارته للفائده
9
0
إضغط هنا للإخفاء
السلام عليكم
اخواني اللي تغرق سيارته او احد اقاربه لاقدر الله لايروح يصلحها ولا يسوي اي شي الا بعد الاجراءات التاليه الكلام هذا واقع تجربه انا تو موتري غرقان في الرياض
اول شي تصور السياره في موقع الغرق وتحاول ان الصور تكون واضحه واذا ماقدر تصورها وهي غرقانه صورها بعد ماتسحبها من المويه
وبعدها تروح لأقرب دفاع المدني عندكم في وقت الدوام الرسمي ويكون معك صوره من (التأمين و الاستماره والرخصه)واحتمال يطلبون منك صور السياره واحتمال لا
وبعدها يعطونك خطاب للتأمين كانك مأمن تأمين شامل واذا منت مأمن تأمين شامل يعطونك خطاب لمكتب تقديرات المرور ومكتب التقديرات يحولك لشيخ المعارض ويقدرها لك قبل الغرق وبعده ويعطيك ضرف فيه التقدير وانتبه تفتحه ولا يسقط عنك التقدير
وبعدها تتنتظر لين يجيك اتصال من الدفاع المدني يطلبون منك اوراق التقدير وهذا انا الان انتظر وعسى الله يعين ع كلامهم ان الموضوع مطول
سبب كتابتي للموضوع اني اشوف بعض الناس الله يهديه يسحب سيارته من موقع الغرق للورشه ويصلحها وكأنه مايبي حقه ومكتوب في لائحة تعويض المتضررين حقت الدفاع المدني ان اللي يقوم بأصلاح الضرر قبل مايبلغ لايتم تعويضه
والله لايريكم مكروه
إبلاغ
الردود
1
0
ليش الدفاع المدني هو المسؤول عن غرق السيارات ليش ماتكون البلدية هي المسؤولة
لأن الدفاع المدني مهمه الإنقاذ
2
0
الماليه شرط ان الاجراءت نظاميه الله لايرينا
ولا يريكم مكروه
1
0
0
0
0
0
1
0
قبل 11 سنه