أضف سؤال أو موضوع جديد          

نظام سرقة جديد

up 9 down 9
ahoh 178
قبل 7 سنه و 5 شهر



السلام عليكم

توني فاتح القناة الاولى بالصدفة احصل مدير مرور الرياض

يقول انه خلال الفترة القادمة سيتم تطبيق نظام سرقة جديد في خطوط السفر

نظام السارق الجديد انك ابن امك توصل مثلا الشرقية باقل من 4 ساعات
مثلا عديت على اول كاميرا ونت ماشي 120 كم.س وبعدها دزيت 150كم.س وبعد 100 كيلو مثلا فيه كاميرا ثانية وتقوم تهدي انت  ل 120 مسوي ذيب
تقوم تصورك وتحسب عليك مخالفة حتى لو مشيت قدامها 80 لانها تحسب وقت وصولك بينها وبين الكاميرا الي قبلها بشكل الكتروني وتطلع سرعتك الي دزيت بها بعد الكاميرا الي قبلهاها
انا اقترح بدون مخالفات ولا اختراعات كل شهر يتم سحب 1000 من حساب كل شخص لصالح ادارة المرور







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اوف


شكل مالها الا طيران اجـل وبكذا ترتفع قيمة التذاكر الداخلية



نظام حرامي سارق عيني عينك


up 2 down 0
aboamani 1148
قبل 7 سنه و 5 شهر



علي حوالي 20000 الف قسايم ولا عمري سددت ريال واحد للمرور ولاناوي اسدد


up 1 down 5
abo ali28 290
قبل 7 سنه و 5 شهر



اسمعت عن هذا النظام عندما كنت بدبي بـ 2009 ..... ان الرادارات الواقعة بين ابو ظبي وبين دبي بتحسب الوقت الي قطعته بين الرادار والرادار وبتحسب سرعتك ... وبتخالف

ولكن طلعت كلها اشاعات ولا يمكن تطبيقها

الآن الرادار كيف يحدد هوية المخالف؟ .... عن طريق اخذ صورة له .... تخيل الرادارات تقوم بتصوير آلاف السيارات في الشارع الواحد من اجل هالعملية !!!

أعتقد مستحيل

إلا اذا كان في طريقة معيمة انا ما اعرفها لتحديد هوية المخالف او هوية السيارة

بجميع النواحي ... ربك يستر


up 2 down 0
muayad 1 768
قبل 7 سنه و 5 شهر



بقوة مايبيلها الا طيران قسم بالله شي يقهر قبل اسبوعين رحت عمرة ماعلي ولا مخالفة طول الخط 900 كيلو مثبت على 130 رجعت الرياض لقيت علي مخالفة تجاوز بمدخل مكة قبل الشرائع .. العن ام النصب ونا مافكيت المثبت عن 130


up 2 down 1
ahoh 178
قبل 7 سنه و 5 شهر



تصحيح "طريقة معينة"


up 1 down 0
muayad 1 768
قبل 7 سنه و 5 شهر



يا اخ deeed مافي شي مستحيل طالما من وراها بيطلعون ملاايين .. على كلام مدير المرور بتكون ثلاث انواع كاميرات متحركة .. كاميرات ارضية متحركة ... كاميرات ثابتة ومربوطة ببعض والكمبيوتر شغال حساب 


up 1 down 5
ahoh 178
قبل 7 سنه و 5 شهر



حبيبي لك حمايه او لك نظام ثغره يقولون يحسبون مده وصولك حلو طيب اذا تعديت الكيمرا الاولى امشي 200 اذا وصلت لثانيه
امشي 120 حلو اذا باقي لى 200 كيلو يعني ساعتين ومده الوصول 4 ساعات اريح عند شقه او مطعم منها اريح الموتر

ومنها اكل وشوف وضعي وبعد ساعه احرك حلو ..: يعني الوكاد لا شفت مطعم ولا شي وباقي لك ع الوصول النظامي 3 ساعات

وانت مجلعد 200 ريح في مقهى او مطعم او شقه لين ساعتين ساعه ع بال ماتوصل في الوقت المحدد وبذالك تتفدى المخالفه شرايكم


up 1 down 4
مهراس الزهراني 1338
قبل 7 سنه و 5 شهر



مهراس كذا انت وابو ١٢٠ كلم سوا   ماستفدنا شيء 

 اللي رافع ضغطي انهم حاطين حيلهم بهالنظام ولاحطوا حيلهم برفع السرعة من ١٢٠ الى ١٤٠ على الاقل ! 

 حسبي الله ونعم الوكيل
 
 يعني اللي بيمشي من الشرقية لمكه يبيله اسبوع بالخط


up 1 down 0
فكوك 1684
قبل 7 سنه و 5 شهر



يا اخواني انا شغال بالصحه ووالله نشوف حوادث تشيب لها الغلمان.خلي هالبشر تخفف من السرعه ولو خوفا من المخالفات.
وأنا مع تطبيق هذا النظام قلبا وقالبا ومستعد لتلقي سيلا من الديسلايك.


up 7 down 0
ابو فارس10 357
قبل 7 سنه و 5 شهر



مافيه الا شطرطون هو الحل
واذا قربت من النقطة بعيد اوقف على جنب واطلعه واول مااتعداهم احطه
عاد الشطرطون الكبير العريض يعني ماياخذ نص دقيقة احطه



up 0 down 1
-long story- -94
قبل 7 سنه و 5 شهر



مستحيل يصير .................الحركة ذي كبيرة على المرور ؟؟؟؟


up 0 down 1
salaam
قبل 7 سنه و 5 شهر



ويمكرون ويمكر الله والله خير الماكرين


up 0 down 2
ولد المدينة 2014 1307
قبل 7 سنه و 5 شهر



هذا اسلوب جديد لكي تطفش من السياره لاكن انتظرو كم سنه بعد ماينتهون من شبكة القطارات والمترو بعدها شف اناع التضييق علا الناس حتا يتم الاستغناء عن اكثر السيارات


up 0 down 0
البراق15 1692
قبل 7 سنه و 5 شهر



يابعد قلبي حنا مانمسك الخط الا نلزق اللوح الي قدام واللي ورا   وادعس يالمودير ولايهمك احد


up 0 down 0
ابواحمد2090 1523
قبل 7 سنه و 5 شهر



خلنا صريحين الان تمشي 130 عادي يعني 300 كم اقل من ثلاث ساعات
لايش تسرع ارفق ولاتوقف نفس الوقت يفرق دقايق بس


up 0 down 0
الأطلســـي 34
قبل 7 سنه و 5 شهر