ضلل تضليل خفيف او لا تضلل ياخي - قصتي امس
29
10
إضغط هنا للإخفاء
السلام عليكم ورحمة الله وبركاته
كيفكم عساكم طيبين إن شاء الله
حبيت ابارك لجميع الطلاب والطالبات مقدما والف مبروك :)
موضوعنا اليوم عن التضليل
بأذكر لكم قصتي
كلمني الوالد وقالي : ياولد , قلت يالبيه , قالي تعال , انا عند عمك في مكتبه العقاري وبغيناك في موضوع
قلت ابشر >> :) الموضوع اكيد ان فيه بشاره :)
المهم رحت
وقبل لا ادخل عليهم كان فيه تشارجر واقف ومضلل كتم والسياره طافيه وواقفه
جيت عندها وقعدت اشخص و اوزن الشنب ههههه و واعدل العقال و اشوف الثوب من ورا في وصاخه ولا عفطات كثيره و قاعد اقصد ( يا مندوبي خذ المكتوب سيدا )
و اعطيها ذيك النظره واقول من هالزين اللي واقف قدامي , اوووه انا , لا لا ما توقعت ههههههه
المهم إني فليت امها عند السياره لان قزازها مثل المرايه ووجهي واضح فيه
اشوي الا الموتر يشتغل
وانقز من الخرعه و تخرب ابو الشخصيه و العقال طار
وامشي كني ما سويت شيء حتى عقالي خليته >> ما ابغا اتفشل هههه
واركب سيارتي
واقول يوووووووووووه يلعن ام الاحراج وش هالفشيله :(
الا شوي رجع ريوس ودقلي بوري النذل هههههههههههه
الله يهديك بس هههههههههه
المهم لا عاد اشوف واحد يضلل مثل هذا
يا انك تضلل خفيف ولا لا تضلل ياخي هههههههه
وان كنت مضلل كتم , خل السياره شغاله عشان نعرف ان فيها انسان
مو تخليني مثل كذا , فشلتنا و خربت تشخصيتي (VIP) وطيرت العقال , وبعد تدقلي بوري انت ووجهك ههههههههه
عموما انا ترا ما اتشفلت والله :/ بس هذا وشسمه نزلت راسي اشوف دعاسه البنزين يوم انه يدقلي بوري لان كان فيها علك والله ههههههه
وبس
إبلاغ
الردود
5
0
2
0
انا الحمدلله حاطط عازل خفيف يبين اللي بسيارة بشكل واضح لكن بالليل نوعا ما يغمق شوي ..
1
0
1
0
لأن المشكلة لو فيها حريم وخرج صاحب السياره من المحل وشافك هنا الطامة الكبرى حتى هو عقاله بيطير بس مو على الارض ... خخخ
20
0
احرااااااااااج قوي
1
0
5
0
2
0
مثلي مرة من المرات في جمس مغسل ونظيف وطافي ومظلل واجيك واجلس اشخص على القزازه شويه الا اشوف الجمس يتحرك ..!!! وقتها عرفت اني جبت العيد اثر فيه عائله وساكتين يشوفون وش اسوي وررججججججججلك ياولد لا يجي ابوهم يحسبني اغازلهم وانا ماني حوولهم وربي ههههههههههههههههههههه
2
0
يعطيك العافية على القصة المضحكة...
2
0
هههههههههههههههه
فيه قصه طريفه يتداولوها عندنا .. بس لا اعلم مصداقيتها
وهي قريبه من قصتك "
يحكى
ان شاب كان في سيارته منتظرا في مواقف سيارات
وأراد ان يقضي حاجته ( يتبول ) وانتو بكرامه
فخرج من سيارته وذهب يبحث عن مكان ساتر له من الماره فلم يجد
ووجد في نهاية المواقف مكاناً يظن انه الأفضل وكان بجانبه سياره
فجلس الأخ بجانبها وقضى حاجته وارارد شيئا ليمسح به فلم يجد
فوقف وبدأ يمسح ب....... في بودي السياره وزجاجها ............
ههههههههههههههههههه
وما ان انتهى والا والزجاجه اللي كان يمسح فيها تنزل
هههههههههههه
ههههههههههه
يقولون فيه سياره كانت في المواقف سحبتها البلديه
هههههههههههههههههه
لو قلت القصه بلهجتنا العاميه ماراح تفهمون شي
5
0
وصارت معي بس الحمد لله السيارة ما كان فيها رجال يوم شفت ام برقع تناظر لي حطيت رجلي ومشيت
3
5
بس في بعضهم وخاصه بالرياض اشوفهم يضلل كاتم كل السياره حتى الامامي بالله هذا وشلون يشوف بالليل ولا مركب دربيل ليلي
انا مضللل القزاز حق الراكب والسواق خفيف ومع كذا ويالله اشوف
وتسلم عل الموضوع يابعدي *_*
2
0
ازين تضليله للسياره للي يحب يحافظ ع خصوصيته " زيرو 2 " وذا نظإمي وبالموقع حقهم انه نظامي لكن " اللقزازه الاماميه ممنوع تضللهاا اوقات يجيك المرور يجيهم عماء يشوف الزيرو 2 كتم ويحلف انها كتم هنا مالك الا تقول الله يلهمنا الصبر وتفك التضليله ^،^
1
0
انا ما اضبط الشخصيه الا على قزاز موتر مغبر و ما عليه تظليل
و اتأكد ما فيه احد بعد
2
0
منورين الموضوع والله
الله لا يحرمني من طلتكم الحلوه
واحساس جميل لما اشوف ابتسامه منكم والسبب انا
وتم توزيع اللايكات
و صوت العزاوي , عوافي يابعد قلبي , ليتك سامع كلامي , لكن يالله عساها خيره , وبأحاول اعوضك باللايكات عشان تقدر تقيم ..\
تحياتي للجميع
0
0
ياخي عندك قزاز موترك ظلل القزاز نيكل حق موترك وشخص من هنا لين ماتخترع تشخيصه جديده
1
0
1
0
Six Points
نقدم لكم أفضل منتجات ذو الجودة العالية
العزل الحراري : مقدم من شركة Express Window Films الامريكية ~
# مواصفات عازل الحراري افلام النانو سيراميك ↙ :
● تعزل درجة حرارة الشمس بنسبة ( 86% ) .
● تعزل الاشعة تحت الحمراء بنسبة ( 98% ) .
● تعزل الاشعة فوق البنفسجية بنسبة ( 99% ) .
● تسمح للضوء المرئي , الشفافية , بنسبة ( 73% ) .
✦✦
# مميزات عازل الحراري افلام النانو سيراميك ↙ :
● تسمح بتشغيل كافة وسائل الاتصال الحديثة .
● تخفض وهج الشمس ومن بهتان الالوان الداخلية .
● غير قابلة للخدش ومقاومة لكسر الزجاج .
● خالي من المعادن والألوان المعاكسة .
● متوفر بألوان : شفافة , متوسطة , داكنة .
✦✦
# خدمة مابعد البيع , ( الضمان ) ↙ :
ضمان عازل الحراري افلام النانو سيراميك ضماناً مفتوحاً وتشمل ↙ :
● تغيير اللون .
● فشل اللآصق .
● التأكسد والتآكل .
☼ ويتيح الضمان تركيب بديل جديد مجانا ☼
✦✦
- للتواصل والاستفسار /
فواز ( 0590077341 )
0
0
و هذا انا اختصرته لعيونكم يا جميلين :)
قبل 10 سنه و 3 شهر