وش رايكم بشركة التقسيط هذي ؟؟ أفضل أو البنك ؟

خذ تمويل شخصي بنسبة 1.45% بسعر السيارة المرغوبة و طلعها كآش و أفتك من هم التأجير و التعلق بالبنك و لا قدر الله لو صدمت تبلش معهم و تفتك من التفاويض ووو .

مثل ماقال اخوي ويندوز وبالتوفيق

واذا ماأقدر آخذ تمويل من البنك ؟؟

الله يجزاكم خير لكن أنا ودي انكم تعلقون على نفس الموضوع

خذ قرض من البنك اخف عليك

اشوف ارهن افضل ... على الأقل السيارة بأسمك
بالتوفيق

اول رد كلامك سليم وهذا الصح
انا ماخذ سياره عن طريق البنك وكل فتره اروح لهم عشان تفاويض وخرابيط مالها داعي ذلوني ي رجل عشان سيارتهم
انا من اهل الشرقيه وتقريبا اغلب روحاتي للكويت كل فتره والبحرين اسبوعيا تقريبا

ماتقدر تروح الا بتفويض ولازم قسط مقدم عشان تروح دول الخليج ولازم تدفع للتفويض رسوم والسياره بأسم البنك
ولايمديك تتصرف كامل التصرف بالسياره يذلونك عليها لابوهم لا ابو ابوهم عيال اللذينَ !!

من الاخر واخلصك خذ موتر بأسمك افضل بكثير والله حتى لو كان قرض مو مشكله بس يكون مشتراه كاش وبأسمك .

مرهونه يعني ما تقدر تصرف فيها الا بعد ما توفيهم حقهم

هي نفس الاجار بس بمسما اخر يعني صبه رده

نظام التقسيط برهن الاستمارة ،،،، هو نفسة نظام التأجير المنتهي بالوعد بالتميلك

اي عقد واحد فقط وهو (عقد الايجارة) المدة فقط ،، اما العقود الي تنتهي بدفعه أخيرة ، وان كانت تتقسط بعدين فهذا .. لا
لانه عقدين بعقد
عقد الايجارة وعقد دفعة التملك
الرد الاول

او شركة الوطنية للتقسيط ،، بنظام التأجير المنتهي بالوعد بالتميلك

يبن الحلال اخذ مستعمل وش حادك ع الجديد اذا عندك موتر روح وتعال عليه وجمع دراهمك سنه سنتين واخذ موتر جديد ياليت الواحد فينا يفكر شوي ويعرف يدير ميزانيته الماليه وبتوفيق لك ياخوي

الله يجزاكم خير يااخوان لكن ترا فيه فرق بين الرهن والتأجير المنتهي بالتمليك

الرهن عقد بيع وليس آجار يعني من توقيع العقد تكون ملكت السيارة

لو صار عندك ظرف لاقدر الله وماقدرت تسدد التأجير يسحبون سيارتهم ويعتبرون مامضى أجار وممكن بعد ياخذون زيادة
الرهن قال اننا نشتكي شكوى للمحكمة على شان تسدد واذا ماقدرت نبيع السيارة وناخذ حقنا المتبقي ونعطيك الباقي

أنا سألتهم عن التنازل هل اقدر اتنازل لاحد يكمل عني الاقساط وتنقلون السيارة باسمه ؟ قالوا مانقدر لأن السيارة ملكك انت مانقدر ننقلها لشخص ثاني 
في حالة ماقدرت تكمل الاقساط دور لك واحد يكيش السيارة وتنقلها باسمه انت

سألتهم اذا بعد مدة ابي ادفع باقي المبلغ كاش قالوا نحسب الفوائد المتبقية ( بدون التأمين ) ونخصم لك النصف

وسلامتكم

ممكن اسم الشركة اللي بالرهن ودي آخذ عن طريقها ...

بعدين الرهن هل يتم عن طريق المرور ؟؟

اسمها البيت السعودي للتقسيط لكن لاتاخذ على كلامي اسألهم عن كل شي

البيع بالرهن انزه و انظف من عقود التأجير الملعوسة