سالفتي مع القير و خذوها مني نصيحه..............

12 7

لايمكنك التصويت حتى الحصول على 20 نقطة على الأقل
إضغط هنا للإخفاء

وجه البومه 202
قبل 10 سنه و 10 شهر

السلام عليكم ورحمة الله وبركاته




اخواني هالسالفه لها فتره طويله بس كل ما اتذكرها يضيق صدري يعني (منقهر من الي صار)




مالكم في الطويله




السالفه ان معي سياره فورد اكسبلورر اشتريتها وطلع فيها عيب في القير المهم السرعه 140 وضغط المكينه 5 قلت لا هذي فيها شي المهم رحت للورشه والي هي مركز جيركو للجير الي في الصناعيه القديمه الله لا يبارك فيهم




قابلني مديرهممن جنسيه عربيه ولا احلى من لسانه وكلامه الله لايوفقه <<< قايل لكم منقهر




المهم قال حبيب ألبي السياره بدها قطعه صغيره في الحساس رقم 4 لانها ما بتغير للرابع قلت مضبوط




قال هيدي بسيطه الشغله استريح اشرب شاي على بال ما نرفع السياره




المهم فكو القير وقال حبيب ألبي هيدي ما طلعت من الحساس هيدي بدا صيانه وشغلات كهربائيه بتكلفك 1200 ريال قلت أمنت بالله طيب والحل قال ولا شي بكره الصباح بتجي تستلم سيارتك مصلحه جاهزه
قلت الله يعين اوكي بكره بكره




طلع لي كرت الصيانه الكبير الي يحطونه في السياره المهم وقعت عليه مكتوب فيه ها الشي
1200 ريال قيمه التصليح
حتى اتصل فيني الوالد وقلت له السالفه قال خير ان شاء الله وكلم المهندس بنفسه علشان يحرصه اكثر واكثر




من بكره ما رحت الصباح لا رحت الظهر ادخل على الورشه السلام عليكم قال اللبناني وينك حبيبي؟




قلت وش تبي قال بتصل فيك من الصباح قلت خير




قال فين قطع الغيار؟؟؟؟




قلت اي قطع




تغير وجهه وطلع لي الوجه الثاني وراحت الابتسامه




قال السياره بدها قطع غيار توضيب ب 3600 ريال




قلت توضيب ايش




صاحي تقولي شغله بسيطه واليوم تقول توضيب؟








قال لما فكينا القير صارت المشكله كبيره وبعدين القير مفكك خلاص (مفروووط)




قلت اقول تعوذ من نفسك ورجع القير كما كان اببيع السياره هونت قال ما اقدر ارجعه




قلت طيب ماهي مشكلتي هذي مشكلتك وانت قايل لي 1200 ريال والسياره مصلحه 




قال لا هيدي قيمه التصليح وانت موقع على هالكلام




قال ليش انا مجنون افك قير فورد ب1200 ريال قلت مالي شغل




قال وانا كمان واذا ما راح تجيب القطع يا ليت تجيب ونش وتشيل سيارتك




المهم الاعصاب والاخلاق راحت واتلاقط انا واياه ومنه كلمه ومني كلمه والحمد لله معي واحد من الربع 




ويهدي فيني وما خليت شي ما سبيته فيه صراحه ارتفع ضغطي والكلب يرفع صوته بعد ولولا ستر الله كان فركت وجهه في الفاتوره




المهم هديت نفسي وتعوذت من الشيطان الا هذا الوالد يدق علي الله يجزاه خير يبي يتطمن قلت لا السالفه تغيرت وصار كذا وكذا قال ايشششششش




قلت الي سمعته قال تدري وانا ابوك اكل (تــ مشفر)




وعطالرجال دراهمه قلت وشو الي اعطيه دراهمه قال وين بتروح تشتكي بتجلس كم شهر ما اخذت حقك لا من شرطه ولا من شيخ صناعيه




تعوذ من الشيطان وعطه الفلوس والي صار صار لو بتاخذ سيارتك لورشه ثانيه لعبوا فيها اكثر واكثر




المهم رجعنا نتاسف وهنا القهر ومعليش وانا والغلطان وحقك علينا




وفعلاً عطيته الدراهم وكلفتني السياره 1200 شغل يد والقطع 3600 يعني 4800 ريال جعلها عليه بالخساره والندم








الي يقهر انه هو المديروالكل في الكل في الورشه




وانتهت السالفه




ما يستفاد من القصه




تاكد من الفاتوره والكلام الي مكتوب فيها شغل يد والا صيانه كامله وخلهم يكتبون




مع القطع او بدونهاعلشان م يلقون مدخل في الفاتوره يقدرون يلعبون فيه




(نسيت اقول لكم اني حصلت واحد من الشباب مدخل سيارته عندهم توضيب قير وخبطوا بالمكينه عليه
الظاهر انهم طالعين وكاشخين بسيارته وجابوا خبر مكينتها واهي نوع كديلك كونكور وكلفته الضعيف 12000 ريال ونفس كلام الوالد يقول وش اسوي وين اشتكي فيه )




ما كتبت هالقصه الا ما ابي احد يصير فيه هالمقلب




والله يستر على الجميع

اخوكم وجه البومه 

منقوول

إبلاغ

الردود