ام سعوديه تمنع الشرطه من القبض ع ابنها

ياخي حرام عليه يحط أمه ونفسه في الموقف هذا 

الله يا الام مافي زيها بها الدنيا حتا لو ولدها فاجر ماتحب يمسه الضر سبحان الله الامهات من عظايم خلق الله .

الله يخلي لنا أمهاتنا ويجعلهم في الفردوس الأعلى في الجنة .

اللهم استر علينا والمسلمين اجمعين

على قول الاخ تألمت ماهي سالفة لوحات 
ولكن قليل الادب الهمجي اللى جالس يصور الحرمه بأي حق يصور وينزل المقطع وهل يرضاها على أهله 

الله اعلم بقضيتهم 

لكن عز الله انها بنت رجال

مهما كانت المشكلة المفروض تركوه وتكفي المخالفة ! اما انك تحرق اعصاب امه !

السالفه ماهي سالفة لوحات اكيد انهم مسوي شي اكبر 
ولا اذا على لوحات كان خلوه يمشي لن معه امه 
وانا مره مريت على نقطة تفتيش وزارة الداخليه بتاجه الشمال والسياره دار مدار مظلله وبدون لوحه اماميه العساكر عند النقطه وقفو السياره الي قدامي وجاني قال اثباتك وانا معي اهلي والله قالي أمش وركب لوحتك وفك التظليل ومشاني لن معي أهلي العساكر نادر مايخالفونك او يوقفونك ومعك أهلك الا اذا كانت مشكله كبيره ومطلوب من ضابط 
والله يعينه 

ياخوان يا اخوان السالفه سالفه لوحات وفقط وهو الابن صغير بلعمر تقريبا 18 او 17 سنه والحين العساكر الى يجيك متخرج
من الثانوي وخش فيها ويوم لبس البدله مسوي انه قوي وزاحف ولا احد يكسر كلمته طيب اهله معه المفروض عدم القبض عليه
وطبعا حدوه من الخلف ولامام العساكر الحين مبزره ولا يقدرون .. فا الى عينه حمراء عليهم يحاولون تجنبه ولى ساكت يطقطقون
عليه

خلنا ناخذ الموقف ذا بشكل موضوعي يعني نحكم العقل فقط!
اذا كان النظام يقول ان التوقيف مصيرك اذا فكيت اللوحات, فيستاهل اللي جاه,
 واذا العسكري يبغا يفرد عضلاته ويسوي انه رجال فيستهال الحساب العسير.

ساهر جاب المشاكل ومن ضمنها الي صاير بالمقطع بسبه ساهر فك لوحه
وغيرهم مجرمين فكو لوحاتهم وماجابوهم

لو المرور يبي يضبط الشعب يقدر بدون ساهر بس الشغله فلوس 

جاني المقطع امس عالببي 

والله اني انغبنت  ياخي والله عيب عليهم شنباتهم ماهي على رجال يخلون الحرمه كذا  تصايح على ولدها

 انا متعاطف مع الام كثير بس الابن يستاهل ليش يمشي بالسياره بدون لوحات الدعوه مش فوضه
وفيه انظمه لازم الكل يلتزم فيه وللا نرجع للفوضى والسرق والذبح وكل شي بالقوه والقوي ياكل الضعيف

^^^^^^
اكل تبن
والله انها بنت رجال
واطيب من كثير من الريجيل

ايش دخل الموضوعى بمنتدى السيارات الظاهر مشرف الموقع جالس يتفرج خخخخخخ

أبو ميان ودي أعطيك لايك لأكن النقاط ما تساعد 

 تف على العسكريه وعلى اخلاق العسكريه,,
العسكريه عباره عن نظام وانظباط,, ولكن مدمره لشيم واخلاق الرجال.
واتحدى اي عسكري يقول غير كذا.
شف نفسك وانت بـ ىالبدله. وشف نفسك يوم تفصخها,,
وخاصه جايبين لك شويه ورعان باقي ماخط شنب بوجه, لا يقدر ولا يستحي ولا يفهم جحلطططي يوم كان يدرس الله عليمه وش هو من رجال والحين صار معه كلبشه ومسدس ويتجاوز على حقوق الناس

بغض النظر عن المشكلة دمعت عيني من خوفها ع ولدها هذه وهي لهدرجه الام تعشق فلده قلبها 

بس اقسم بالله انها بنت رجال ذيبه لان فعلا بعض  العسكر صارو مستغلين سلطتهم وبدلتهم ع الضعاف وياكل هوا من الكبار 

وتذكرت قصه صارت مع احد جيراننا ضعاف سورين ابوهم كبير في السنوعنده حول سبع بنات وولد واحد وصغير المهم صارت مشكله والعسكري استغل منصبه ووبدلته   وسوا حركه اقسم بالله استحقرته الواطي لا نافي قلبه رحمه ولا وازع ديني بس حسبي الله ونعم الوكيل فيه وفي الاخير طلعت برائه بس   من يدور ورا العسكري ويأدبه الحين