وش رايكم في تأمين ميدغلف ؟

زمان كنت اسوي التامين عند الشركات المنتشرة حول المرور
ايامها بعضها غير معتمد
وبعضها يتأخروا او يتهربو من دفع التامين
ومماااااااطلة لحد الطفش

من بعدها حولت على التعاونية وهي الافضل الان للطرفين كفانا الله واياكم الشر

افضل شركة التعاونية بلا منازع لا يتاخرون عليك ولا شي

تصدقون امنت عند تكافل الراجحي تامين شامل يوم صار لي حادث بسيط ووديت سيارتي للوكالة وكتبو التلفيات والقطع بعدها جا مندوب التامين شطب على كل شي وكتب الاصلاحات من راسه حتى استبدال القطع شطبها وكتب اصلاح يوم راجعتهم قالوهذا الي عندنا ولو بنغير لك القطع بتدفع 25% من قيمة القطع حسبي الله عليهم وهو تامين شامل

أفصل تأمين شامل التعاونية وبس
اللي غيرها تأمين ضد الغير ( يفكك من خلق الله ) إذا صار شي لاسمح الله

التأمين الشامل الكل يمدح التعاونية وتعاملهم

ضد الغير أرخص واحد يفي بالغرض عند حضور نجم ويفكك من المشاكل

الله يكفينا واياكم شر الحوادث والمصائب

والله من وجهة نظري ان الواحد سواء بيأمن شامل او ضد الغير يأمن عند شركه ممتازه وافضل شي التعاونيه 
يعني لو لاسمح الله صدمت واحد وتأمينك معروفين ب المماطله وش ذنب المسكين الي يبي حقه عشان كيذا فرق 100 150 وشركه محترمه افضل من شركه تماطل بالواحد 

ميدغلف 
حرامية لكن ما يتاخرو بالتعويض
صار علي حادث 
وقدر مبلغ التعويض من المرور 4500
وراح الورق للتامين
وبعد شهر وهم يقولولك 15 يوم
جا المبلغ 2500

من يحميني من هذ التلاعب مابقي غير وزير التحارة يتابعهم.......

وش رايكم ب اكسا