أضف سؤال أو موضوع جديد          

مبادئك و شروطك عشان تشتري السيارة

up 1 down 3
بوخا 3559
قبل 5 سنه و 4 شهر



السلام عليكم

كيفكم مع البرد ....

المهم كثير منا له اراء و له خيارات يميل لها لاكن السؤال هل عندك شروط معينة

ايش هي مبادئك عشان تكون السيارة هي رفيقة دربك و طبعا مافي سيارة بالعالم متكاملة

مستحيل هذا الشي كل سيارة لازم يكون فيها سلبيات و راح اعطيكم امثلة

سيارة مريحة لاكن حساسة و تحتاج عناية خاصة

سيارة قوية و تتحمل لاكن غير مريحة

سيارة غير مريحة ولا تتحمل لاكن لها اسم و سمعة

سيارة تتحمل و قوية لاكن ما تمسك سعر و مالها اسم بالسوق

سيارة قوية من ناحية المحرك و ما يهمك اي شي ثاني

تحياتي لكم













إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انا عن نفسي 
اشوف موصفات الأمان بالسياره قبل كل شي وهو مبدئي بشراء اي سياره موصفات الأمان مقابل السعر 
والشي الثاني موصفات السياره وهل الي بدفعه تستاهله السياره من موصفات 
يعني مستحيل ادفع مبلغ 70 80 الف بسياره ارباقين وبدون وسائل سلامه 


up 2 down 2
شروكي 2007 181
قبل 5 سنه و 4 شهر



طبعاً اول شيء اول شيء السعر | لانه انا مفلوسي مو لا نهائية ( مد رجولك على قد لحافك )
بعد السعر يجي الامان | لان مافي فايدة تشتري سيارة من اقل شيء تودعها
بعد الامن يجي الشكل & الوكيل| الشكل ضروري لانك ما بتتحمل تسوق سيارة شكلها سيء + الوكيل لانه اذا مافيه قطع غيار مجرد ما تخرب يبيلك شهر على ما تصلحها
وبعدين المواصفات


up 1 down 1
mat2rain 248
قبل 5 سنه و 4 شهر



أهم شيء قوة المكينه 

عشان لا بغيت موتر يزبنك وقت الشده , ما يخونك

يعني اذكر موقف قبل سنه كان اكسنت و قدامي تريله والخط رايح جاي

وابغا اتجاوز التريله , ولفيت خفيف اشوف في احد جاي من الخط الجاي ؟

شفت موتر بس بعيد 

المهم شديت على الاكسنت و الف يسار وادعس ادعس ادعس فيها بنت الكلب ما تزيد سرعتها

واثر الموتر البعيد كان صافق الطبلون الملعون

و انزل على الردميه و ما يردني الا الشبك

وبعتها تشليح الله لا يعيده من موتر

فأهم شيء قوة المكينه + الراحه + قطع الغيار رخيصه وهذي السياره اتوقع هي الكابرس او اللومينا 2011 8 سلندر

موتر يزبنك وقت الشده و عزمه يطربك و مريح على الاخر مريح جدا جدا خصوصا الكابرس وقطعه رخيصه وشكله جدا جميل

الامان فيه مثل اي سياره من فئته

تحياتي لك


up 1 down 0
أبو فيصل 13 272
قبل 5 سنه و 4 شهر



و عليكم السلام ...
بالنسبة لي
 اﻷمان   2 ايرباق ع اﻷقل و فرامل ABS و اشوف اول تجربة اختبار التصادم اﻷمامي
المكينة    لا تقل قوتها عن 150 حصان ع اﻷقل و حجمها وسط بالنسبة للسيدان
           و مستحيل اشتري 8 سلندر سيدان نفس المكينة و الصرفية لجيب أو لجمس
القير     5 او 6 تعشيقات للاتوماتك اريح للمكينة و اقوى عزم
الراحة     ضروري مثبت السرعة و المسجل CD و المكيف قوي
الوكيل   كثير من اﻷحيان انسى و ما انتبه لخدماته ﻷني ببساطة حبيت السيارة 

و المعذرة على اﻹطالة





up 0 down 0
أبو نجوى 2451
قبل 5 سنه و 4 شهر



تحياتي للجميع و شكرا لمروركم

ابو فيصل الحمد لله على سلامتك

و انا حصل لي زي موقفك كثير مرات لاكن الحمد لله الله ستر


up 1 down 0
بوخا 3559
قبل 5 سنه و 4 شهر



اذا معك موتر فيه مكينة قوية ياااخي شعور خطير مدري هو انا بس ولا فيه احد مثلي

معي لومينا شكلها حلو ومواصفات عاديه بس اتعبتني بالمطبات قاسية جدا كنها ددسن

بس متحملها عشان الاس اس كل شي يهون


up 0 down 0
ابو عدآي 335
قبل 5 سنه و 4 شهر



الاس اس قاسي حتى الاس قاسي ^^ عكس الـ ال اس

حتى الدينالي اليوكن اقسى من اليوكن العادي


up 0 down 0
أبو فيصل 13 272
قبل 5 سنه و 4 شهر







سيارة مريحة لاكن حساسة و تحتاج عناية خاصة..................سيارات الشفر





سيارة قوية و تتحمل لاكن غير مريحة ...........تويوتا




سيارة غير مريحة ولا تتحمل لاكن لها اسم و سمعة............ تويوتا




سيارة تتحمل و قوية لاكن ما تمسك سعر و مالها اسم بالسوق ......لاند روفر ..شفر جمس كاديلاك








up 1 down 1
sehly11 643
قبل 5 سنه و 4 شهر