أضف سؤال أو موضوع جديد          

تم حل المشكلة ولله الحمد

up 21 down 3
ابوفيصل121 277
قبل 7 سنه و 4 شهر



السلام عليكم ورحمة الله وبركاته...مساء الخيرعلى الشباب...
من منطلق (انما المومنون اخوة),(حب لاخيك ما تحبه لنفسك), 

امس نزلت موضوع ان في صوت في الموتر تحت المهم طلعت الصناعية عن ((السباكين)), واجي عند اول
واحد ويقول المكينة جتها ضربة, والثاني يقول القير تاثر, والثالث يقول كلام مو من ارض الواقع كانه مخلوق
فضاء ههههههه المهم قلتلهم لما تتفقون مع بعض دقوا علي المهم ان طفشت وقلت ياولد ارجع للبيت وربك
يحلها بعدين وانا ماشي قلت خلني اروح عند ابو رياض واحد يمني جزاه الله خير اغير عنده زيت الموتر
وخلني انزل تحت واشوف المهم واروح لمه وكيف حالك ابو رياض قال الحمد لله قال سلامات وش الصوت 
قلتله علمي علمك وينزل تحت ويناظر شوي ويطلع ويجيب مفك وقالي طف الموتر ونزل تحت 10 دقايق 
وطلع قال شغل واشغل ويختفي الصوت بيض الله وجهك يا ابو رياض وش سويت قالي حملات الشكمان كان
مرتخي وشديته قلتله والسباكين حتى الواحد مارضى يتشرف وينزل تحت تقول ما شاء الله عيونهم 3D ههههههه
يعرف الخراب من نظرة , طيب كم حسابك قالي والله ولا ريال يا ابورياض قال توكل على الله والله واشكره
واروح للبيت واسجد سجود شكر ان السباكين ما لعبوا في الموتر, ومشكورين للي ردوا على موضوعي امس لكن
ما شفت الردود الى يوم جيت للبيت وكان في كم واحد قالوا يمكن من الشكمان ويعطيكم العافية ومشكورين
وطولت عليكم..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الحمد لله طلعت بسيطة 
الله يستر عليك من السباكين 


up 1 down 0
عاشق خيالك 4801
قبل 7 سنه و 4 شهر



الحمد لله   والله يجزيك خير على الافاده


up 2 down 0
esaawe 75
قبل 7 سنه و 4 شهر



العتب عليك الرجاآل هنا يردون في موضوعك وخذ نصايح وساحب على ابو الردود واريح لحقين الورش


up 2 down 2
حسوف -60
قبل 7 سنه و 4 شهر



الحقيقة  عضو مميز  لاحظت  انك في مواضيعك فيها استفسارات مثل الجميع  ولكن ماتنسانا من الحلول  بعد حلها  وتنزل موضوع بذلك 

شكرا 


up 3 down 0
sell 236
قبل 7 سنه و 4 شهر



تسلم يمينك حبيبي 


up 1 down 0
أبو فيصل 13 272
قبل 7 سنه و 4 شهر



الحمد لله ان طلع ما فيه شي قوي 
ويا اخوي ابو فيصل ليه ما نزلت تحت سيارتك باي حفره بنشرجي 
وشفت العطل ترا كشف الأعطال وخاصة اللي تحدث صوت من اسهل 
الأعطال بالنسبه لي ولازم تتعلم كيف تكشف اعطال سيارتك بنفسك ولو 
تقولي ما اعرف اقولك تعلم محد يطلع من بطن امه متعلم 
وربي يحميك ويسهل دروبك 
تحياتي


up 1 down 1
foxzx 1593
قبل 7 سنه و 4 شهر



أنا بصراحة بعجبني إللي يلاقي حل لمشكلتة ويجي يقولها هنا من شان الكل يستفيد

أشكرك يا صاحب الموضوع


up 2 down 0
الوافي62 350
قبل 7 سنه و 4 شهر



ياحسوف صدقت لكن انا ما سحبت على الردود انا قلت يوم جيت للبيت شفت الردود والحمد لله صار خير ويعطيكم العافية
ياشباب ماسوينا شي ابد وش بخسرني ادا صارت لي مشكلة وحليتها وجيت قلتلكم حلها انا ولا غيري ياخي يمكن تجيك دعوة
من اخيك حلوة تنجيك من مصايب وبلاوي


up 2 down 0
ابوفيصل121 277
قبل 7 سنه و 4 شهر



موضوع مميزرغم بساطته وطرحك للمشكله وحلها يعنى الشي الكثير والله يعطيك العافيه ويكثر من امثالك وهذا هو الهدف او الغرض من عرض المشكله وحلها فور وجود الحل علشان الكل يستفيد مو مث البعض الله يهديهم يطرع الموضوع وعندي مشكله ويا اهل الخبره والفزعه وتكفون وووووو الخ ..... واذا انحلت مشكلته سحب علينا وما عاد ينزل الموضوع يعنى خلاص لقي غرضه وطنش .... ياخي عيب عليك اطرح الموضوع واذا لقيت الحل الله لايهينك اطرحه علشان الكل يستفيد ويكسب خبره المنتدي ماو ضع الا علشان يستفاد منه ويعرض تجارب الاعضاء سواء فى المشاكل او حلولها ..... ولك خالص تحياتي


up 1 down 0
سيف الهاجوس 912
قبل 7 سنه و 4 شهر



ابو فيصل يا قلبي انت ما اخطيت ورايتك بيضا
انت عرفت العطل وقلته بس غيرك نقوله علي الاعطال 
ويمشي ويسحب علي الاعضاء بس وانا اخوك كلن يخدم 
بطريقته وبالنسبة لي شكرني او سحب علي نفس الشي انا ابغي 
الأجر من ربي لا اكثر .
والرسول صلي الله عليه وسلم قال في مجمل الحديث
(( من كتم علما لجمه علمه علي وجه يوم القيامة ))
وأشكرك يا ابو فيصل 
تحياتي لك 


up 0 down 0
foxzx 1593
قبل 7 سنه و 4 شهر



الحمد لله انك حليت المشكلة
يا اخوان تكفون ابي لايكات كثيرة 


up 2 down 0
العالمي2011 77
قبل 7 سنه و 4 شهر



ابشر ولايهمك با احلا لايك


up 0 down 1
ابوليلي المهلهل 284
قبل 7 سنه و 4 شهر



الله يعطيكم العافية شباب جميعا ومشكورين 


up 0 down 1
ابوفيصل121 277
قبل 7 سنه و 4 شهر