أضف سؤال أو موضوع جديد          

لاتستعجل بالقرار على كلام الميكانيكي - قصه قصيره

up 15 down 5
عـادل عبدالله 4751
قبل 7 سنه و 3 شهر



السلام عليكم كيف الحال ياشباب وش الاخبار ..

كانت معي سياره قديمه شوي قير عايدي ومع الاستخدام الطويل والشاق صار مشكلة او عطل بالكلتش (تالف)
صارت ماتعشق الا بالقوه عرفت ان الكلتش خربان بالكامل يحتاج تغيير رحت محل قطع غيار شريت كلتش كامل اصلي ورحت ورشه وفكوا القير وغيروه بالاضافه الى تغيير الزيت جديد وضبط التعشيق بعدها صارت مشكله !!

نجي للمشكله والمشكله هذي ماطلعت الا من الاهمال وقل الخبره وعدم المبالاه بحلال الناس !
بعد ماشغلت ومشيت تعشيقات الكلتش ممتازه ولكن لمن امشي طلعلي صوت قوي مع اهتزاز واضح
رجعت للورشه وعلمتهم بالسالفه وقالوا حنا غيرنا اللي قلت عنه وماسوينا شي ثاني ! يعني قالك طلع منها
قلت له حبيبي انا بخلي السياره هنا وبعد شوي بجيك شيك شوف عشان ماتصير مشاكل .. رجعت وتبين انه ماسوى شي او بالاصح ماعرف لها !! وقتها قلت دبر عمرك وجاب ميكانيكي ثاني وثالث ورابع وفيه واحد منهم قالي القير مخبط لازم توضيب وغير كلامه قال الكلتش مو اصلي يطلع صوت لازم تفك مره ثانيه وتجيب واحد غيره اصلي !! مع العلم ان اللي جبته اصلي

كان وقتها قريب المغرب وشغل اللمبه اللي يفحصون فيها وتبين مع اللمبه

ان فيه فتحه او مسافه بين القير والمكينه بينت مع الاضاءه لان النور دخل معها من كبرها ههههههه!!!!!
طلعت المسامير عدد 3 كبيره غير موجوده والفتحه هذي سببها عدم تركيب البراغي او الصواميل
عرفت ان الصوت والاهتزاز من الفتحه لان القير مو ملحم بالمكينه تماما

قالي روح اشتري براغي وجبها قلت والله ماشتري انت ضيعت البراغي وين راحت ؟
روح انت اشتري وجبها وفعلا راح وجابها وركبها ورجعت السياره ماشاء الله بدون صوت ابد ...

هذا للمعلوميه ياجماعه اللي بالصناعيات اغلبهم مايعرف شي يطقطق على موترك ويخربه
ولاتستعجل وتسمع كلام المكانيكي ترا احيان مايعرف بس يفتي من راسه يبي فلوس وخلاص

شكرا ...

الصور للتسليه فقط من تصويري











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


جزاك الله خير

لكن ايش سالفة السيارة الي ماشية 200

لا تكون أنت


up 2 down 1
أبو عبادة 4852
قبل 7 سنه و 3 شهر



موضوع مفيد الله يعطيك العافية ، ولابد من استلام السيارة بصورة أفضل مما كانت عليه ، لأنك دفعت فلوس عليها وعلى شغله ..

وبالنسبة للصورة الأولى أحس المكينة طلعت من الكبوت هههـ الله يهديك فجرت أم أمها ، والسرعة مافيها خير ..
أما الصور الثانية ممتازة وراقية واختيارك في الصور أليــم :)

وفقك الله ، وننتظر جديدك ياللي ماعم تحكي ..


up 1 down 0
أبو أحـــمد 2433
قبل 7 سنه و 3 شهر



ابوعباده شاكر مرورك
نعم هذا انا كنت مسافر ماسك خط من جده للدمام والطريق شوي طويل ومسرع شويتين

ابواحمد مشكور وانصحك تكون فوق راس الميكانيكي اذا بيشتغل عشان يخاف ومايهمل شي
بالنسبه للصوره الاولى تقول فجرت المكينه هههههههههه نعم كانت بالخامس ولارفعت رجلي باقي ماريحتها على 6
راح ينزل عداد المكينه على 4 ونص .. شكرا شباب


up 0 down 0
عـادل عبدالله 4751
قبل 7 سنه و 3 شهر



وين هذي الصور ...أبها ؟


up 0 down 1
muayad 1 768
قبل 7 سنه و 3 شهر



ههههههههههههههههههههه والله تزبيد في وجيه الميكانيكي 

بس وش الموتر اللي بالصورة الاولى ؟


up 0 down 0
hmada1213 2018
قبل 7 سنه و 3 شهر



الميكانيكي بهذي الايام يتعلم شهرين فجأة ولا انه فاتح ورشه يحل ويربط
هذا غلط الاصل انه العمل لازم يكون حازم بذا الشغل
لانه فيها ارواح معلقة بمسمار هذا حديد ما ينلعب فيه
شكراعلى الموضوع يا طيب



up 1 down 0
abdallh.... 132
قبل 7 سنه و 3 شهر



بعضهم يعرف المشكله بس مايعلمك ويلخطك بالسعر او يقولك تعال بعدين وخل الموتر واخرتها تطلع المشكله فيوز


اسمع سالفتي...غسلت سيارتي فمغسلة...قلت له يمسح المكينة...المهم شوي ويجيني يقولو الكبوت مايتقفل....ياولد..واقوم الا الكبوت يتقفل من جهه والثانية مفتوحه تقل صلير له حادث.

المهم قلت كمل غسلك وامر ميكانيكي اشوف.

ومريت ورشة ويفتح الكبوت ويقفل مريت اربع ثلاث منهم قالوا المساعد حق الكبوت ويبي وزن...ياولد قل غيرها...والثاني والثالث...وكنت فعلا ابيه يسويها تعبااااان ومالي خلق...ومر الرابع ويفتح وينظر هنا وهنا ويدخل يده يحوووس لين طلع حصى فطرف الكبوت...وقفله وصلى الله وسلم.


up 3 down 0
المسلم اخو المسلم 417
قبل 7 سنه و 3 شهر



يالبى طبلون السيراتو .... قسم وحشتني صارلها 3 شهور ما طلعت هههههه 


up 4 down 0
shadowz33 1097
قبل 7 سنه و 3 شهر



ياولد ليه تسرع كذا !!

خل الخط يطول عليك

ولا تخلي حياتك تروح بلحظه وانا اخوك

تراها لحظه الحادث ما تتعدا 15 ثانيه 

يعني حياتك تروح في 15 ثانيه والسبب السرعه

فخل الخط يطول عادي وحافظ على حياتك يا الغلا

حياتك اغلى من كذا بكثير

موفق حبيبي




up 7 down 1
ابو يزيد 000 8712
قبل 7 سنه و 3 شهر



جزاك الله خير                 



up 1 down 0
ولد المدينة 2014 1307
قبل 7 سنه و 3 شهر



جزاك الله خير على التنبيه 

الصوره الاولى ما ادري اشفق على روحك ولا على المكينه ولا على اهلك لان الكل يححن عليك هههه


up 3 down 0
..استغفر الله.. 266
قبل 7 سنه و 3 شهر



صادق لا تثق في المهندس من مره شوف غيره وغيره وغيره البعض يفتي من راصه. 



up 1 down 0
احمد gmc 120
قبل 7 سنه و 3 شهر



ابويزيد شكرا ولايهون الباقي كل بأسمه .


up 0 down 0
عـادل عبدالله 4751
قبل 7 سنه و 3 شهر