أضف سؤال أو موضوع جديد          

لو انت مكاني وش بتسوي

up 7 down 1
yahia qarn 486
قبل 7 سنه و 10 شهر



السلام عليكم ورحمة الله وبركاته 
كيفكم وعساكم بخير وصحه وعافيه 

الموضوع وما فيه ......... حركات بعض الشباب اللي ترفع الضغط

المهم 
البارح كنت على الخط العام وماشي ١١٠ كيلو تقريبا 
ويجيك راعي هايلوكس ويطلع بوجهي من الخط الثاني واهدي ... ولا سويت له شي
واعديه وانا مالي فيه ولا أعطيت له اهتمام وشوي والا هو معديني ومسرع وراح
وشوي واشوفه واقف بجنب الخط ويوم قربت منه ويعطيها هذيك التفحيطه 
وتجيك الحصى من كل مكان على سيارتي 
وقتها حرارتي وصلت اتش ، بس كان معي عيالي والله انه ارتفع ضغطي
لكني اكتفيت بالدعاء عليه فقط 
لانه مستقصدني 
واللي اثبت لي انه قاصدني كان واقف بجنب الخط ومؤخرة الهايلوكس باتجاه الخط
ومنتظرني بعد 

بالله يا شباب لو واحد منكم كان في مكاني 
وش راح تكون ردود الأفعال تجاه هذاك الأحمق ...

انتظر آرائكم ........ وشكرا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


و عليكم السلام ....
يا ابن الحلال لا تتعب نفسك
اللي ما ربوه أهله تربيه الحكومة
و بيجيه يوم أسود يطلع له واحد يمشيه صح 


up 9 down 1
أبو نجوى 2442
قبل 7 سنه و 10 شهر



اكبح غضبي واقول اللهم اهدي من اساء الي ..
تكسب اجر وترتاح انت نفسيا لانك رغبت الخير في موضع شر
الرسول طلب من ملك الاخشبين ان يطبق على الطائف فرفض رسول الله ونحن نعمل بعمل الانبياء ان شاء الله +1


up 2 down 0
marwan699 5854
قبل 7 سنه و 10 شهر



وعليكم السلام ورحمه الله وبركاته
يأخي هالعينات في كل مكان وزمان ، ماراح تنقرض من عندنا
انا متأكد لو توقفه وتصكه كف من قوته تنتثر اعضاء وجهه على كبوت الهايلوكس.. ماراح يكرر هالحركه وراح تحصله دائماً بالصف الاول وقت الصلوات
بالنهاية تصرفك حكيم لأنك ماتمشكلت معه وانت عيالك معك
حفظك الله من كل مكروه


up 5 down 0
iturki1 540
قبل 7 سنه و 10 شهر



من = منه

الذي طلب من الرسول هو ملك الجبال


up 0 down 0
marwan699 5854
قبل 7 سنه و 10 شهر



شكرًا للجميع 
اخوي marwan جزاك الله خير 
المفروض اني ادعيله مو ادعي عليه 
لكن والله من القهر والغبنه ما حسيت نفسي الا وانا ادعي عليه
ياخي ليه كذا ووش اللي بيني وبينه حتى يسوي لي كذا 
المشكله اني ما سويت له شي 
حتى النور ما ولعته عليه ولا دقيت له بوري ولا شي
يعني بالنسبه لي ما كأن شي حصل 
لكن ما أقول الا الله يسامحه


up 1 down 0
yahia qarn 486
قبل 7 سنه و 10 شهر



الله يهديه ان شاء الله .. من يعرف ربما الرجال الان ندمان انه سوى هذه الحركة .. هو 99% مسلم .. ولازم نلتمس لاخينا المسلم الف عذر
+1



up 4 down 0
marwan699 5854
قبل 7 سنه و 10 شهر



رَجُل قَالَ لِلنَّبِيِّ صلى الله عليه وسلم: أَوْصِنِى ، قَالَ : لاَ تَغْضَبْ ، فَرَدَّدَ مِرَارًا ، قَالَ : لاَ تَغْضَبْ. قال الرجل ففكرت حين قال النبي صلى الله عليه وسلم ما قال فإذا الغضب يجمع الشر كله.



up 2 down 0
windows 8 166
قبل 7 سنه و 10 شهر



عن أنس أن النبي صلى الله عليه وسلم مرّ بقوم يصطرعون ، فقال : ماهذا ؟ قالوا : فلان الصريع ما يصارع أحداً إلا صرعه قال : أفلا أدلكم على من هو أشد منه ، رجلٌ ظلمه رجلٌ فكظم غيظه فغلبه وغلب شيطانه وغلب شيطان صاحبه ( رواه البزار قال ابن حجر بإسناد حسن . الفتح 10/519 ) .


up 1 down 0
windows 8 166
قبل 7 سنه و 10 شهر



يخوي انا بسوي زيك بالضبط


up 1 down 0
مستريح البال 1 1780
قبل 7 سنه و 10 شهر



ردت فعلك كانت ممتازه جدا ولا احد يقدر يسوي مثلك الا قلة جدا لانهم يفقدون الحلم

انا اتوقع لو كنت في محلك راح اسوي مشكله مالها اول ولا تالي

ووقتها راح اقول ياليتني وياليتني

فاعجبتني ردة فعلك يا الغلا




up 3 down 0
ابو يزيد 000 8712
قبل 7 سنه و 10 شهر



بيجي يوم يحصل واحد يسوي فيه كما تدين تدان واتمنى من الشباب يراعون ظروف الشخص بعض الاخيان الواحد عنده ضغوط نفسيه مب ناقص واقسم بالله يجي واحد يسوي فيه مثل هلحركات يعصب ويرتكب فيه جريمه 


up 0 down 0
أستشاري الحب 6468
قبل 7 سنه و 10 شهر



بكتفي بالدعاء خاصة معي عيالي 
و ليش انزل لمستواه يمكن معه شي يضربني فيه اودي نفسي وعيالي وري الشمس 


up 0 down 0
ولد المدينة 2014 1307
قبل 7 سنه و 10 شهر



انا قبل سنه كانت معاي كامري 2011 تكسي المهم وانا داخل نفق وقدامي اكسنت 2013 تقريبا ويميني وايت وبين الاكسنت والوايت مشافه ممكن 30 متر وانا جاي مستعجل شوي وراعي الاكسنت يمشي 50 المهم والله لا كشحت بنور ولا شي حولت يمين واسرع عشان اعدي الاكسنت واخذ يسار في وقدامي الوايت واسرع ويقوم الغبي راعي الاكسنت يسرع يبيني اصدم الوايت المهم ويوم قربت من الوايت وارمي سيارتي ع الاكسنت هههههههههههههههههه الرجال انخرش اووحححححححححححححححححححح المهم ويلحقني وانا ماكني اشوفه ويوم جا جنبي وحنا نمشي وياشر لي وقف وقف المهم وهو قدامي وقف يمين وانا وراه نزلت وهو جالس بسياره هههههههههههههه اشوي الا نزل صار يتنفخف وصار يدفني على خفيف ويده اليمين مخبيها وراه ويقولي قسم بالله اسيح دمك هنا انا رديت عليه وانا متنرفز قلت والله بطنك اخرمه بومحاله موجود ههههههههههههههههههههه وذلف الغبي عطاني ظهره وهج واسف ع الاطاله لاكن نهايه الهياط يا انا في السجن يا انت واهنيك على صبرك يراعي الموضوع


up 0 down 0
maldkheel 521
قبل 7 سنه و 10 شهر



هايلوكس .. مايحتاج تبرير لهالعينات ,,
انتم عارفين وش بالمرتبه الامامية ويسوي هالحركات عشان يوريه انه قوي وافهم يافهيم :)


up 1 down 0
YASSER505 4174
قبل 7 سنه و 10 شهر



منورين الصفحة 
اسأل الله الهدايه للجميع


up 0 down 0
yahia qarn 486
قبل 7 سنه و 10 شهر