أضف سؤال أو موضوع جديد          

ماهي الطريقة الصحيحة لصيانة السيارة ..؟

up 2 down 0
abo_shadi 29 110
قبل 9 سنه و 3 شهر



السلام عليكم ورحمة الله وبركاته


ابغى اعرف امور عن الصيانة حتى احافظ على السيارة بإذن الله
كصيانة الفلاتر ومتى اغير السيفون بعد مرتين  من تغير الزيت او اكثر
وغيرها من امور الصيانة .....)
فالله يخليكم والله توني شاري السيارة (مستعملة) والحمدلله نظيفة 2011
بس ماأبغى اتواصل مع صيانة الوكالة لأن احس تكاليفهم واجد

في انتظآآآر ردودكم يآ آ آ أهل الخبرة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


وش نوغ السيارة



up 0 down 0
ولد البكيريه -105
قبل 9 سنه و 3 شهر



كل تغيره بسيفون افضل واهم شي يكون اصلي لان اغلب اللي في البناشر يكون من جنبها


up 1 down 1
عبدالمجيد ال محسن 3341
قبل 9 سنه و 3 شهر



اذا السيارة ماشيه اكثر من 150 الف غير الزيت على 3000 كلم مع فلتر الزيت
اذا ماشية اقل من 150 الف غير كل 5000 كلم مع فلتر الزيت
فلتر الهواء ماعليه يتنظف وتقدر تغيره كل 30 الف كلم او 40 الف كلم حسب الحاله اذا كنت راعي خطوط
وتعرضت السيارة للغبار والاتربه راح يتلف بسرعه لكن الحدود الطبيعيه هي الي قلتلك
زيت القير التماتيك حسب كتيب الصيانة الي عندك في سيارات يتغير على 100 الف وفي كل 40 الف
ما ندري وش نوع سيارتك نفس الكلام ينطبق على البواجي وفلتر البنزين لان في بواجي بلاتنيوم تتحمل حتى 100 الف
والسيور ايضا على 100 الف يفضل تغيرها
الزيوت انصحك في محطات ادريس  ( ون استوب ) شغل ممتاز وتاخذ فاتورة على العمل
وانت لازم تشيك زيت المحرك وماء الراديتر بشكل دائم لان حنا بالصيف خصوصا الراديتر.
اسف على الاطاله ... الله يعطيك خيرها ويكفيك شرها


up 2 down 0
ابوسطاام -1
قبل 9 سنه و 3 شهر



هذا ظني فيكم
الشكر موصول لكل من شارك وفادني بردوده

أما نوع السيارة : ازيرا 2011  مكينة3.3 ماشية بحدود ال50 الف

>>متابع للردود قاعد يسجلها


up 0 down 0
abo_shadi 29 110
قبل 9 سنه و 3 شهر



روح انا اخوك الوكاله وخذ منه جدول الصيانة وامشي عليه

زي يقولك 5000كلم تغير فلتر وزيت ...

و10000 زيت وفلتر واقمشه وزي كذا وانت طالع

خذ الجدول ذا وعليك بمراكز الصيانة السريعه


up 1 down 0
الهن...ا 1712
قبل 9 سنه و 3 شهر



زي ماقال أخونا الهن ...ا مرجعك للوكالة في معرفة مواعيد الصيانة واذا على الزيت والفلاتر غيرها خارج الوكالة عند ورشة محددة تتعامل معها وبالذات لو تتعاقد معهم بنظام كوبونات من باب التوفير تغير لكن في القطع الإلكترونية والخرابات الغير معروفة ( لاسمح الله ) أنا انصحك تأخذ من الوكالة وتسوي الصيانة عندها عشان الضمان أول شي وعشان لاتطب في يد من يتعلم على سيارتك ...


وربي يبارك لك فيها ويعطيك خيرها ويكفيك شرها ...آميييييييييييييين


تقبل مروري والسلااااااااااام ...:)


up 0 down 0
أبوتـركـي 1173
قبل 9 سنه و 3 شهر



انا بالكاتلوج امشي عليه ...جدول الصيانة بدليل المالك مايحتاج تروح للوكالة...
بس اشتر القطع من الوكالة وغير عند ناس ثقة ترى الفلاتر ارخص من البناشر تخيل هههههههههه انا هوندا اكورد اشتريه بــ18 ريال والبناشر عندهم بـ25 وعندهم بـ55 اصلي على قولتهم لوول ..والفورد بـ 16 والبناشر 25 تخيل وهم مو اصليوقدع غيرها نفس الشي الوكالة سعرهم ممتاز بس صيانتهم مزعجة ومكلفة


up 0 down 0
talal abdullah 5421
قبل 9 سنه و 3 شهر



ونسيت اقول اني اغير قبل الوقت المكتوب بالكتلوج والفلتر مكتوب مرة غيره ومرة لا انا اغيره مع كل تغييره مايضرني شي ....والبواجي 40 الف انا اغيرها 36 الف


up 0 down 0
talal abdullah 5421
قبل 9 سنه و 3 شهر