أضف سؤال أو موضوع جديد          

كل وحدة تقول الحلى عندي إحترت فيهم يالربع

up 2 down 0
أبو نهلة 348
قبل 13 سنه



السلام عليكم ورحمة الله وبركاته
صباحكم ومسائكم ورد وخير ورضى من رب العالمين
احترت وحلاهن شوشن فكري آآآخ ليتني صاحب دراهم والله لكوش عليهن كل ابوهن
وكل يوم اتكشخ بوحدة<<<<<<<<<روقها عاد
الله يرزقكم ويرزقنا بالحلال
أخواني الكرام بين أيديكم ثلاث تحف ( من وجهة نظري )
ودي آخذلي وحدة منهن لكن احترت ما ادري وش  آخذ وش أخلي
آرائكم تهمني فأنا منكم وفيكم والناس للناس وكلنا لرب العالمين
ماليبو 2013 محد جربها للآن وأخاف لا آخذها واتحسف بعدين
دودج تشارجر 2011 زينة ومزركشة لكن هـ القطع لكـ عليها شوي على مايقولون
هوندا أكورد 2012 ياويلي ويلاه سعرها غالي شوي وقطعها بعد
لكن فديت ذي اللحى الغانمة
أفضل وحدة فيهن بالنسبة لك مع ذكر السبب
ولكم جزييييل الشكر












إبلاغ إبلاغ



الردود


الماليبو الشكل القادم كانت امريكيه وبشكل عام لم تلقى اقبالا كبيرا


الشكل الجديد صارت كوريه وابتعد عنها نصيحه لانه جودتها بتضعف


الاكورد حلوه بس للاسف بدات تفقد جوهرها بحكم انها صارت تجميع امريكي


التشارجر قويه جباره شكل متوحش رياضي ماعليها اي كلام


لكن وش رايك تمر وكالة اليمني وتشوف السوبارو ليجاسي ( تيربو ) ب120 الف


ماراح تندم على هذي السياره وكل قطعه فيها مصنوعه فاليابان حتى الكمبرسر مو مثل باقي السيارات تلقى الكمبرسر كوري والسياره تجميع استرالي



بصراحه لمن قريت الموضوع توقعت الموتر ( بنتلي )  
سيارات عادية ولا تحتاج راعي دراهم وتتكشخ بعد هههههههههه  وش خليت للمواتر الشيوخ 



up 2 down 8
ابوسطاام -1
قبل 13 سنه



يارجال والله كل وحده تقول الشين عندي التشالجر القير اضعف من المكينه والاكورد حشى قطع بي ام 2013 بتتغير والماليبو شكل حلوه ودلع جنوط كمارو وخلفيه كمارو ووجهية كابرس المرعبه بس تاكد من الصنع وقطع الغيار


up 1 down 1
lolo-ss 4508
قبل 13 سنه



الماليبو صارت كوريه للاسف شايفها فالوكاله


التشارجر ماقد سمعت احد اشتكى من قيره


وضعف القير هذي تلقاها فالكابرس


خذ هذه الرابط واسئل مجربين التشارجر الجباره


http://www.assayyarat.com/forums/thread141028.html


واذا تبي تشارجر نظفه خويي فالعمل معاه وحده حمراء الظاهر انها 2010 استنادر نظيفه توها ماشيه 18 الف كيلو وتشييات الوكاله عليها


ومثل ماوضحتلك اتمنى انك تزور وكالة اليمني وتشوف السوبارو عليها 8 اير باقات غير الاعمده الفولاذيه الحاميه للبدي



ترى التشارجر 2011 ستنادرد مكينته اضعف من 2012 ( نصيحة مجرب )


up 2 down 0
ibra.aj 2045
قبل 13 سنه



التشارجر 2012 افضل قيرها8نمر خذ فل ال8سلندر ب142 الف جنط 20 وشاشة 8انش والماكينة5.7

بس اذا كل قطعها زي الكرايزلر ترها غاليه


up 3 down 0
الهن...ا 1712
قبل 13 سنه



اذا صدق الماليبو سارت كوريه فخذها وتوكل


up 1 down 1



الماليبو بحكم ان الشكل جديد لتاخذها خذ الموديل الي بعده عشان تتجنب العيوب المصنعيه
وعلى العموم انا ماجربتها ولا اعرف احد جربها وكذلك التشارجر ماجربتها

لاكن الاكورد يشهد الله انها سياره ماعليها كلام شكل انيق وقوه ورساوه وتحمل
والي يقول قطعها غاليه  مابي ارد عليه انت بنفسك تقدر تعرف عندك محلات القطع وتقدر تستفسر
وعلى العموم قطعها مثل قطع باقي السيارات مافيه اي فرق كثير
هذا اذا كانت الاكورد تحتاج تغيير قطع اانا معاي اكورد ٢٠٠٨ حتى البر والمزرعه اروح فيها الى الان ماغيرت فيها قطعه وحده غير الفحمات والزيت وسيفون ولله الحمد لها معاي تقريبا ٥ سنوات


up 2 down 0
بشوش 5096
قبل 13 سنه



الهوندا وبس .


up 1 down 0
أبوعمر 99 1043
قبل 13 سنه



في المرتبة الأولى هوندا أكورد بعد ذلك دودج تشارجر ثم الماليبو .. ولو كنت في مكانك أنتظرت الألتيما الجديدة 2013 ،،،،، موفق للخير


up 2 down 0
أبو جـود 2747
قبل 13 سنه



بارك الله فيكم أنا أشهد انكم كفو عيال رجال ماقصرتو
بالنسبة للسبارو أخوي شاقح هي سيارة ماعليها أي كلام وياباني 100% على قولتك
أنا معي سوزوكي طلعت عيني سيارة عادية وقطعها ماتستاهل اللي ينصرف فيها
أخوي أبو سطام يقول الرسول الكريم عليه أفضل الصلاة وأتم التسليم
(( رحم الله امرئ عرف قدر نفسه )) وحنا يخوك نمد رجولنا على قد لحافنا
وإذا انت راعي خير وربي منعم الله يزيدك
أنا بتكلم على قد حااااااالي


up 3 down 0
أبو نهلة 348
قبل 13 سنه



هوندا اكورد افضل اكيد واكيد استخدامك يومي 


up 1 down 0
princ 18875
قبل 13 سنه



بس الأكورد تحس انو مدخلها ضيق شوي وإكسسواراتها عادية نوعا ما


up 0 down 0
أبو نهلة 348
قبل 13 سنه



مثلك عارف يا أبو نهلة الزين ما يكمل حلاه ، لكن تقدر تقول أن الهوندا أكورد هي أكثر جودة وعملانية بين الخيارات المطروحة ,,, موفق للخير


up 1 down 0
أبو جـود 2747
قبل 13 سنه



بارك الله فيك أبو جود


up 0 down 0
أبو نهلة 348
قبل 12 سنه و 12 شهر



الله يختار اللي فيه خير .......آآآآآآآآمين


up 2 down 0
mhmd64 28
قبل 12 سنه و 10 شهر