رأيكم في الاسعار ؟

من حكم في ماله فما ظلم
جعله يعرضها بمليون هو حر و أنت لك حرية الشراء دام ما في أي جهة عندنا لا رسمية و لا خاصة تسعر السيارة بعد فحص علمي و تعطيك قيمة تقديرية عادلة السوق سلطة بكبره يعني مثال عندك الأفالون عند عبد اللطيف جميل فئة XLE بسعر 118 الف و عند المعارض هي هي السيارة وارد عبد اللطيف جميل بسعر 105 الف فرق 13 الف ريال ! بالله هذا سوق محترم !

كلامك على العين والراس ... ولكن انا مقارنتي بالسوق العام (للمستعمل ) وموقع حراج ... الجديد جديد و الوكلاء حراميه وهذا الشئ 
ماهو جديد والكل عارفه .. ولكن ...مافي احد مستفيد .. البائع بضاعته في وجهه .. والشراي .. ماهو شاري الموتر اللي في نفسه .. 

ولكن زي ما قلت من حكم في ماله فما ظلم .. 
ولكن السوق له احكامه برضو .. 

ههههههههههه يا أخي نصيحة للي يبي يشتري لابد و لابد و لابد يعرف الاسعار التقريبية للسيارة اللي في باله في السوق أولاً ..

و بعدين يدور في الموقع او ع النت ، بحيث تكون عنده خلفية ..


يا أخي الأسعار طاااايره بالموقع !

طايره ! .. اقلك حاجه واحد من زملائي في العمل ... جمبي يداوم .. حصل دودج في المعارض 2007 6 فل كامل ب 26 الف ! 
نظييف وبعد الفحص الحمد لله اشتراها .. طيب .. وبالصدفه .. حصل المالك السابق حاط دعايه في موقع حراج وطالب فيها 39 الف !! 
انت قلي ايش استفاد لما شطح في سعر السياره ؟ ... والله لما شفت الموتر ما صدقت بس تأكدت من اللوحات .. فعلا هو الموتر نفسه 
شئ مضحك ورب العباد 

اصلا واضح الي شاطح بسعره محد يمه وبعدين الموديلات القديمه مثل الي تقول عليها 93 انتهى عمرها الافتراضي مفروض ماتفكر فيها لانها بتفتح لك ملف مشاكل