السيارات القديمة المخزنه

شوف قيمة الريال قبل عشر سنوات وشوف قيمة الريال الحين وتعرف ليش

قبل عشر سنوات الاسعار مره حلوه وتعتبر رخيصة مقارنه بوقتنا الحالي كل شي ارتفع اكثر من سعرة دبل وجودة اقل


قبل عشر سنوات كانت علبة الزيت بحدود 7 الى 8 ريال ونشوف الزيوت اللي سعرها 21 غالية مره الحين شوف كم اسعارها ارتفعت دبل غير السيفون والفحمات والاذرعة والمساعدات وغيره وغيرة

بس للأمانه معي فلوس اشتري موتر جديد ليش اشتري قديم حتى لو انه يكد

تحسب احد بيشترها بالله

والله لتخمج بالمعارض

و اللي يقول ماعليك عشاقها بيشترونها

اقوله افلقني ان احد شراها بالسعر هذا

كرسيدا 120 الف ؟؟ لا امان ولا شيء ؟

اخذ لي كورلا بنص قيمتها واكرفها 10 سنوات , وازيد اشتري بالنص الثاني سياره ثانيه

واكون اخذت سياره اصفار على يدي و شكلها جديد و فيها مواصفات اطلق من الكرسيدا 

شف انا معك لو كانت سياره كلاسيكيه

تحس انك مهما دفعت >> عادي

لانها تحفه فنيه و تراث

انا ناوي على موتر كلاسيكي بالسبعينات بحدود 30 الف ريال الى 35 الف ريال 

واعدلها تعديل و اجددها تجديد و احطه له جنوط اسلاك و ارشها من برا لون فاقع

و بأكشخ فيها كم من شهر :)

والله المواتر الكلاسيكيه لا مشت بالشارع الكل يطالع ويصور

تحسها روز رايس

اما المواتر اللي بالتسعينات اغلب اشكالها خايسه 

الي يشتري السيارات هذه يكون شخص هاوي وعاشق (( مو شخص مستخدم  استخدام يومي)). وشيء طبيعي تكون اسعاره توصل للقيمه هذه لأنها نادره ومميزه واصحابها تعبوا عليها وحافظوا عليها يعني صاحب السياراه هذه ماساقها كثير ولاكرفها كثير مثل الي موديلاتها والآن بعد مرو الزمن وتوقف صناعتها اصبحت تملك سياراه نادره بمواصفات الجديده بكل امنه تستحق السعر هذا

تم حذف الصورة لكي لا نقطع رزق راعيها.
للاحاطة.وشكرااااا

هذا كله دجل ويصدون بعض فيه


زتشزفه يقول مسيومه او يجي شريطي ثاني ويقول شريت وكله تمثيل علشان يوهمونك ان لها زباين

   كان معي كريسيدا وكاله  93 اول ماطلعت عيوبها  اول شيئ  صرف بنزين عالي بحكم انها كربليتر مقارنه بالسيارات الحديثة البخاخ ثانيا الحرارة دائـم ترتفع خصوصا بالمكيف والسيارة واقفه لانه لايوجد لها مراوح تبريد فقط الاعتماد على مروحة المكينة عموما الكامري   تلافت جميع العيوب التي في الكريسيدا وهي القوه والعزم والحرارة زغيرها 

بالنسبة لسعر السيارة اللي موديلها قديم ومخزنه وسعرها غالي انا اشوف ان مايشتريها الا واحد مشكوك في عقله مع احترامي ... بالعقل ياخوان سيارة موديلها مثلا 2005 ولا في التسعينات ولا غيره ونظيف ومخزن هل بيخدمك مثل الجديد مستحيل الموتر له سنين مصنع واكيد بيحتاج اشياء معينة بحكم الزمن مثل جلد مثل الراديتر مثل مثل الى اخره لان المواتر الجديدة فيها مواصفات ولها مقاييس تتناسب مع اجواءنا والزمن اللي حنا عايشين فيه اللي هو الامن بعد الله سبحانه الارباق وبرضوه تستمع بشكل جديد وتحس انك ماشي مع الناس مهب متاخر عنهم بموديلات وقديم وحالتك حاله انا مو ضد انك تملك موتر قديم حنا عندنا 85 كابرس له 21 سنة ولازال عندنا لكن لازم مواتر موديل حديث وهاذا حق ابو تمشية ولا تقضية مشاوير بسيطة إلخ ......... اسف على الاطالة تحياتي يا اخوان

 120 ألف ازودها 10 آلاف واخذ افالون اصفار فل 2013

مااعتقد تجيب 120 الف اذا جابت نفس سعرها يوم مانزلت من عند الوكيل سنة 96 كويس اكثر من كذا اشوفها صعبة

اخ مازن لا تستغرب هذي مثل السيارات التراثية ما تستغرب لو لقيت مرسيدس sls موديلها 1940 وقيمتها فوق المليون ونص

ليه لانها نادره

>> وفالاول والاخير تبقى وجهة نظر <<

احترم وجهة نظرك.  بس يازيد انت تقول تراثيه مافيه مشكله عدا على موديلها يمكن 50 سنه يعني نادرة في البلد وللزينه اما السيارات المذكورة للإستخدام ومنتشرة وفيه أفضل منها 

الكراسيدا في معرض العابسي موديلها 1996 مسيومه ب116