الموضوع محذوف

 السلام عليكم 
نصيحة  اذا انت من اهل الدمام او جده او الرياض ابعد عن العادي  لانه متعب حيل 
حاول تكشف عليه وتفحصه  وشيك على الكهرباء   وصفاية البنزين  والبواجي والاسلاك  
يمكن بحاجة للاستبدال ويضبط العزم  
والي اذكره طبعا الـ6 سلندر للفكس ار  ما يناسبه وغير مرغوب لان الموتر ثقيل والمكينة  صغيرة 
وموفق خير اخوي 

خليك على سيارتك عشان ماتندم .. وانت ليش تطعس اصلا وتهلك سيارتك بالعمد
اذا عندك هوايه التطعيس اشتر لك ددسن بسعر اللي تقدر عليه مع اللاندكروزر

اخوي اكيد فية مشكلة عندك في السيارة غير البواجي واسلاك البواجي ونضف البخاخات وصدقني تزيد قوة المحرك

عزم التماتيك مو سئ لها الدرجة 

واذا انت متعود على التماتيكك مستحيل يمشي معك العادي لانة قرف 
غير مريح بالزحمة وفي الشوارع الضيقة والحواري واللفات 

لو بشتري سيارة جيب او اين كانت ما راح افكر في العايدي ابد 

عندي كامري عايدي واداوم من اقصى الشرق بالرياض للبديعة 
بهذلتني 
ومرة استاجرت اكسنت اوتو 
كرهت الكامري والساعة الي شفتها فيها 

اخوي خدها نصيحة خلك في الاوتو اريح من العادي. ولاكن العادي اقوى من الاوتو. وخاصة في الزحمة. او اذا انت كنت من مدينة. فيها زحمة. وانت تقول سيارتك ما فيها عزم. لا سمح الله يمكن فيها مشكلة 
تحياتي

من رأيي اذا وضعك المادي زين
جمع لك كم قرش واشتر ربع تويوتا او نيسان من الموديلات القديمة 
وخله بس للنفوذ والطعوس والبراري
والاند اللي عندك خله للمدينة والسفر والطلعات الرسمية

ال في اكس ار مايصلح الى v8  غيره لاتفكر فيها نهائي   بخصوص v6  صحيح عزم لك عليه لكن تعتمد على سائق اذا هاوي سرعات عاليه وهاوي طلعات  ومرقى 

 لكن لو فكرت تبيعه وتبي موديل احدث او  حجم مكينه اكبر ممكان لكن تبيعه علشان قير هذي مشكله 

 ومن ناحيه القير عادي انت وذوقك   اذا هاوي قير عادي اخذ اذا تماتيك  برضو حلو 

 لكن قير عادي فن  ويتحمل   بس متعب بزحمه وخطوط   تمسك خط الف كيلو تجي تريح تحصل رجلك مصلبه  اذا كان الخط  فاضي  ممتاز لكن اذا مزحوم متعب 

 القير تماتيك مريح جدا   

 لكن من ناحيه طعوس لو معك اشويت قروش اشتري جيب رخيص زي شروكي او بترول سفاري ربع  وطعس فيه  

 وطلع الي في راسك كله لكن تبيع سيارتك علشان قير عادي بكره تتحسف وتقول يالتني مابعته  

السلام عليكم 

اكيدد تفرق العادي اقوى واريح في التطعيس  

موفق 

بس احسن لك جرب اي موتر جيب قير عادي واحكم



موفق

السلام عليكم 

اكيدد تفرق العادي اقوى واريح في التطعيس  

موفق 

بس احسن لك جرب اي موتر جيب قير عادي واحكم



موفق

ي طويل العمر القير تماتيك جدا مريح في الزحمه اما العادي متعب لاكن في التحمل وقوة العزم القير العايدي 

يا زين القير العادي

الي تعود عليه. يكره الاتوماتيك 

والله لو تستاجر قير عايدي افضل تشوف تقدر تصبر عليه ولالا

** وعندي تنويه للي يقول الفكسار مايصلح 6 سلندر ابد ..... اصلاً الفكسار مايجي 6 سلندر .!.!.!!!!!

السلام عليكم ورحمة الله وبركاته :
أخوي فالطعوس ما يصلح إﻻ العادي و ﻻزم تكون يدك سريعه عشان ترد نمره وانت ترقا .
و ﻻكن فالرياض تعب خاصة إذا رحت البلد و البطحاء هنا يجيك شد عضلي في فخذك اﻷيسر و تمزق في عضلة الكتف اﻷيمن .
 و إذا عندك سيارة ثانيه صغيره اوتو خذلك عليها حيب قير عايدي .
و البر له فن قيادة ﻻ يتقنها إﻻ قليل .

اصلا خوينا قال معي جي اكس ار ماهو في اكس

يااخوك العادي قير يعزك ..والله انه قير لكل الصعاب… لكن الاوتوماتيك للراحه 

والتطبح… 

لو تبي عزم وسيطره مالك الا العايدي .. لكن يبيله نشاط و تركيز وسرعة بديهة

لو انك حق طعوس… اما لو انت ياخوي تحب الراحه والتبطح ماانصحك بالعادي

لانه بيخرب عليك جو التبطح .. انا عني مااعترف بالقير الاوتو ماتيك ابدا..