أضف سؤال أو موضوع جديد          

ساهر و باشر و التطبيق السيئ للنظام ؟؟

up 9 down 3



السلام عليكم و رحمة الله و بركاته ,,,

اخواني و حبايبي أسعد الله أوقاتكم بكل خير , طبعاً اليوم موضوعي عن (باشر) اللي صار من أهم المواضيع 
المطروحة حالياً بالمجالس و بالمنتديات !!!! و السؤال الأهم هل راح يكون تجاري بحت مثل شقيقه (ساهر) ؟؟
ساهر لمًا نزل قبل أكثر من 3 سنوات !!!! إستبشروا الناس فيه خير و توقعوا بأنه راح يحد من الحوادث و
راح يساهم في زيادة الوعي المروري !!!!! و لكن للأسف كانت آلية التطبيق مادية بحتة و بأبشع الصور !!!
و على قولة واحد من الشباب: ( بين كل ساهر و ساهر ساهر) !!!! البارح أنا راجع من الشرقية و أول ما
مسكت الخط يعني حدود 40 كيلو أكثر من 6 سيارات ساهر يعني يا 7 يا 8 ماني متأكد ويمكن أكثر بعد !!!!!
خل نفرض شخص كبير بالسن مسك الخط ولا يعرف لا ساهر ولا عداد سرعة ماشي 140 الأجودي لاهوب
طاير ولا معرض حياة الناس للخطر و أخذ له 7 فلاشات و هو بالخط هذا المتوسط بس !!! أنا اللي أحصيته
أمس بالخط حول 13 كاميرا ما بين ثابت و متحرك !!!! 7 * 300 = 2100 لو إنه راجع بالطيارة بالدرجة
الأولى كان أوفر له و أريح له !!!! طبعاً أنا أمس و أنا بالخط مثبت على 120 لأن معي عفش و الأهل راكبين
معاي و الكفرات نص عمر فما كان لي نية أسرع من الأساس أكثر من كذا !!! و لكن عجبوني الشعب أغلبهم
مشرطنين اللوحات و يمر من ساهر بكل ثقة !!!!! و خذلك (فلاش ببلاش) هههههههههههههههههههه

 ولكن تساؤلي اللي حاب إنكم تشاركوني بالإجابة عليه هل يا ترى سيكون (باشر) نسخة طبق الأصل من (ساهر) ؟؟

محبكم &&& أبو طلال












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


احول ولا قوة الا بالله


up 0 down 1
القصاب 166
قبل 5 سنه و 9 شهر




لا
حول ولا قوة الا بالله


up 1 down 1
القصاب 166
قبل 5 سنه و 9 شهر



مشكور يا ابو طلال +1
وش هو باشر؟ ...اول مرة اسمع فيه
ليكون نظام المخالفات الغيابية ؟


up 1 down 0
muayad 1 768
قبل 5 سنه و 9 شهر



هلا حبيبي deeed , نظام باشر هو = تسجيل المخالفات عن طريق جهاز مثل اللي بالصور أعلاه و راح يستغنون عن الدفاتر 
شرفني مرورك .


اذا كذا بسيطه ... على امتداد ال3 السنين الماضية ما جاني إلى مخالفات رصد آلي فقط ونا اخوك ... الدفتر بحياتي ما شفته حق المرور ...ولكن ساهر الحقير هو اكبر مصيبة .... والرصد الآلي عند الأشارات لمن تروح يمين ويعطك فلاش ولكن ليس ببلاش


up 2 down 0
muayad 1 768
قبل 5 سنه و 9 شهر



باشر سيكون أدهى وأمر من ساهر بمعنى ستكون عملية السرقة
أكبر وأشمل ، ومع الوقت تأكد لي بأن إدارة المرور لا هم لها إلآ جني الأموال وأكبر دليل آلية ساهر التي تم تطبيقها في بداية عمله أشبهها بالحرامي ذو العين القوية يدخل يده في جيبك وياخذ المحفظة ويأخذ ما يريد منها من فلوس ويردها لك وأنت لا تستطيع الحراك ، كنا مع ساهر ونصيح ليل نهار يجب مراجعة آلية تطبيقه ولكن لا حياة لمن تنادي فأهدافهم المادية البحتة لا يخدمها وجود آلية واضحة


up 2 down 0
فز الخفوقـ 3
قبل 5 سنه و 9 شهر



يا إخوان الله يهديكم ، ليش التعجب من الموضوع ، هذا طبع مرورنا من زمان يطلع اي طريقة عشان تزيد دخله وتفلس جيب المواطن ، الدولة صارت تعطيك الراتب آخر الشهر وتسترجع راتبك من المرور ، يعني كأنك ما أخذت راتب وأنت اللي تصرف على الدولة ، كلامي ليس ظلم لهم ، لأنهم تركوا جميع مبادئ تطبيق القانون الصحيح وقلبوا السالفة سرق عيني عينك ، على العموم الله يجعل كل ريال يأخذونه من الشعب بغير وجه حق ان يكون لنا صدقة لهم و ذنب عليهم


up 2 down 0
ssv8 1048
قبل 5 سنه و 9 شهر



مافي فرق بس شالو الدفتر وحطوه بجهاز الكتروني كفي 

ليش زعلنين هو نفسه بس اضافو التقنيه


up 0 down 0
mission 850
قبل 5 سنه و 9 شهر



يااخوان اللي عليه قسايم سرعه صحيح الان لازم يتوقف ومرمطه مع الجزاءت ?

ياشيخ الله يلعن المرور واللي قايمين عليه . ماهم الا الفلوس ولا فكرو ينظمو قامو 

زودو الضيقه عالمواطن.. 

قسم بالله المتهورين ماضربو لهم حساب هم ولا نظامهم الحرامي النصاب ابن الحرام

ساهر.. 


up 3 down 1
gsxr_600 1017
قبل 5 سنه و 9 شهر



ماتوقع يكون ضرره مثل ساهر لان ساهر نشبه في كل مكان وتابع لشركه خاصه
اما باشر فبيكون مع المرور وذولي مانشوفهم غير بالحوادث والاعياد الرسميه


up 2 down 0
sc_est 717
قبل 5 سنه و 9 شهر



مساء الخير أبو طلال نظام باشر كما قرأت عنه نظام مباشر للمخالفات .... الحسنه الوحيده فيه أن المخالفات تنزل دايركت

 في نظام المخالفات

على الشخص يعني مافيه مجال لأصحاب الواسطات لحذف المخالفه قبل دخولها للجهاز يعني فيه شوية مساواه للمخالفين 

على أني ضد التشديد على المواطن في المخالفات الماليه وتدبيلها لتدهور بعضهم من كثرة المخالفات


up 3 down 0
ابــو ســنــد 10639
قبل 5 سنه و 9 شهر



انا بالنسبه لي خلاص طفشت من هالبلد وربي كله ظلم عيني عينك ولا تقدر تطالب بحقك كله واسطات محد يخاف الله ويشتغل بضمير 


up 1 down 0
أستشاري الحب 6472
قبل 5 سنه و 9 شهر



@# يعني اذا كنت ماشي في امان الله والعسكري شافك

مثلا مو رابط الحزام او مضلل يلقط لك صورة وهاتك يامخالفة

ههههههههههه بيصيرو العساكر يتخبو ورا شجرة و اي واحد يمر صورة بالجهاز الجديد 

نظام باشر = ساهر بشري 

ههههههههههههههههههههههههههههههههههههههههههه






up 1 down 0
feroo li 1817
قبل 5 سنه و 9 شهر



والله يمدحو الدراجة رياضة وبدون لوح هيا اصبر مدة كدا ويجيك المرور يحط لوح على الدرجات لا تستبعدها 
نظام فاشل همه الوحيد شفط جيب المواطن المغلوب على امره
يعني الواحد ياخذها من ساهر والا من باشر والا من الوكالات والا من البلدية ومن الشوارع اللي من ايام الفراعنة على حالتها 
اصلا باقي شويا وراح نمشي على التراب من كثر ما الاسفلت متاكل ومن كثرة الحفر 
الله يكون في عونا احنا شعب مسكين ومستضعف من قبل الحكومة لكن ما اقول الا الله كريم



up 1 down 0
t_7z 790
قبل 5 سنه و 9 شهر



عطوني لايك علشان اقدر اقيم ,,


up 0 down 0
mh1-1989 2
قبل 5 سنه و 9 شهر



يااخوان متاكدين باشر ماله كاميرات عند الاشارات ؟ انا شايف كاميرات صغيرة غير ساهر عند الاشارات 


up 0 down 0
dot_com -33
قبل 4 سنه و 4 شهر