بخس في السيارات ؟؟؟؟

الشريطية في كل مكان 

ذكرتني بقصه رحت مع الوالد المعارض معه اف جي 2008 قبل سنتين يمكن يسوى 90 الف
موقفين عند معرض وشفنا اف جي واقف في المعرض من باب الفضول سألناه كم سعر ألاف جي اللي عندك قال ابشتري الجيب حقك وسعر الجيب اللي أنا عارضه 75 الف 

ويعرف ان واحد عنده اف جي مابيروح يشتري نفس الموتر و بخس قيمة موتره اللي عارضه عشان يشتري الجيب اللي معنا بقيمة رخيصه 

المشكله اذا جو هنا .. وراك وراك ههههههههههه 

ايه والله يبخسون وبقوة

والمشكلة حتى بموقع حراج تلقاهم

يا مازن اغلبية الشريطيه تلقاه لا وظيفه ولا شي 
وتلقي بيع وشرا السيارات هي مهنته الاساسية وهو لازم 
يبخس علشان يربح اكثر مبلغ ونظامهم تلقاه الصبح بين الورش
والتشاليح يعدل بالسيارات ويجهزها ويخلص معاملات التحويل والنقل
والظهر يتغدي ويخلص ويطلع الحراج من الساعه ٣ لحد ما يخلص الحراج 
وبعد صلاة العشاء يشوف المعارض وزملاءه الشريطيه يمكن فيه مواتر يصلحله 
وبالليل تلقاه بالمجالس يتصيد سيارات بين الرجال فهمت كيف روتينه اليومي كله بيع
وشراء وعمولات يعني لازم يتربح اكثر شي من السياره وبدون خسائر كثيره علي السياره
وفيه نقطه محد فاهمها ان الشريطيه تأجر أشخاص علشان تبيع سياراتها ويعطونه ٢٠٠ ريال
علشان يشوفون وجه جديد وما يقولون شريطي يقولون ان هذا راعي السياره وهو بالأساس هو شخص 
مستأجر .
يعني الشريطي ما يهمه الا كيف يطلع الريال .
وتحياتي

من مواصفات الشريطي الناجح

الكـــــذب - الا من رحم الله

ألحين الي يترزق الله كذاب 
والله ثم والله ماني شريطي 


أشوف الي يبيع ويشتري أحسن من الي يتبع أخطاء الناس
لاحد يزعل وجهة نظر

الرزق بيد الله وأهم شيء الرزق الحلال الذي لا غش فيه ولاتدليس ولاطمع
عن أبي هريرة رضي الله عنه ، قال : قال رسول الله صلي الله عليه وسلم :
( إن الله تعالى طيب لا يقبل إلا طيبا ،

وإن الله أمر المؤمنين بما أمر به المرسلين
فقال تعالى :{ يا أيها الرسل كلوا من الطيبات واعملوا صالحا } ،
وقال تعالى :{ يا أيها الذين امنوا كلوا من طيبات ما رزقناكم } ،

ثم ذكر الرجل يطيل السفر أشعث أغبر يمد يده إلى السماء : يا رب ! يا رب !
ومطعمه حرام ومشربه حرام وملبسه حرام وغذي بالحرام فأنى يستجاب له ؟).

رواه مسلم

ما ادافع عن الشريطية بس لولاهم ما فية بيع وشراء وعرض وطلب مثلهم مثل اي سلعه اخرى 

والشريطية يختلفون افضلهم من يسوم باالمعقول لايبخس .. 

لزوم الواحد يكون صاحي ولاجا يبيع او يشتري يسعر في اكثر من مكان ويقارن الاسعار لان الي يطيح بين ايدين الشريطيه والبايعين الا من رحم ربي ياكلونه

كلاب المعارض الشريطية الله يكرم القارئ تشوفة يركض مع صاحب السيارة الله يمحاهم من دروب المسلمين

موجودين الشريطيه هنا ، تلاقاه يبي يشتريها ، ويشتريها ويحطها ف معرضه

ما تسمى بخس سلعه ، هو اكيد يبغاها بسعر رخيص ، عشان يربح فيها 
لانه هو شغلته شراء وبيع

#وجهة نظر