عقوبة مخالفات السرعه الجديده

صارت العقوبه مثل البحرين 

تسرع تتحبس

طيب حبس .عادي جدا وين المشكله 

غرامه 600ريال و توقيف24ساعه
طيب ليه نسيتو قطع الاشاره 900ريال غرامه وتوقيف 24ساعه
فين المشكله بالضبط .. ??
هذا الشيين اللي فعلا اقنعني بالنظام .. بالسرعه و قطع الاشاره
ليتها من اول و نرتاح من الهمج اللي وخرو هذا شارع ابوي

كان الله في عون الشعب السعودي

القرار الجديد للسرعه غير واضح
المخالفه تكون محجوبه على كلامهم والخبر اللي طلع انك لابد تراجع المرور وقت السداد المخالفه
تعرض على هيئه شرعيه ويستمعون للمبررات وتحدد العقوبه
عموما طلع نظام جديد نظام عادل نظام لحفظ الارواح كل ذا خرطي ديرتنا وعارفين النظام اللي فيها خاصه بأمور المرور
هيئه شرعيه = حسب مزاج العسكري والفيتامين اللي عندك 
اقول ماودكـ بمخالفه حزام وأمشيك؟

مانعرف الا المحجوبه وهي اللي ماتقدر تسددها الا عن طريق المرور
وفيها توقيف 24ساعه غير كذا بنصير كل شهر نسجن عشان السرعه الله لايبتلينا

برتقان احلا لايك لك
قسم بالله النظام ما يمشي الا على المواطن المنتف !!

الحين ولد الوزير ولا ولد العقيد ولا ولد الامير بيراجع هيئة جزائات المرور عشن مخالفة ؟؟؟
لك موتري لو شفتهم هناك !!

بما أني راعي خطوط بسبب الدراسة ، شكلي على هالقرار وسط الأسبوع بالجامعة والويكند محبوس ولا عاد أشوف أهلي هههههههههههه روقونا يالمرور مش هيك القرارات ، مبدهاش تزبط يا زلمه ،  بتنحبس وانا بدي أعطي لبنان كم مليون بيزبطوا امورهم فيها ، لله درك يالمواطن السعودي ههههههههههههه

يعني اذا صورني ساهر وانا مسرع انحبس ؟؟؟ 

من جدهم ذولا .. 
افرض معدي السرعه بشي بسيط انسجن .. 
هاذا الي باقي ولله .. 

ههههههههههههههههههههههههههههههههههههههههههههههههههههههههههههههههههههههههههه

على كذا بشتري مخده واحطها معي في السياره اي وقت طفشان اروح اسددلي مخالفه وانام عندهم

انا علي 1900 وكلها بسبب اني ماشي 90 والسرعه 80 عندنا خط منحوس بالمدينه 
ولاني متأكد من الخبر اتمنى احد يعطينا شي اكيد

وبصرآحة اذا بيشددون على شي يشددون على الرخص انا امشي في الحارة والخط يشطفك بزر مايعرف نتيجة افعاله والمرور مايسوي شي لو يفكونا من الهمج اللي يعطي ولد السيارة وهو مامعه رخصة والله ان تقل الحوادث 80% لكن المقصد مادي ماهو لحفظ الارواح

من زمان في نظام اذا السرعة فوق 180 تجيك محجوبة ماتشيلها غير بعد ما تروح التوقيف

اهاا طيب واللي كل مخالفاته تجاوز السرعه بما لايزيد عن 25 كم

لا شباب الحمد الله طلع اشاعة... كالعادة
http://www.alriyadh.com/2014/01/28/article905049.html

على حسب السرعة يا اخوان اللي انت مسرعها مثلن الممشى 120 مشيت فوق ال 130 الى 145 هاذي 300 ريال مشيت تحت ال145 الى 170 تقريبا 500 زود على ذلك مخالفة محجوبة تسدد عن طريق المرور وتحجز 24 ساعة والمخالفة اظاهر 1000 او مدري بالظبط كم هي بس هاذي معروفة ومن زمان واغلب ماتصير مع ساهر لان المرور اذا وقفك يسامحك ويكتبها مثلن 160 ويخليها 500 ريال ... بالتوفيق ياغالي

للتوضيح زود على ذلك اقصد فوق 170 يعني 180 200 على ذا المحالي شكرا