أضف سؤال أو موضوع جديد          

ايهما تفضل .... شراء سيارة من ................ام من ........

up 7 down 0
ابومحارب 90
قبل 6 سنه و 9 شهر



ايهما تفضل .... شراء سيارتك من المواقع الالكترونية ؟ ام من المعارض؟ ام الحراج للسيارات المستخدمة؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


أفضل الشراء من المواقع الإليكترونية لكن ما يحز في النفس المبالغة في الاسعار مثل سيارة كامري 2006 فلوبشن ستة سلندر ويحدها 45الف ريال (خير!!) ولا واحد معاه سوناتا 2007 ويحدها 42الف ريال(خير!!) على كل حال أسعار السيارات المستعملة في المعارض وفي الموقع أثبت لي إن شراء سيارة جديدة أوفر وأفضل في الوقت الراهن. 


up 2 down 0
mcmanaman 1805
قبل 6 سنه و 9 شهر



لوكان جميع الاشخاص امناء ويراعون الله في البيع خاصه الي في المواقع الالكترونيه 
اضمن للك افضل طريقه للشراء هي المواقع بدال اللفلفه في الحراج والحر 


up 2 down 0
pt 2011 1389
قبل 6 سنه و 9 شهر



المواقع الاكترونيه اكثرها غش ويزود السعر على كيفه
المعارض سيارات جديده وفيها مستعمل
السيارت المستخدمه فيها النظيف وفيها ابو كلب

وفي النهايه راح تشتري سياره انت مقتنع فيها


up 0 down 0
وحش الرياض 2021
قبل 6 سنه و 9 شهر




كله واحد  اهم شي انك تكون عارف قيمة السيارة الحقيقه لان الاسعار مو واحد مرا ت طلوع ومرات نزول
مثل الاسهم  وراحعطيك مثال صار معاي انا
انا شريت سيارة من موقع  مستعمل وبعد 7 شهور عرضتها في موقع حراج وبعتها بمكسب 1000 عن قيمة الشراء
لانه كان جيب بترول واشتريته بالصيف وبعته وسط الشتاء . يعني نفس الشي الا المواقع احسن من دوخة المعارض
والحر والشكامين الي هناك واهم شي انك تقوم بالفحص ولا تثق بكلام راعي الموتر في اي  مكان معارض وانتر نت
تحياتي



up 0 down 0
ابوسطاام 3206
قبل 6 سنه و 9 شهر



المواقع الالكترونية عيبها عدم الجدية بالبيع والشراء "أحياناً" صاحب السلعة يطلب قيمة خيالية ومرتفعة جدا بالمقارنة مع السوق ولا شك ان النظيف يستاهل بس بحدود المعقول والنقطة هذي اتوقع انها اشبعت طرح بالمنتدى!
حراج المكرفون أنت وحظك وغالبا السيارات اللي تعرض بهالشكل سيارات شريطية بعضهم ما يخاف الله وأنا صار لي موقف بالحراج شفت شبح موديل 96 حجم 500 وارد اليابان ماشي 300 الف كم وبصراحة الموتر وقفتة حلوة وسعرة مغري حده راعية بــ20500 صافي قلت لصاحب السيارة أنا بعطيك 21 الف صافي بجيبك وأبي أدفع حق المعرض 500 ريال بس عندي شرط اللي هو الفحص اذا طلع فيها شيء غير اللي ذكرتة(حساس الايرماس..رشه الصدام الخلفي والامامي مع رش طرف الكبوت) تدفع قيمة الفحص قال أصلاً ماني معطيك فحص أنا ابيع حراج مكرفون سكر ماء !! لا ياشيخ قلت له أجل الموتر فيه شيء كايد يعيبة ؟؟ قال السيارة قدامك وأبيعك بالذمة !طبعا تركتة ومشيت ولا راح اشتري بهالطريقة اللي يستغلها كثير من الشريطية




up 2 down 0
الملياردير السعودي 101
قبل 6 سنه و 9 شهر



افضل طريقة اشتري من البرحة لانها ارخص من المعارض وافضل من المواقع لعدم جدية البعض 




up 1 down 0
شليطيح 5017
قبل 6 سنه و 9 شهر



من اي مكان سواء من النت او غيره بعد مايتم الاتفاق اني اشوفها واقلبها . احلى لايك :) موضوعك ممتاز


up 3 down 0
roooma 725
قبل 6 سنه و 9 شهر



المواقع الاكترونية ممتازة وقم بروعه لانك تقابل الرجال وتقدر تتكلم معاه وتفحص السيارة بدون لقافة من اللي موجودين بالمعارض

ولكن يوجد عدة مشاكل

1. عدم النية الصادقة في البيع او الشراء ( يبي يعرف السعر والثاني بيتفرج )
2. الاسعار المبالغ فيها بقوة ( اذا جابت سعر ولا هي تحت رجلي لا تاكل ولا تشرب )
3. الغش ( هذا العيب من الشاري مب البائع عندك الفحص واشرط على البائع )
4. المفروض من المرور يمنع المبايعه الى لما تكون السيارة مفحوضة من مراكز معروفة البدي وكل شي )


up 0 down 0
_fahad_ 203
قبل 6 سنه و 9 شهر



والله يا اخي ان من وجهة نظري ان المواقع اريح بكتييييييييييييير من الشيريطية والتجار 
بس عيوبه ان اللي بيعرض سيارته بيضربلها سعر عالي ويقول يلاا يمكن تصيب 

يعني تلاقيه حاطط رقم  في الموقع ولو راح المعارض يمكن تجيب اقل من الرقم اللي حاطة بـ 5000 مثلا

عدم الجديه في المواقع من اصحاب السيارات هي السبب 


up 0 down 0
shihab hamzawy 37
قبل 6 سنه و شهر



ماحد يجيب السياره للنت الا هو يبي سعر اكثر من المعارض


up 0 down 0
khuzam
قبل 2 سنه