أضف سؤال أو موضوع جديد          

الحذر ثم الحذر من شركات التاجير والتقسيط

up 10 down 7
sc_est 717
قبل 7 سنه و 10 شهر



يا اخوان بدخل بالموضوع على طول وابي احذركم من شي اتوقع اغلبكم عارفينه لكن في ناس تتعامل مع هالشركات بحسن نيه ويجب علينا تنبيههم




كنت باخذ سياره عن طريق احدى شركات التقسيط والسياره قيمتها 120 الف وبدفع دفعه اولى 60 الف وبقسط الباقي على سنتين لاجل. يقل هامش الربح 
وقالي الموظف ان  نسبة المرابحه مع التامين 9،5 بالمائه وبعد ما صلح حسبته تفاجئة ان المبلغ اصبح عالي وعندما اعدت الحسبه وجدته قد اضاف نسبة المرابحه على قيمة السياره كامله يعني حتى الدفعه الي هي نصف قيمة السياره اخذين عليها مرابحه ولما قلتله ليه كذا. حسبت تلخبط وقال هذا السستم انا ادخل ارقام فقط ومالي علاقه بالنتيجه
المهم خليته ورحت فرع ثاني لهم وفهمته سالفة زميله. صلحلي حسبه ثانيه لكن في زياده 5 الاف ريال عن نسبة المرابحه الي المفروض انتها تكون 5.5 بالمائه على المتبقي بعد الدفعه الاولى و4 بالمائه نسبة التامين على اجمالي قيمة السياره . ويقول انه مايدري ليه جت المهم خليته ورحت عالفرع الرئيسي حقهم وتكلمت عليهم وخذيت معي صور من الحسبتين حقت فروعهم وشلون
كل وحده مختلفه عن الثانيه بنسبة  12 الف زياده المهم صلحولي حسبه وكانت هي المضبوطه وكانت تفرق 17 الف عن الاولى وخمس الاف عن الثانيه 




فارجو منكم اخواني اذا بغيتو تتعاملو مع ذي الشركات تكونو حرصين جدا على حساب كل شيئ لان لفلوس عيالكم احق فيها من ذولي الحراميه




وفقني الله واياكم الى خير ما يحب ويرضى







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


جزاك الله خير علئ التنبيه


up 3 down 0
ابواحمد2090 1523
قبل 7 سنه و 10 شهر



طيب انت ليه ما توخذ عن طريق البنك بما انك دافع دفعة اولى 50%؟ البنوك افضل بحالة الدفعة الأولى المرتفعة
وفكر بموضوع اتقسطها على 12 شهر افضل ان امكن
لأني دفعت مثلك 50% من قيمة السيارة واقساط على 12 شهر ... البنك رابح فقط 2000 ريال ... ويسلمك السيارة مأمنة شامل وتسجيل

اتعامل مع البنوك على الأقل البنك مؤسسة تعتبر محترمة بالمقارنة بأي شركة ومضمون بعد الله
وسألتهم اذا يرجعولي فلوس في حالت السداد المبكر (اكيش) وقالوا لا ما نخصم شيء لانه اسلامي ....والله اعلم


up 4 down 0
muayad 1 768
قبل 7 سنه و 10 شهر



بيض الله وجهيكم يا اخوان
الاخ deeed
ابشرك لني خذيت كاش وماقربتهم والحمدلله طبعا بعد ماشفت اللعانه حقتهم قلت ذي اولها شلون تاليها

اما البنوك يطلبون كشف راتب وانا عملي خاص بي
وكانت السالفه اني اقسط لاجل ما اشعر بالقيمه كامله لكن بعد ماشفت سالفتهم شلون نصب بنصب هونت عنهم وخذيت كاش والله 
لا يحيجنا وياكم لامثال النصابين ذولي


up 4 down 2
sc_est 717
قبل 7 سنه و 10 شهر



شكرا على الموضوع بصراحة قبل لا أقرأه ما توقعت اللي بينكتب هذه مهزلة و واضح ان كا موظف حط العمولة اللي يشوفها كما يبدو


up 2 down 1
windows 8 166
قبل 7 سنه و 10 شهر



مشكله  

  والاشكل
والحين   اي  واحد  يتوظف   سيده    واقساط  هلي  ومن  هلي  ب  جليييي   
لين  يندفن   


up 2 down 1
امير الاصيل 1714
قبل 7 سنه و 10 شهر



^^^^
نعم اخوي الظاهر ان الموظف له عموله من النسبه الي يضيفها عالسياره
والي ما يخافون الله لاجل 200 ريال عمول يظيف عليك 12 الف الله يفكنا منهم


up 1 down 1
sc_est 717
قبل 7 سنه و 10 شهر



صحيح كلامك
والله اني احزن على الناس
السيارات مغرية والشركات تسحب على الناس لين يقعوا بالمصيدة
يا لطيف ... سيارة سعرها 90 الف كاش يصير سعرها 125 الف
لا تقلي على 5 سنين ولا 100 سنه ... ارباح هائلة واستغلال لمن لا يملك الكاش وانظمة نصب واحتيال

قسما بالله افضل شيء عملته انك خذيت كاش ... على الاقل السيارة بأسمك ... واخلصت من موضوع الحلال والحرام ... ودفعت فلوسك بقيمة السيارة الطبيعية....
مبروك وان شاء الله يعطيك خيرها ويكفيك شرها


up 3 down 1
muayad 1 768
قبل 7 سنه و 10 شهر



Deeed
فعلا يغرون الناس المحتاجه بعروضهم ومايدرون هالمساكين انهم طاحو بين ايدين الي ما يرحم
تصدق امس اتكلم بالموضوع هاذا مع واحد من الشباب اخذ لاند كروزر gxr ستاندر قير اتوماتيك يعني اقل فئه تقريبا والظاهر قيمته كاش 170 الف

تصدق انه طالع عليه 318 الف اخذه بدون دفعه اولى وعلى خمس سنوات والمصيبه الكبرى انه مايدري كم طالع عليه الموتر غير لما حسبته له امس وباقي عالموتر 6 شهور ويخلص اقساطه
ولما حسبته له ما صدق المسكين وحبه حبه فهمتها له بغى ينفجر من القهر


up 1 down 1
sc_est 717
قبل 7 سنه و 10 شهر



318 الف !!! ....
الله يهديه بس شلون يشتري سيارة وما يعرف كم تطلع عليه
دافع 148 الف زياده ... سعر سيارتين كامري 2014 ستاندر .... قسما بالله هذي جريمة ولكن بشكل قانوني


up 0 down 0
muayad 1 768
قبل 7 سنه و 10 شهر



صحيح كلامك رافعين سعرهم لان أغلب الناس مضطره تأخذتأجير السيارات ولارقيب ولاحسيب لهذه الشركات ومافيه شرط واحدمن شروطهم يضمن حق المستأجركلها ضده


up 2 down 0
بندر اللبدانى 122
قبل 7 سنه و 10 شهر



يا اخوان
اغلب الي ماخذين تاجير منتهي بالتمليك ملعوب عليهم
والدليل ادخل حراج واعمل بحث عن كلمة تنازل تشوف اغلب العروض الي للتنازل الي عالشركات لان البنوك ارحم شوي واحسب وشوف الفرق
اي موتر على خمس سنوات الزياده عليه اكثر من 60 بالمائه مع ان المفروض الزياده ماتكون اكثر من خمسين
بالمائه من قيمة السيارات لا كل الشركات حدها مع التامين مايوصل 10 بالمائه سنويا يعني على خمس سنوات
بتكون خمسين بالميه ومع ذلك تجدها 60 و 70 بالميه على قيمة السياره زايدين شلون ماتدري


up 0 down 0
sc_est 717
قبل 7 سنه و 10 شهر



الموظف له عموله ومايبي يفرط فيها


اعرف واحد يجي على راتبه اضعاف اضعاف وسبحان الله مابارك له الله في راتبه من هشئ



لكن انا سبق وتعاملت مع بنك الراجحي اشوفهم الافضل ونسبتهم اقل ومو اشجع عليه بالعكس بس الواحد يستخير وخاصه اذا بيدفع نصف القيمه والباقي اقساط على سنتين او ثلاث لان الشركات ماتضمنها


up 1 down 0
aboamani 1148
قبل 7 سنه و 10 شهر