أضف سؤال أو موضوع جديد          

سلفرادو 2012 غماره وحده هل هو غير مرغوب في السوق

up 3 down 2
al_sawadi12 50
قبل 7 سنه و 10 شهر



السلام عليكم ورحمه الله وبركاته

امس اضفت إعلان لبيع سلفرادو موديل 2012 غماره وحده ونظييييييف ..
اللي تعجبت منه انه ما جاب لي إلا زبون واحد ع الخاص ويبي ب البدل !
مع انه توقعت يجيني ردود كثيره =( !

هل السلفرادو غماره واحده مو مرغوب ؟
ولا السلفرادو بشكل عام ؟
ولا اللي هنا مو راعيين سلفرادو ، ووين المكان الأفضل لبيعه ؟

ولا وش *!

هذا رقم الإعلان ( 3560443 ) .








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عشانها 6 سلندر كل الناس تبي 8


up 6 down 0
ابوسعود 87 115
قبل 7 سنه و 10 شهر



زي ماقال ^^ الناس يبون 8 سرندل 

ويفضلون السييرا كا افضل شكل  وهيبه عشان ال GMC 

والله يزرقك البيعه الي تسرك ..


up 0 down 1
نقطتين 610
قبل 7 سنه و 10 شهر



تصدق لو جبت لهم شاص او انك لو حطيت علامة تويوتا بدال السسيرا كانوا شروه وهم مغمضين

لان عقولهم متحجره حق تويوتا وحبهم لها ولسياراتها المعفنه ولوكيلها الخايس

ولكن خلهم يجيك من يعرف قيمة سيارتك ويقدرها





up 12 down 4
aboamani 1148
قبل 7 سنه و 10 شهر



اتوقع الالوان مو مرغوبة و خصوصا الداخلية .


up 2 down 1
المخلصm 238
قبل 7 سنه و 10 شهر



,جابت 50 بيع ماتحصل رغبه

بسبب مواصفاته ولونه 


up 0 down 1
abahal 1385
قبل 7 سنه و 10 شهر



والله انا آمل فيه فوق ال50


up 1 down 0
al_sawadi12 50
قبل 7 سنه و 10 شهر



كل موتر وله رغيب
لاتستعجل عالبيعه وانا اخوك هنا المستعجل يبخسونه
جدد اعلانك كل يوم ونزلها في اكثر من موقع ويجيك الي يرغبونها وما يبخسونها
ان شاء الله


up 2 down 0
sc_est 717
قبل 7 سنه و 10 شهر



1- إذا كان موترك V6 مو V8 فهذا شيء طبيعي إنك ماراح تلقى عليه هذاك الإقبال ؛ لصغر حجم المكينة بالنسبة لوزن السيَّارة العالي !
2- عموماً سوق الشاحانات الصغير مثل : شيفرولية سيلفرادو ودوج رام وجي إم سي سييرا عندنا بالسعودية محدود جداً ؛ لأن السعوديين يميلون أكثر للجيوب وسيَّارات السيدان 
طبعاً هذا مو إحتقار في هذا النوع من المواتر بالعكس مواتر عملية وحقت كرف ولها ناسها ، بسْ قيادتها مملة نوعاً ما لثقل وزنها وكُبر حجمها !
عموماً إنت اترك إعلانك لمدة اسبوع أو أكثر ، لأنه من المستحيل إنه بيجيك زبون بنفسْ اليوم إذا كانت السلعة مُسْتخدمة ، إصبر إسبوع أو أكثر والله بيرزقك بالبيعة الي تسرك ! 
بالتوفيق ..


up 1 down 0
majid8 12
قبل 7 سنه و 10 شهر



اذا سيارتك 6 سلندر فأنا اقولك بيعته ثقيله وانا كان معي واحد نفس المكينه حق الشركه
عزمه ضعيف ودايخ والله خذيته اسبوع ورجعته لهم قلت مابيه عطوني غيره ، يرفع الضغط مع احترامي
لو انه 8 سلندر ماجلس 5 دقايق / شكرا


up 0 down 0
عـادل عبدالله 4751
قبل 7 سنه و 10 شهر



انزل معارض النسيم 3 ايام وحول بعدها للشفاء بتلقى بالهبل لاتستعجل


up 0 down 0
al_orainy 56
قبل 7 سنه و 10 شهر



يعطيكم العافيه أجمعين .. أفدتوني كثير ♥


up 0 down 0
al_sawadi12 50
قبل 7 سنه و 10 شهر