أضف سؤال أو موضوع جديد          

لمن يعاني من الحفر والتكسيرات لاتستحي وامسك جوالك واتصل

up 38 down 2
شاي ربيع 113
قبل 7 سنه و 11 شهر



السلام عليكم ورحمة الله وبركاته


يااخوان بقولكم سالفتي وانتو عاد احكمو

بعد المطر الى نزل بالرياض من حوالي شهر كنت ماشي بحي الروضة واكلت حفرة من النوع المحترم جداً جداً وفي نفس الوقت انفقع الكفر وانعوج الجنط

وقفت على اليمين وجالس اسب البلديه

الا جاني راعي سيارة كان ماشي وقالي اتصل على 940 وان شاء الله تنبسط

دقيت عليهم وقلت لهم السالفة فتح لي بلاغ باسمي واسم الشارع والحي وقالي اتصل على 993 عشان تجيك دورية ويعاينو الضرر ويكتب في تقريره انه الضرر من الحفرة

دقيت على المرور وبعد ساعه جاتني الكامري حق المرور وسجل التقرير وقالي راجع مرور الشرق واخذت منهم تقرير انه المتسبب بالضرر وجود حفرة بنصف الشارع لم يتم ردمها بشكل جيد من قبل المقاول

رحت فيها لاامانه الرياض ( البلديه ) وقالو لي راح نتصل عليك ، والحمد لله اتصلو علي وقالو لي تعال خذ تعويضك ورحت لهم اخذت شيك ب 3100 وسولفت شوي مع الموظف

وقالي لو كل شخص يتعرض لمثل الى تعرضت له او حتى بالقليل اذا ماصار له شي يتصل على 940 او يرسل فاكس او ايميل على كل حفرة او مشكلة تصير بالشارع والله المقاول يشيل هم اتصالات الامانه والمخالفات الى راح تترتب عليه لكن الكل ياكل الحفرة ويسب ويمشي


فوش رايكم يااخوان نتعاون على هالحركة ونستلم الامانه بلاغات لين مايعدلون وضعهم ، اذا حنا عيال البلد مانتعاون تبون المقاول يهتم فينا ...


هذي اخر صورة ارسلتها بالايميل للامانه لااخر حفرة شفتها بحي السليمانيه بالرياض

هذا ايميلهم ولازم ترسل الاسم ورقم جوالك والشارع والحي ووصف المشكلة

email : 940@alriyadh.gov.sa










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


جزاك الله الف خير


up 3 down 0
نايف 4545 243
قبل 7 سنه و 11 شهر



الله لايهينك ويكثر من أمثالك

انا اتوقع لو اهل الروضه والنسيم يسوون نفس حركتك راح يعلن المقاول إفلاسه ههههههه

نص سكان هالحيين مو راضين يشترون سياره وكاله وانا منهم والسبب الحفر اللي تقسم الظهر

مو ناقص اشتري سياره جديده وبعد كل حفره اقعد ابتسي :D

يعطيك العافيه


up 6 down 2
راعي الهيونداي 537
قبل 7 سنه و 11 شهر



الله يجزاك خير ياليت بعد لو يحطون اعلان عن اللي ماعنده وظيفة او اللي ماعنده بيت


up 1 down 5
ســامــر 1057
قبل 7 سنه و 11 شهر



ياكثر ما اكل حفر 
حتى الجنوط عندي كلها يبغالها ترصيص كل ما مسكت فرامل تهتز ابو السياره كلها 

ولد خالي بجده اكل حفره اكبر من الي انت نزلتها وانفقع عليه كفرين واحد انشق والثاني خرب وانعوج عليه جنطين والجنوط كروم ماتتصلح 
غيرها من التشليح للاسف ماوقف ولاشي 

ولا اعتقد اذا وقف بيصير شي لان جده ومكه مليانه حفر وشوارع مكسره عكس الرياض 


up 2 down 1
ryan702 466
قبل 7 سنه و 11 شهر



وعليكم السلام ورحمة الله وبركاته 

جميل جدًا
الله يجزاك خير على الافادة..

وعلى كلام الشباب 
لو أهل جدة عملوا كده 
المقاولين هيخلو الشوارع أنعم من السيراميك !


up 2 down 0
mohammad saeed 2864
قبل 7 سنه و 11 شهر



جزاك الله خير حتى لو مانفع التنبيه ومافي تعويض بتصليحها نكشب اجر بخزن الرقم عندي ياكثر حفر الرياض 


up 1 down 0
mustafa.898 67
قبل 7 سنه و 11 شهر



طيب واللي ماهو من الرياض ياكل تبن ويسكت؟


up 2 down 1
أبو درعان 522
قبل 7 سنه و 11 شهر



ولك يازلمه انا كغيري خجول شوي ولو اكلنا مطب وشطر الموتور لنصفين بننزل نلمه وننمشي ونداري على حالنا شو النا والمشاكل


up 2 down 1
sory30 62
قبل 7 سنه و 11 شهر



ممكن ايميل امانة جدة ؟؟


up 2 down 0
فوازالعمري -44
قبل 7 سنه و 11 شهر



تستاهل لايك 

تحياتي


up 0 down 0
soto 144
قبل 7 سنه و 11 شهر



ايوووووا كذا الشغل ولا بلاششي



الله يعطيك العافيه وتسلم على الموضوع



ياما اكلنا مطبات وحفر لين الليل


up 0 down 0
aboamani 1148
قبل 7 سنه و 11 شهر



940 الرقم الموحد للامانة 


up 2 down 1
خيو الجهني 33
قبل 7 سنه و 11 شهر



انا لو افك الخط مع أمانة جدة للابلاغ عن الحفر
تقريبآ احتاج ٣ سنوات لغلق السماعة للابلاغ عن
كل الحفر ،لذلك يفضل ان تبقى سيارتي بالكراج
واستخدم السيدريك المتهالك للمشارير الداخلية 
وامرنا لله 


up 2 down 0
سعيد ابواحمد 135
قبل 7 سنه و 11 شهر



جزاك الله خير
ياكثر الأضرار اللي تضررتها من شوارع المملكة العربية السعودية من شمالها ل جنوبها ومن غربها ل شرقها وأنا ساكت

لكن الحمدلله إن في تعاون من البلديات ..




up 1 down 0
أستغفرالله مليون مرة 14
قبل 7 سنه و 11 شهر



الله يعطيك العافية , ليتني شايف موضوعك بس اسبوعين بس

طبيت بحفرة وفوقها امطار يعني مخفية الله لايوريك حسيت المساعد انفجر بس لان السيارة جديدة الحمد لله ماصار له شي لاكن الصدام انطعج لفوق والله قهروني


up 2 down 0
ahoh 178
قبل 7 سنه و 11 شهر



والله انها فكرة منتازه وحنا مغير تتكسر سياراتنا والعوض من الله والله لو كل واحد سوا نفس حركتك كان ماتلقى حفرة بالشارع بس يبيلها واحد فاضي مروق لاهنت ۶ـلــّےَ موضوعك المفيد +1


up 0 down 0
المعاوي١٩٩١ 426
قبل 7 سنه و 11 شهر



شباب بروح ادور لي حفرة 


up 0 down 1
شبح 600 sel 6082
قبل 7 سنه و 11 شهر



تم نسخ الموضوع وارساله عن طريق البلاك بيري
وألف شكر لك اخوي شاي ربيع انا واللله اول مرة ادري بهالسالفة



up 1 down 1
ع ز و و ز 37
قبل 7 سنه و 11 شهر



كانها في حارتنا ماره علي الحفرة هذي 
هههههههه


up 0 down 1
s00r 46
قبل 7 سنه و 11 شهر