أضف سؤال أو موضوع جديد          

مشورة في شراء سيارة

up 1 down 3
salman_s_s 24
قبل 8 سنه و 3 شهر



السلام عليكم
صراحة لي شهر افحط في المعارض والوكالات ونبي منكم المشورة
بالنسبة للميزانية من 130 الى 135 ويفضل انها جديده.. طبعا سيدان لان الجيوب غالية ماعدا المازدا ولادخل مزاجي.. بالنسبة لسعر البيع مايهم لاني مستخدم ل10 سنوا اقل شي باذن الله
نبي منكم المشورة ومشكورين







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود



انت ما حددت تبي سيدان ولا جيب ولا بيك اب .. ؟


بس اكيد الي يطول اكثر شئ البيك اب ثم الجيب ثم السيدان


فآنصحك بسلفرادو او سييرا او تاهو او اكسبديشن والخيارات تتعدد ..

واذا سيدان مازدا زوم 6 2014 فل الفل ب99.990

انت حدد اي نوع من السيارات .. ثم نعطيك ان شاء الله الخيارات المناسبه لك


up 1 down 2
شبل بالحارث 156
قبل 8 سنه و 3 شهر



عندك التوريس والامبالا حلوين


up 2 down 0
اهاا 685
قبل 8 سنه و 3 شهر



سيدان , عندك الكابرس 2013 8 سلندر اصفار ب 97 الف ال اس , التي زد ما ادري عن سعرها

وعندك التشارجر تبدا من 92 الف ريال , وعندك الازيرا نوعها نص فل , الدرجه 3 , تجي جلد و 6 سلندر و جنط 19 بسعر 94 الف ريال

الاكورد الفل كامل مخمل ب 107 الاف ريال

والاكسبدشن _ يقولون يبدا من 110 الاف ريال


up 1 down 2
ابو يزيد 000 8712
قبل 8 سنه و 3 شهر



اذا على سيدان انصحك بلكزس ls 4460 اشهد إنها كفو الي عليك تسوي فقط تامين والله يوفقك
لكن فيه أمور كثير لازم أتكلم أو نتكلم عنها هل أنت من الماحفظين على السياره
كيف إستخدام
إنتظام تغيير الزيوت
فيه بعض الناس ما تجوز لهم السياره 
فيه آراء كثيره جدا
ولكن نصيحتي صل إستخاره
وبعدين وضح لنا ثلاث سيارات أنت تفكر فيها
والله يكتب لك إلي فيه الخير


up 0 down 2
nazy 6
قبل 8 سنه و 3 شهر



تبي العلم الاكيد ....

حط فبالك مجموعة سيارات اوكيه
مثلا جينسس
تروح على طول تدخل منتدى السيارات وقسم هونداي وبتلقى مواضيع عن الجينسس للاشخاص اللي جربوها
وتدخل منتدى هونداي برضه بتلقى ناس جربوها ويعطونك عيوبها وسلبيا وباقي السيارات نفس الحاله لانك راح تلقى معلومات دقيقه من ناس جربوها وكتبو ارائهم عن السياره وعيوبها وقطع غيارها الخ


عندك الاكسبيدشن سعره جديد 112 الف عليه عرض عشر ايام
وبدبل اغلى شوي بس مايتعدى 130 الف الحق عليه


up 1 down 1
Pro rare 448
قبل 8 سنه و 3 شهر



الاخ شبل بالحارث..
السيدان الله يعطيك العافيه

والله يعطيك العافيه اخ اهاا
التوريس كان خياري بس 2014 زادو بسعره 15 الف مع انه نفس ال13 ولافرق الى الرقم بالاستماره والامبالا ياليت لو عندك خلفيه باسعارها طبعا الفل اكون لك شاكر ومقدر

الله يعطيكم الف عافيه


up 0 down 0
salman_s_s 24
قبل 8 سنه و 3 شهر



بخصوص التورس تاكد منها زين فيه فرق ترى عندك دفع امامي ودفع رباعي والرباعي اغلى من الدفع الامامي يعني تقدر تاخذ دفع امامي فل كامل
وعندك السوبارو ليجاسي GT


الامبالا فل كامل اتوقع انها ب 128 الف ريال


up 0 down 0
ابو يزيد 000 8712
قبل 8 سنه و 3 شهر



اقول شف التورس لانه من زمان نازله وناس استخدمتها ومدحوها
امبالا توها نازله يمكن فيها مشاكل او عيوب واشوف انتشارها ماهو كثير
وسعرها مبالغ فيها وترى الشفر ازين مافيه الكابرس اما سيارات ماليبو او كروز او امبالا
خراباتها كثير وقطع غيارها غالي واسعارها وقت البيع خساره

التورس افضل


up 0 down 1
عبدالله 1020 461
قبل 8 سنه و 3 شهر



نسيت الجينسس ترى عليها عرض الحين فل كامل بـ 127 الف ضمان خمس سنوات
إذا ما يهمك ان شكلها راح يتغير بعد كم شهر


up 1 down 0
اهاا 685
قبل 8 سنه و 3 شهر



الله يجزاكم الف خير ويكثر من امثالكم
بعد الاستخاره وقفت على 3 سيارات
لكزس اي اس 2012 يكون نظيف ان حصلت او امبالا بجربها ان شاء الله السبت "فل" او التوريس اس اي ال




up 0 down 0
salman_s_s 24
قبل 8 سنه و 3 شهر



سيارات السيدان عد واغلط ياكثرها تبي 4 تبي 6 سلندر عندك خيارات كثيرة نبدا بشركة هونداي عندك السوناتا والازيرا والجنسس تويوتا عندك الكامري والاوريون والافلون تبي 2012 ولا 2014 عندك برضوه الكيا فيه الاوبتيما والكادينزا كلها حلوة بصراحة نيسان فيه الالتيما والمكسيما والاكورد برضوه فيه 4 و 6 سلندر والمازدا 6 برضوه والسيارات الامريكية عندك التورس والامبالا والماليبوا كلها حلوة اهم شي قناعتك انت ابحث في النت وشف الانسب لك واذا حددت الموتر ابد اسال عنه بشكل عام كصيانة كعملية كراحة وابشر بالفزعة ان شاء الله


up 0 down 0
a.ibrahem 3169
قبل 8 سنه و 3 شهر