أهل الترهيم مكاين LS1

7 2

لايمكنك التصويت حتى الحصول على 20 نقطة على الأقل
إضغط هنا للإخفاء

foxzx 1593
قبل 10 سنه و 9 شهر

السلام عليكم ورحمة الله وبركاته
كيف حال الشباب وإخواني الاعضاء جايب لكم 
موضوع يكسر الصخر ، قاعد اجهز مشروع 
كورفيت ٨٦ لتحويلها لسيارة دريفت وكنت محتار 
بين مكينة ٤٥٤ ستروكر وبين ماكينة LS1 
واستقريت بإذن الله علي ماكينة LS1 وكنت داخل
علي أحد المنتديات الامريكيه ولا شخص امريكي
اختصاصه الترهيم بالمكاين والرجال كان يشرح 
علي ضفيرة ماكينة LS1 وصدمني صدمة عمري 
لما قال ان ضفيرة LT1 تركب علي ماكينة LS1 
مع تعديل بسيط بمخرج الكمبيوتر وتغير الافياش 
بس وتركب بكل سهوله وماكينة وضفيرة LT1 
موجوده يا طويلين العمر علي ماكينة الكابريس 
من ٩٤ الي ٩٦ الكابريس LTZ و SS و البيوك 
رودماستر والكاديلك فيلتوود دفع خلفي والكورفيت 
من موديل ٨٤ الي ٩٥ يعني احسن من تشتري 
ضفيرة lS1 بمبلغ خيالي اشتر ضفيرة LT1 
وركبها علي ماكينة LS1 وبكذا مايدري راعي 
التشليح انك تبي ترهمها لان بعض أهل التشاليح 
لو عرف انك راعي مرهمات راح يصلخك بالسعر 
لانه يقول هذا عنده فلوس ومو عارف وين يوديها
بس لو أخذت ضفيرة LT1 يقول هذا مسكين 
راعي كابريس قديم ههههههه وبكذا تكسر خاطره
وما يصلخك بالسعر يعني أهل الكوابريس القديمة 
مثل SS وLTZ يقدر يركب ماكينة LS1 ولو يكمل
طيبه يركب قير عادي لجمس فورتيك يطلع 
الكابريس جنان وعزم طلع معاي مشروع جديد 
خلني علي مشروع الكورفيت بلا كابريس بلا هم 
وموضوع ضفيرة LT1 تركب علي LS1 موضوع 
ناس كثيره ما تعرفه يمكن حتي أهل البرمجه ما 
يعرفونه لأني جايبه من منتدي امريكي مع أني
ولله الحمد ماني محتاجه لان ضفيرة LT1 
موجوده عندي مع كمبيوترها وانا ابي ابدلها 
بالكامل ضفيرة LS1 وانا كتبت الموضوع علشان 
يستفيدون منه المحتاجينه وأهل الترهيم ومنها يقلل
من المصاريف يعني بدال لا يشتري ضفيرة LS1
ب٨٠٠ ريال او ١٠٠٠ ريال يشتري ضفيرة LT1 
ما تزيد عن ٣٠٠ ريال .
واتمني أني أفدتكم بموضوع مفيد وجديد 
تحياتي وتقديري لكم 
اخوكم 
Foxzx




.

إبلاغ

الردود