أضف سؤال أو موضوع جديد          

المرور ولا نجم .... الدعوه فوضى عندنا

up 7 down 1
albokhari 147
قبل 7 سنه و 7 شهر



السلام عليكم ورحمة الله وبركاته

قدر الله علي اليوم وانا واقف بالمحطة املي بنزين انه يصدم موتري من ورى واحد يلعب بجواله ومع اهله عند المحطه الى عند معارض الشفا ، الموضوع مايستاهل لكن قلت دام الصدام انكسر خلني اتصل على المرور ، كلمت المرور يقول الرجال عنده تأمين كلم نجم اتصلت على نجم قالت لي الموظفة نجم مايغطي الشفا !!! ارجع اتصل على المرور يقول لا نجم يغطي الرياض كلها معدا الدائري

الرجال معه اهله حزنت عليه والعوض على الله وقلت له توكل على الله ،، لكن ابي اعرف وش هالوضع في الفترة ذي لاتاخذ حق من مرورنا الى كل همه ساهر ونجم ماعنده الا هالبنات الى يردون عليك بكل نعومة وغنوجة تقول مني مسوي حادث الا داقين علي مسوقات البطاقات البنكيه


فسؤال من له احد بنجم يسألنا او المرور ؟








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انا قد صار لي حادث قريب من معارض الشفا ومعي تامين وفعلا نجم اعتذروا وجاني المرور والنفسية قافلة الله يصلحه 


up 2 down 0
شليطيح 5018
قبل 7 سنه و 7 شهر



الله يكون في عونك


up 1 down 1
mosfer alyami 774
قبل 7 سنه و 7 شهر



ياخوان احد يفيدنا اذا صار لو قدر الله حادث زي كذا الجهتين اعتذرو؟ انا ساكن الشفاء سبحان الله يصلي نفس الرجل عشان اعرف اتصرف؟


up 0 down 0
mohagjer606 555
قبل 7 سنه و 7 شهر



وش لون مايغطي يارجال شكل علشان زحمه صرفوك ماهو فاضين الله يعينك لوني مكانك والله لنشب بحلقهم  

يارجل انا  الساعه 9 الليل اليوم على امتداد كبري المعلق الى  شفا  وخشيت مخرج ديراب  شفت المرور السري وسياره نجم على شارع 

 وش لون يقلون ماتغطي يارجال الله يعينك لوني مكانك  لنشب بحلوقهم ازعجه  مافيه شي مايغطي  تجي يعني تجي 


up 0 down 1
سكودر 14927
قبل 7 سنه و 7 شهر



انا انصح الجمبع بتركيب برنامج تسجيل المكالمات التلقائي في الجواﻻت الذكية
راح يحميكم كثير هالبرنامج من عدة نواحي
1- المعاملات المالية والتحويلات واﻻتفاقيات بين اﻻشخاص الغريبين
2- التهديدات الشخصية او التصيد على احد اﻻشخاص الي يبون الضرر لك
3- البلاغات للجهات الرسمية وتجاوبهم معك
.... الى غيرها

فمثل حالتك تقدر تنفض نجم والمرور سوى وتقدم فيهم شكوى استنادا الى التسجيل الصوتي
الله يعين فعلا مهزلة


up 2 down 0
abu zi4d 45
قبل 7 سنه و 7 شهر



اولا الحمد لله على سلامتك والله يجزاك خير يوم تنازلت
ثانيا كان ماقلت للمرور ان معكم تامين عشان يضطر يحضر ويواجه الواقع


up 1 down 0
s00r 46
قبل 7 سنه و 7 شهر



نفس المشكلة صارت معي انا من سكان الشفاء صدم موتري بزر حول حارتنا الموتر طبعا واقف طير الخلفية كاملة وصدم موترين لجارنا معي المهم معهم تامين وجاء ابوه عشان يقول انه هو اللي سايق ودقينا على المرور قال نجم دقينا على نجم قال مانغطي رجعنا ندق على المرور مرة ثانية قلنا ياخوي نجم مايغطي الشفاء هاذا كلامهم ارسل لنا دورية ترى تلطعنا في الشمس الكلام هاذا 3 ونص العصر في عز الصيف جانا 4 وشوي وسلكت الامور


up 0 down 0
a.ibrahem 3167
قبل 7 سنه و 7 شهر



حبيبي دام هم احتالوا عليك روح اي حي واتصل وقل صدمني وهرب . 
الغلط 100% على الطرف اللي موب موجود اصلا 



up 0 down 0
بدون آسم 236
قبل 7 سنه و 7 شهر



حبيبي دام هم احتالوا عليك روح اي حي واتصل وقل صدمني وهرب . 
الغلط 100% على الطرف اللي موب موجود اصلا 



up 0 down 0
بدون آسم 236
قبل 7 سنه و 7 شهر