ليش يغطون لوحات سياراتهم

لحفظ الخصوصيه , وبعض الناس ما يستحي الصراحه , انا اعلنت الدينالي حقي وللأسف نزلت ارقام اللوحات لان نيتي بيع , المهم اخذت الوالده وخالاتي ورحت اوديهم السوق بمخرج 9

المهم وقفت عند اشاره الا وطعس يأشر من اليمين وانا معي عائله , المهم ما ادري وش يبي , واقول انا لله وانا اليه لراجعون , الحين ذا وش يبغا الحين 

ودقيت اشاره وجنبت يمين واطلع العجره لان شكل الطعس في راسه حرش ؟ ويوم جيت انزل وقف السياره من جنبي وقال , الموتر للبيع صح , انا شايفه بموقع حراج , 

قسم بالله كنت بأهفهه بالعجره اخليه ينسى موقع حراج بكبره 

الحين موقفني وقاعد تكبس لي و تأشرلي وانا معي عايله وفي الاخير تتكلم هالكلام !!

قال لا بس حبيت اتأكد , الا كم مسيوم , قلت ب 105 الاف , عندك فرق , قال لا , شكرا و اسفين على ازعاجك !! 

قلت الله يستر عليك 

قسم بالله يطلعولك ناس فاضيه ومتخلفه مثل خويننا 

فهذا ممكن سبب لطمس اللوحات وقت البيع

يعطيكم العافية يا شباب

موقع حراج اهو الي قال غط اللوحة

تفادي الإزعاج والي يبغى يشوفها يكون جاد ويجيي ع الطبيعه احسن لوه

اتوقع من باب الخصوصية 

اعطيني اي لوحه سياره اجيب لك معلومات كامله عن الشخص ورقم جواله واسمه اسم ابو وين ساكن وكم عمره وش قبيلته وصوره وجهه كل المعلومات عن طريق اللوحه واكثر من كثر بعد 

اذكر من فترة خمس سنوات استفاد من صور المواتر ولوحاته عصابتين لسرقة السيارات
فصار يجيب وين بيته ويكمنون له ويسرقونها 
وكانو اكثر شي بموقع مستعمل وبعد بحراج لذا درجت العادة بتغطية اللوحات

http://montada.haraj.com.sa/4190/%D9%85%D8%A7%D9%87%D9%88-%D9%88%D8%AC%D9%87-%D8%A7%D9%84%D8%B6%D8%B1%D8%B1-%D9%85%D9%86-%D8%A5%D8%B8%D9%87%D8%A7%D8%B1-%D8%A3%D8%B1%D9%82%D8%A7%D9%85-%D9%84%D9%88%D8%AD%D8%A9-%D8%B3%D9%8A%D8%A7%D8%B1%D8%AA%D9%83-%D9%81%D9%8A-%D8%A7%D9%84%D8%A3%D8%B9%D9%84%D8%A7%D9%86-%D8%9F/