تم حل مشكلة السيارة
13
7
إضغط هنا للإخفاء
السلام عليكم ورحمة الله وبركاته...كيف الحال شباب...
امس نزلت موضوع ان السيارة مااشتغلت ورحت جبت كم ((سباك)) قصدي كهربائي من الصناعية والله ما
عرفوا يشغلونها وحاولو لكن ماعرفوا فتحوا علبة الفيوز اللي داخل السيارة وفي الكبوت لكن خيره
لي انهم ماعرفو الخراب المهم في علبة الفيوز الي عند المكينة في شي اسود زي الفيوز بس كبير مربع مكسور
من فوق قلت خلني اجرب ادخل مفك داخله وشوي وتدق سلف لكن ماتشتغل اخدت الفيوز ورحت محلات قطع الغيار
واسال يقولون مافي زي القطعه وان القطعه اسمها الكتاوت في محلات في الصناعية تبيع انوار وفيوزات
هو محل زينة السيارات وادخل عليه واساله يقول موجود قلتله اصلي قال يمشي حاله واشتريه 15 ريال مع علبتين
فيوز لان الي عندي في علبة الفيوز ناقصه واروح اركب الكتاوت وباقي الفيوز واقول بسم الله واشتغلت قلت
الحمد لله لكن يوم نزلت الموضوع امس ما احد تكلم عن الكتاوت لكن طلع منه المشكلة طيب وش فايدة(السباكين)
والله ما احد عرف العله لكن نقول الحمد لله انها كلفة 20 ريال ولادخلتها الصناعية وبتكلف 500 ريال الى 5 الاف
الي ابي اقوله ياشباب والله الواحد مايستعجل ويصبر ويحاول اكثر من مرة ولا يعتمد على السباكين ومشكورين على
الي علقوا امس على موضوعي واقولهم يعطيكم العافية وماقصرتوا واخيرا نقول ان شاء الله انها تعم الفايدة للجميع
ونكون جزء من حل مشكلات تواجه اعضاء وزائرين موقع حراج والله يكتب لنا ولكم الاجر ان شاء الله.
إبلاغ
الردود
4
5
فعلا كذا مرة يمر علي موقف مثل اللي صار معك وتطلع شغلة فيوز
والحين لو يبنشر علي كفر اروح اشيك ع الفيوزات هههههههه
1
1
وهو الي يقطع ويخزن كهرب حتى سباكين اشوفهم افضل منهم بكثيرر وزين انك عرفت مشكله خيره يارجال يمكن من ربك
كنت زيك مراوح عندي شغال على طول اول ماتشغل سياره تشتغل استغربت لن سيارتي نوع امريكي ماتشتغل مراوح الى اذا احترت سياره
ورحت اكثر من سباك وكلهم قالو طبيعيه اقول وش لون طبيعه قعد يناظر بسياره وفتح كبوت ولا عرف شي
واخر شي فتحت علبه فيوزات واناظر بكتاوت لقيت اثنين محترقه واغيرها وصارت تفصل الكتاوت الاول كان معلق لو استمر كذا بيحرق علي فيوزات الباقيه وزين لحقت عليه لو ضليت اسمع بنصايح سباكين كان راحت عليه فيوزات
1
1
2
0
لأن عندهم اللي يتخرج ميكانيكا ومايحصل وظيفة يفتح ورشه ويكون فاهم بمجرد ماتعرض المشكله يحصرها في مكان معين ثم تشرح زيادة يعرفها ويحلها .. أما عندنا تقوله تهريب يبدأ التخمين يقلك يمكن من الاديتر ويمكن من الليات واذا مو منهم شيك على الثلاجه؟؟
انا جاي عند ميكانيكي والا عند مليس؟؟
0
0
قد صارت معي وكلفتني تصليحها اضعاف قيمة الاصلي
والله يوفقك
0
0
قبل 11 سنه