أضف سؤال أو موضوع جديد          

ماهو رأيك بمراكز بترومين

up 3 down 2
fahadlfc 314
قبل 7 سنه و 11 شهر



السلام عليكم ورحمة الله وبركاته 

اخواني انا قررت اسحب التشيك في الوكاله 

وكاله الحاج حسين ... سعر تغير زيت مازدا مع سيفون 381 ..ريال 

م تسوى وفيه عندهم عرض الصيانة بس دخلت الصيانة انا مع صاحبي 

كسروا الدرج حقه .. سعوديين قالبينها دخان وشيشة وبلوت .. 

وصاحبي قال اول واخر مرة اجيكم ونا ماشي موتري 2200 .. 

وقلت بشوف بترومين .. بعد القرار الجديد من وزارة التجارة. . 

وابغى شوركم طبعا السيفون اشتري من الوكاله والزيت من عند بترومين .. 
والا وش تشورون علي؟ ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وهذا ليس استنقاص بالسعوديين بالعكس اشتغلوا احسن من قعدتهم لكن 

الواحد اذا ن يعرف يقةل م يعرف مب عيب كسروا درج صاحبي ووعدوه 

بالتعويض .. وكاله محترمة واشوى من غيرها .. 


up 4 down 0
fahadlfc 314
قبل 7 سنه و 11 شهر



نعم افضل لك اشتري سيفون بوكاله طبعن بيزعل عامل لكن قله كل ت ب ن  وغير زيت فقط 

 بيجيك فلبيني ثاني  ويقولك انظف لك بخاخات قله لا تنظفها ولا شي خلها  

 طبعن   هم كويسن بس سعر علبه زيت بمحلات قطع بجمله سعر زيت 12 ريال يبعونه لك بترومين 17 ريال 




up 1 down 0
سكودر 14928
قبل 7 سنه و 11 شهر



هم مزودين شوي وعارف لكن اهون من الوكاله وعلشان الضمان م يطير  يعرضون عليك خدمات لكن يرفضها واقعد ع رأسه 

فلبيني متعلم اشوى من ابو يمن يبغى يتعلم


up 1 down 1
fahadlfc 314
قبل 7 سنه و 11 شهر



غالين لكن معتمدين


up 2 down 0
ابوابراهيم ksa 1391
قبل 7 سنه و 11 شهر



انا معي جيلي سعر الزيت ٢٢٢ في الوكالة ومن الساعة ٨ وتاخظها ٤ رحت لوزارة التجارة قالو غير عند بترومين بس لازم يكون معك اوراق تثبت انك غيرت عندهم وميرو عليك الضمان


up 3 down 1
جيلي ec7 2013 114
قبل 7 سنه و 11 شهر



اقصد مايروح عليك


up 1 down 0
جيلي ec7 2013 114
قبل 7 سنه و 11 شهر



لي ثلاث سنوات متعامل معهم شغلهم مضبوط ونظيف 
ياخذ فرق ٣٠ ريال بس يستاهل 


up 1 down 0



طريقتهم جميله

خذ السيفون من الوكاله

و الزيت في بترومين

ويا سكودر لاهنت هل العلبه بالجمله تطلع 12 لل 10w30 وكم حبه اخذها عشان تطلع علي ب 12 ريال


up 1 down 0
ابو يزيد 000 8712
قبل 7 سنه و 11 شهر



زهقت من الوكاله موصح ؟
مواعيد وانتظار وزحمه واخرتها موظفين الصيانه مفلسعين وماعندهم الا الدجه
كانت معي مازدا 2008 دخلتها مره الصيانه وكان فيها ام بي ثري يوم استملتها بعد ساعه ادور على الام بي ثري مالقيته
رجعت للصيانه لقيت سعوديين فالصيانه سئلتهم قالوا ماندري ولاشلنا شي انت موقع على استلام السياره كامله جاهزه
قلتلهم اللي سوا صيانه لها هو انت وان كان وقعت على الاوراق فتبقى هذي غلطتي لاني ماشيكت على السياره اخذتها على ثقه منكم

فرع اليانه كان فخريص 

اول تغييره غير فالوكاله والتغييرات اللي بعدها غيرها برى الوكاله بس على الاقل يكون لك صيانه فالوكاله

بخصوص اللي شفته بعنيك واللي كسرو الدرج ؟
(( سعوديين قالبينها دخان وشيشة وبلوت ))

كنت دايم ارسل على اليميل طلب بخصوص انهاء اجراءات بعض الاوراق تخصني في الماليه
وكانت تجلس من اسبوع الى اسبوعين 
مره من المرات ارسلت على اليميل طلب وجاني الرد اليوم الثاني بان الاوراق جاهزه !!!
انا انصدمت وش هالسرعه
يوم رحت للماليه لقيت الموظف اللي خلصها فلبيني مسيحي
سئلته وين فلان افلاني ؟
قلي في اجازه وانا اغطي مكانه  !!!

اثاري السعودين مخربينها فالاداره يجون الساعه 9 والمفروض تواجدهم يكون 8
يطلعون الساعه 4 والدوام ينتهي الساعه 5
من 1 الى 2 ساعه بريك لهم ومايرجعون الا 2.24  يعني ساحبين 24 دقيقه واوقات الى نص ساعه
احسب فترات التدخين يطلعون برا يتكون سوالف واشوفهم كل يوم واحنا نجلس ننتظر حضرتهم
ان جيتهم الصباح تلقى اخلاقهم فروس خشمهم واللي راسه مليان نوم 
تخش تسلم عليه يطنشك ويناظرك وكئنه يقول اخلص علينا وش تبي
تروح تشتكي لمين ومديرهم فالت مثلهم ؟
لو عندي شركه راح اجيب اجانب والسعوديين راح ادقق عليهم وانشب لهم بالدقيقه من بعد اللي شفته منهم

مدري ليه الاجانب والغرب بشكل عام عندهم اخلاص فالعمل وانتاج مهام عملهم على اكمل وجهه

عكس اللي عندنا


up 9 down 0



ما ادري اذا الحاج حسين وبترومين بينهم اتفاقيه بتكلم عن الجبر هو وبترميين مسويين اتفاقية وطبعا ارخص من الوكالة المهم بعد ما ينتهو بلصقو استكر على الجزاز وهذا مهم للوكالة والله اعلم


up 0 down 0
ابو دحمي 04 244
قبل 7 سنه و 11 شهر



ابو يزيد اول يبعون محلات القطع علبه 12 الحين غلوها اشوي صارت 14  بناشر معروفين يبعونها لك 17 ريال 

محلات بيع زيوت بجمله لو تشيل منهم علبه وحده باعوها لك 12 لو كرتون ممكن يخصون لك بعد 

 طبعن هي تحصلها بمحلات بيع جمله زيوت الزيوت الوطنيه  او بن شيهون لتجاره زيوت  بنسبه لي شكلي بحفر حفره بالبيت واغير زيت بنفسي واوفر 

 بس مشكله حوش  ماياهل  وكلها ماتخذ  4 دقايق  


up 0 down 0
سكودر 14928
قبل 7 سنه و 11 شهر



يعطيكم العافيه اكيد يحتفظ بالفواتير .. الحمد لله اثنيتوا ع مراكزهم 

وهذا يكفي ممكن اراجع الوكاله لزيت القير مدري اذا بترومين 

يغيرونه لكن الزيت باخذه من الوكاله .. 

يعطيكم العافية م ققصرتوا وشكرا ع مروركم .. 

اغير في بترومين فؤق 30 

ولا عند الوكاله فرق 200 


up 0 down 0
fahadlfc 314
قبل 7 سنه و 11 شهر



على فكره اخوي انا كنت متعامل مع بترومين تقريبا 3سنوات شغلهم مافيه شي بس صار موقف معهم غيرت زيت عندهم والمشكلة هذا الفرع انا متعامل معه وفوق هذا معطيه بخشيش قبل المهم اني غيرت زيت وسيفون والله مازل عليكم عقب ماغيرت رجعت ريوس عشان بطلع الموتر من الحفره عشان ينفخ المكينه بالهوى وانا راجع العامل الثاني يأشر بيده على طول طفيت السياره ونزلت والا الزيت يصل بشكل قوي من جهه السيفون اثره ماركبه صح الشاهد في الكلام مهما كانو متخصصين او من جنسيه معروفه لاتعتمد عليهم الا وانت فوق رأسهم الله فكني ماحركت على طول لامان المكينه خبطت


up 0 down 0
كلي وفاا 327
قبل 7 سنه و 11 شهر



جزاك الله خير ... كلن يخطيء ونا اخوك ... لكن انا من الناس اللي 

اقعد ع الراس .. ؛) 


up 0 down 0
fahadlfc 314
قبل 7 سنه و 11 شهر



اخوي غير من بترومين وخذ فاتوره وايصال لاتخليهم يلمسو زيت القير او الطاره او البريك 
يغيرو لك الزيت وخذ من عندهم فاتوره على الخدمه كامله مع المبلًغ وتلقايءي يسجلوك بالسستم 
موفق اخوي وانتبه تضيع الفاتوره


up 0 down 0
احمد شريف 3176
قبل 7 سنه و 11 شهر



انا كنت اغير عند بترومين لمدة سنتين تقريبا طبعا موتري 4 سلندر وياخذ 4 علب ونص كنت اغير بحدود 136 ريال نفس زيت بترومين اللي هو 20 - 50 اخرتها طفشت منهم ومن غلاوتهم وصرت اغير في محطة ان اللي اشتر السيفون واخذه ب 10 ريال بدال 27 ريال واروح لمحطة الدريس واغير عندهم ثانيا اللي في بترومين ماتحس انه يهتم بتنظيف الفلاتر وكل شي ويشيك بس همه ياخذ دراهم يا يقول لك تنظيف بخاخات ولا تنظيف تانكي ولا مدري وشوا وبعدين قد سووا معي موقف بايخ ما شحم السيفون زين وقام يهرب حدود علبة لين اكتشفتها هم الله حق حليوين شغلهم لكن حرامية يزرفون عيني عينك يازين الزيود بس جب له سيفونك ودق سلفك وامش وترى كله زيت وفلاتر وانت اللي بتجيبها لكن بترومين يحسب لك على الخدمة اللي يقدمها لك يعني انه عبى موية المساحات وعاير الكفرات ... شف لك محطة كويسة وادع لي


up 0 down 0
a.ibrahem 3169
قبل 7 سنه و 11 شهر



يعطيكم العافيه غويلبن لكن ارحم من الوكاله 

وش تنصحوني بغيرهم ابو يمن اللي مالي البناشر نو نو نو ؛) 


م قصرت اخوي احمد ولا يهون ابو ابراهيم والبقية


up 1 down 0
fahadlfc 314
قبل 7 سنه و 11 شهر



ابي وظيفه في بترومين تكفون كيف وهذا رقم جوالي 0592086699


up 0 down 0
حسن ال عمر 1
قبل 7 سنه و 2 شهر



ياشباب انا موظف ببترومين. المبيعات اهم شي عندنا ' لزيادت الرواتب' يعني لو علي اخليك تنفض الموتر من الصدام لصدام' نصيحه غير زيتك وسيفون جيبه معك ' بس' والزيت لاتستخدم البالك خلك على العلب بس ' وهذي نصيحه لوجه الله'


up 0 down 0
فزاع 999
قبل 4 سنه و 7 شهر