وين محلات قطع الغيار بالرياض ؟

عندك صناعية العاصمة مخرج 27 مدري 28

تألمت فتعلمت فتغيرت

انا ادور طقم بلوف لـ اوبترا 2007 , تصدق لفيت كل محلات قطع الغيار ما حصلت , باستثناء الجميح لاني عارفه يبي يصقعني بمبلغ وقدره !!

الجمعه فاتحين عشان ما اضرب مشوار





؟

طيب جربت تروح للتوكيلات العالميه .. مادري عنهم متى يفتحون لكن انا اروح لهم بالعاده بعد العصر الساعه 5 وحولها
على فكرة انا معي اوبترا 2008

ام الحمام كلها قطع غيار
وعندك شارع الغرابي

طيب جرب تتصل على قطع الغيار بوكالة الجميح! 
يمكن السعر يجوز لك وتشتريها ،، 

رحت لطريق الخرج ولقيت قطع غيار ارخص من محلات صناعية الشفا

بلوف اوبترا صناعة ياباني بـ 190 ريال بعد الخصم ( 16 بلف ) - الاصلي ب360 ريال بس انه كوري
طقم وجيه كوري بـ 110 ريال بعد الخصم
بواجي اصلي عدد اربعه بـ 40 ريال بعد الخصم
شداد تايمن كوري بـ 55 ريال بعد الخصم
بكرة تايمن كوري بـ 40 ريال بعد الخصم

واللي عنده اوبترا مثلي ومايبي يلف ويدور بالصناعيات تراهن عند مؤسسة المنصوري وعند محل مشاعل الكثيري
بطريق الخرج وانت جاي مع الدائري الجنوبي ومتجه شمال خلك فوق الكبري ولانزلت معه لف مع اول اشارة يمين وبعدها تلقى انواع محلات قطع الغيار ل تويوتا ونسيان وهيونداي , الخ ..

كلامي الاخير والله مهو تسويق بس لاني اليوم من العصر لين منتصف المغرب الف وادور واشوف الارخص وماابي غيري يصير به كذا
وسلامتكم

مشكور على موضوعك وابد ياخوك راسلني وانا اجيبك واوصلك مجانا مابي شي مجرد خدمه وماتشوف شر