سوال وارجو من اهل الخبره الرد عليه

عندي هايلوكس ٩٦ فيها صوت في التكايات من يوم وضبتها
لها سنه تقريبا وما فيها الا العافيه

يعني عادي مافيه ضرر

كان عندي فكتوريا 96 طلع فيها صوت رحت للميكانيكي قالي غير الجنزير غيرته راح الصوت لكن الصبح اشغلها
وهي بارده يطلع بس خفيف مجرد ما تحمي يروح وعلى هذا الحال اسافر عليها ولافيها اي مشكله.. اذا الصوت معك
حتى وانت تمشي روح للورشه وتاكد من الجنزير. 

بيض الله وجيهكم ولا قصرتو

توني موضب المكينه قبل ٨شهور 

السلام عليكم ورحمة الله

أخوي ... أبو محمد ... راح أرد على سؤالك بالتفصيل

أولا" .. إذا الزيت قديم .. راح يطلع معك صوت التكايات طبيعي إلين تغيره

أما إذا الزيت جديد والصوت موجود فهذي تكايات مافيها كلام ( على حسب كلام المهندس )

ثانيا" .. التكايات ماتضر ( بإذن الله ) على المدى القريب .. يعني سنه .. سنتين .. بشرط

إن ( رجلك ماتكون حاره ) .. يعني ماتجور على الموتر .. أما إذا كانت رجلك حاره

فنصيحتي لك ( غير التكايات ) ..

وهي تضر السياره على المدى البعيد ( حتى لو ممشاك هادي ) يعني بعد فتره راح

يزيد الصوت ويصاحبه صوت بلوف أو يتوقف ويسبب لك ( قفل بلف )

وأغلب مايتسبب في تلف التكايات ( عدم التحميه - الدعس - ضعف طرمبة الزيت )

أرجوا إني أكون أفدتك ..

تحياتي

بيض الله وجهك اخوي وان شاء الله اغيره في اقرب وقت 

غير وريح نفسك افضل لك بدال ما لا قدر الله وتتوهق