أضف سؤال أو موضوع جديد          

ما الحل مع المخالفين والمتهورين؟ ادخل

up 12 down 11
m11013 923
قبل 7 سنه و 11 شهر



السلام عليكم ..

إخواني مثل اي واحد يحاول يلتزم بالنظام ويتفاجأ بالمطامرين والناس اللي ماتفكر ..مثل اي واحد يمسك خطه وينقز عليه واحد يحسب انه فنان

من الآن ياإخوان اذا لاحظتوا سيارة متهورة -سيارة تنتقل بين المسارات بشكل مجنون -سيارة تطامر عليك تبيك توخر وانت ماسك اقصى سرعه نظاميه-سيارة تفحط
سيارة تلاحظ على قائدها انه غير طبيعي -الخ الخ


خذ رقم اللوحة ونوع السيارة وموديلها وقف على جنب واتصل 993 المرور وبلغهم بالمخالفات اللي لاحظتها وقلهم على الطريق اللي هو ماشي فيه
ماهي لقافه بالعكس ممكن تنقذ ارواح..
انا ماقلت هالكلام من فضاوة والله اني جربت كنت واقف على رجولي انتظر البقالة تفتح جاني نيسان ددسن وسحب لولا اني نقزت كان كسر ساقي ونزل ينافخ 
انا طنشته ورحت بعيد وقدمت بلاغ باللي صار والله اني  حركت 2 كيلو ولقيتهم موقفينه

لاتقولون محد يتجاوب والله ان المرور شاد حيله بس هم بشر يخطون ويصيبون وخطأ الفرد مايصح نعمم على اساسه
واعرف واحد بلغ على قياددة متهورة وتظليل في الدائري وتجاوبوا معه.واحد اقاربي بلغ على واحد مركب دبات مدري هدرز مزعج الحارة وتجاوبوا معه

أكرر لاتقول لنفسك انها لقافه والله انها تصفية للمجتمع من الناس اللي ممكن تتلف ارواح وومتلكات

تحياتي..











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ان الفـتـنه اشد من القتل ياخي حرام احرش عليه يمكن عنده امر ضروري واذا ماعنده امر ضروري ادعي له بلهدايه
شف اليوم شفت راعي سياره كاتب ورا حسبي الله علي الى يدق بواري هههههههههه ولا احد دق له
اذا اخلاقك عاليه صدقني لو اجرم مكان تروحه انهم يحطونك فوق راسهم خذها نصحيه وحتى تكون مرتاح نفسيا وتكون
عايش الحياه وطنش تعش تنتعش ههههههههه


up 4 down 11
مهراس الزهراني 1338
قبل 7 سنه و 11 شهر



وجهة نظر احترمها لكنها خطأ ... هو مستعجل انا وش ذنب امي وخواتي اللي تنزل قلوبهم من قوة كبس الفرامل بسببه .. وش ذنبي انا اذا شطفتني من اقصى اليمين وطير مرايتي...
النظام نظام ماحطوه حتى نقول يمكن ويمكن انا عطيتك لايك لإثبات ان الاختلاف لايفسد للود قضيه. 


up 6 down 3
m11013 923
قبل 7 سنه و 11 شهر



لو ابلغ على كل الي يسون كذا اتوقع بعد شهر راح اكون في الخط لوحدي
عندك من بعد الجسر المعلق انواع التجاوزات والسرعه الى ان تصل للدرعيه 
كل يوم على هذا الحال ليلا ونهار والعكس من المعلق الى ان تصل للتوكيلات 
تقول كان واحد خانقهم الى ان خرجو 
الله يستر علينا وبس 


up 2 down 2
alawi123 96
قبل 7 سنه و 11 شهر



يا رجال لو تبلغ بيدينك ورجلينك م حد جاكك ؟
لا صارت لك مشكله .. تاخذ لك ساعتين على م يجونك 

(( دع الناس ف حلالهاا وسسر انت ف حلالك ))


up 3 down 2
حووض 69
قبل 7 سنه و 11 شهر



الطرق الرئيسة يتواجد فيها المرور السري والدوريات الامنيه ما أتوقع تطول ... ممكن الحواري 
احسن اني امشي لحالي اقلها محد يطامرني ويخلع قلبي
السير في حلالي يشمل اني ابلغ حتى محد يعدم حلالي 


up 0 down 1
m11013 923
قبل 7 سنه و 11 شهر



وش السالفة ؟؟ وين المشرفين؟ والله مو معقوله تروح نقاطي بسبب ناس يبون الدنيا بكيفهم


up 5 down 3
m11013 923
قبل 7 سنه و 11 شهر



طيب كلها نمشيها الا التظليل تبلغ على تظليل ليش ؟ ودك تتفرج على السواق ؟ ولا ما عجبك شكل السيارة و هي مظلله؟ الحمدلله على العافيه بس 


up 2 down 5
shadowz33 1098
قبل 7 سنه و 11 شهر



اخوي اذا تقصد الصورة ترا حطيتها لانها مخالفه فقط والا سالفة البلاغ مابلغ الرجال على التظليل فقط بلغ على شي ثاني اقراه .. والا تتوقع ان فيني شفاحه لهالدرجه


up 0 down 0
m11013 923
قبل 7 سنه و 11 شهر



و الله و انا اخوك كنت من ذي العينات لين وصلت قسايمي 16 الف 
ربتني القسايم و تركت الهياط و صرت عاقل 
لذلك طريقتك حلوه اذا المرور يتجاوب 
وش ذنب عائله ماشين في طريقهم و يجيك واحد متهور يصدمهم و الا يسوي لهم مصيبه 



up 6 down 0
ahmad200997 -121
قبل 7 سنه و 11 شهر



واعرف واحد بلغ على قياددة متهورة وتظليل في الدائري وتجاوبوا معه.واحد اقاربي بلغ على واحد مركب دبات مدري هدرز مزعج الحارة وتجاوبوا معه


up 2 down 1
shadowz33 1098
قبل 7 سنه و 11 شهر



وسع صدرك

http://travianr.com/ts3/register.php?ref=227


up 0 down 0
al_baroon
قبل 7 سنه و 11 شهر




لا تتعب نفسك لو تبلغ بيديك ورجليك
هذولا ناس فوق القانون ويمر على الدوريه وعلى العسكري ولا يجيب لهم حبر والمرور يتجنبهم

والمشكله ان فيه من يقلدهم وهو خرطي لاهو ظابط ولا فوق القانون ولا شي وصعب تفرقه عنهم


باختصار الطاسه ضايعه والله يستر



up 1 down 0
Abu-Nawaf 337
قبل 7 سنه و 11 شهر



والله ي خوي شكلك مقفل الاخ مبلغ قياده متهورة في الاول ثم التظليل يعني مابلغ ع التظليل لحاله


up 0 down 0
m11013 923
قبل 7 سنه و 11 شهر