أضف سؤال أو موضوع جديد          

بياعين حراج النصابين

up 27 down 8
mustanggt 211
قبل 8 سنه و 3 شهر



في البداية الموضوع منقول للأمانة

يا اخواني اننا نناشد القائمين على موقع حراج بالعدل والمساواه بين بين اصناف اعضاء الموقع,,
حيث انه يمنع بخس السلعه>>> ولا يمنع المبالغه في بيع السلعه!؟
بهذا التقرير نحاول تحليل المشكله ومعرفة أسبابها:-
1- يجي ابن الناس يشتري سياره قيمتها تسوا خمسين مثلا ونيته في الشراء الإستخدام, ثم يجي يعرضها في الموقع بسومه 60 الف وحد 80 الف ولاهو ظاره شي ان انباعت بهالسعر الخيالي ولا ماظرت الجمل على قولتهم.
الظرر هنا على المسكين اللي يتعلق في السيارة وفي النهايه ما يحصل له نصيب فيها وصاحب العرض ينتظر الدلوخ وبكذا يرفع ظغط المساكين اللي ناوين الشراء.




2- نوع الثاني وهذا اللي يفك مخك طبعا ماتدري نيته هل يبغى يبيع ولا نفس الاول ,, المهم يقولك الموتر مسيوم بـ60 وحاده بـ 61,,,!!؟؟>>>ياخي لاتفك مخي!?




3-نوع ماله حل يقولك في اعلانه: البدي سليم من الصدم للصدام ماعدا ظربه في الرفرف الامامي ورشيتها وصدمه خفيفه في الصدام الخلفي وسمكرت الشمطه وتعديل بسيط في الشاصي وحكه خفيفه من الكراج وغيرت البيبان اللي على اليمين ورشيتها رشه محترمه>>>>>> يرحم امك وش بقى في السياره ما رشيته!!؟؟




4- في نوع يشتري السياره من الوكاله كاش سواء او اقصاد مثلاً بـ160 الف وبعد ما يكدها عشر سنين يجيك منزلها في الموقع وتلاحظ انه يحاول يبيعها بـ150 الف!؟؟ >>>>ليه ياعم الحاج!؟ والله وقفنى على ناس يحاول بعد استخدام سنتين او ثلاث يحاول يوصل لقيمتها جديده في البيع خاصتاً رعين الاف جيات!.




5- نوعيه متعبه جداً يكون عنده موتر مثلا 2005 ماشي 140 الف وينظرله انه مخزن ويطلب فيه سعر 2011!!>>>> ياعمي وين مدرعم فاهم الخزين غلط!
- التخزين:- هو سياره عمرها اكثر من عشرين سنه وما مشت اكثر من عشرين الف, هذا هو التخزين ياباشا ماهو زي ما انت فاهم!




على كل حال من هالناس الكثير والكثير الوان واشكال وانواع يعج بها هالموقع الاكثر من رائع لولاهم,, ونسأل الله الهدايه لنا ولهم.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


السلام عليكم
اعتقد هالموضوع مو بيد الاداره اذا تبي تابع كل انواع المعروض

هالشي يعود لضمير العارض للبيع والمشتري نفسه ...



up 0 down 1
motasem1 -1
قبل 8 سنه و 3 شهر



الموقع هذا فيه نصابين كثيرين وكثيرين عندهم اعتقاد ان الشعب دلخ وما يفهم والا ليش الخنبقه والكذب عيني عينك



up 0 down 0
Abu-Nawaf 337
قبل 8 سنه و 3 شهر