أضف سؤال أو موضوع جديد          

التظليل من الشركات الكبيرة عليه مخالفة مثل اللي يظلل عادي

up 3 down 0
TA CARS 854
قبل 7 سنه و 9 شهر



﷽ 

السلام عليكم ورحمة الله وبركاته 

أخواني هل التظليل من الشركات الكبيرة مثل ( 3m أو جونسون أو بروفيشنال ) بأسعار فوق ١٨٠٠ ريال 

عليه مخالفة ؟ مثل اللي يظلل ابو ٥ ريال من محلات الزينة ؟ 

لان التظليل من جونسون مثلا ،، لا يحجب الرؤيا للسائق ابداً ، يعني { كأنك مو مركب تظليل } 

وعندي بطاقة ضمان عليها اسم ورقم لوحة السيارة تثبت بان هٰذا التظليل عازل 

وللعلم اني حاط الخلفي كاتم ، والامامي الجانبي بعد اللي بعد الشفاف 

أنا سالت هٰذا السؤال لان مرور وقفني وقال لي فك التظليل الامامي ولا حجز السيارة او مخالفة لكن بعد مارجيته وحاولت معه مشاني بحجة انه مسافر ومايبي احد يدعي عليه 

انتظر ردكم 

و جزاكم الله خير 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


العسكري ماعنده سالفه
محد يقدر يدعي عليه وهو ماظلم احد حتى لو اعطاك مخالفه كذا مايكون ظلمك ولا غلط عليك  يكون طبق القانون بشكل نظامي
بس شكله يبي يخوفك

لان هالشركات حقت التظليل اللي اعرفه عنها انها ماتظلل شي مخالف للنظام عندنا


النظام واضح ,, اكثر من 40 بالمية يعتبر مخالفة ,, لو تظلل الماس :)

وعاد عندك بعض العسكر ياهو يستقعد حتى عالزيرو ون


up 1 down 0
YASSER505 4174
قبل 7 سنه و 9 شهر



طبعا اقصد الجوانب ,, واذا تبيها نظام نظام ,, الامامي لايظلل ابداً ابداً والخلفية تكون تسمح للسيارة الي بالخلف تشوف السيارة الي امامك .



بينط لي واحد الحين ويقول خصوصية ,,

ليه 90 بالمية من سيارات الدول الخارجية بدون تظليل ؟؟؟ ادري جوهم كويس بس اذا تبيها جو ظلل عازل 01 او 02 مو كتم


up 1 down 1
YASSER505 4174
قبل 7 سنه و 9 شهر



انا اشوف انه عايدي لانه خفيف اما حق محالات الزينة انا مظلل موتري 02 قبل الكاتم بدرجة افتح من الكاتم بدرجة والله محد قالي كلمة التضليلة لها سنتين كل ما تخرب اغيرها بوحده جديدة نفس الدرجة ولاحد قالي شي ,, انا طالبنكم تذكرون الله لا تحسدوني عليها ويطقني المرور بمخالفة ههههههههههههههههعه شكرا لكم جميعا ^_^


up 2 down 1
mosfer alyami 774
قبل 7 سنه و 9 شهر



شوف النظام عندنا عقيم يعني لو منت حاط شي بيقولك شيل القزاز 
ع حسب مزاج العسكري وع حسب السيارة .. يعني لو رولز رايس مكتم وكرلا حاط خفيف مرة بيوقف الكرلا


up 2 down 0
sosisos 615
قبل 7 سنه و 9 شهر



يا طويل العمر النظام يقول

قزاز الراكب والسايق والقزازه الاماميه ممنوع تضللها حتى ولو خفيف

لكن انا اقولك نظامنا والحمد لله محد قد وقفنا

القزازه الاماميه الكبيره هذي ممنوع تضليلها نهائيا

قزاز الراكب والسايق ضللها زيرو زيرو او زيرو ون

وما راح يقولك شيء المرور ابد إن شاء الله

طبعا القزاز الخلفي عادي حطه زيرو 2

وبإذن الله ما راح يمسكك ابدا


طبعا لو تسألني انا

انا مضلل السياره كامله زيرو 2 ماعدا القزاز الامامي الكبير

طبعا تجي تسألني تقول عادي ما يسمك المرور , انا اقولك انه عادي لكني مهدد , لاني مضلل قزازه الراكب والسايق زيرو 2 

وهذا يعرضني اكثر للتوقيف والمخالفه

لكن الحمد لله الالتيما ماهي شبهه مره ولونها بني يعني انا رجل مسالم ههههه والتضليل تفاحي كذا ويقلب نيكل اعوذ بالله ههه فاتوقع من منطري اني اسنان مسالم وماني حق كيني ميني 

لا سيدا الحمد لله


up 2 down 0
ابو يزيد 000 8712
قبل 7 سنه و 9 شهر



انا مظلل من 3m و القزاز الامامي شفاف والقزاز الامامي مع الجنب 30% والخلفية كاتم
واخذت عليها مخالفتين لحد الحين :(


up 0 down 0
عبدالله 656 133
قبل 7 سنه و 9 شهر



كل ما ابي اضلل اتراجع من نفسيات العسكر كثير ما اسمع لو الجزاز الامامي شفاف حتى مو مبين انك مضلل مخالفة يا اخي راعي الانسان عنده اطفال وراه مدارس قسم بالله الواحد في الصيف يبي يجلس عياله من الدراسه عشان اشعة الشمس المفروض يقدرو هذا الشي


up 2 down 1
ابو دحمي 04 244
قبل 7 سنه و 9 شهر



خالي مضلل 70% محد وقفه السياره لها 3 سنوات والوضع ايزي


up 0 down 1
ahmad alhodali 400
قبل 7 سنه و 9 شهر



انا سمعت ضابط في نقطه تفتيش يكلم واحد يقول اي شي يحجب الرؤيه مخالف دام انا اشوفك مانت مخالف .. يعني اذا وقفك اقعد له قله وش اسم الضابط المسؤول والا قله امش القسم وهو يحكم طبعا اذا كان تظليلك مايحجب الرؤيه اما اذا يحجب ممنوع ومالك حق


up 1 down 0
m11013 923
قبل 7 سنه و 9 شهر



مركز ستة نقاط للعناية الشاملة للسيارات
Six Points
نقدم لكم أفضل منتجات ذو الجودة العالية
العزل الحراري : مقدم من شركة Express Window Films الامريكية ~
# مواصفات عازل الحراري افلام النانو سيراميك ↙ :
● تعزل درجة حرارة الشمس بنسبة ( 86% ) .
● تعزل الاشعة تحت الحمراء بنسبة ( 98% ) .
● تعزل الاشعة فوق البنفسجية بنسبة ( 99% ) .
● تسمح للضوء المرئي , الشفافية , بنسبة ( 73% ) .
✦✦
# مميزات عازل الحراري افلام النانو سيراميك ↙ :
● تسمح بتشغيل كافة وسائل الاتصال الحديثة .
● تخفض وهج الشمس ومن بهتان الالوان الداخلية .
● غير قابلة للخدش ومقاومة لكسر الزجاج .
● خالي من المعادن والألوان المعاكسة .
● متوفر بألوان : شفافة , متوسطة , داكنة .
✦✦
# خدمة مابعد البيع , ( الضمان ) ↙ :
ضمان عازل الحراري افلام النانو سيراميك ضماناً مفتوحاً وتشمل ↙ :
● تغيير اللون .
● فشل اللآصق .
● التأكسد والتآكل .
☼ ويتيح الضمان تركيب بديل جديد مجانا ☼
✦✦
- للتواصل والاستفسار /
فواز ( 0590077341 )


up 0 down 0
fawaz123 -1
قبل 4 سنه و 4 شهر