أضف سؤال أو موضوع جديد          

قصتي مع الطمع والنية الغير جيدة -- محاولة ان اكون شريطي خخخخ

up 11 down 6
YASSER505 4164
قبل 5 سنه و 2 شهر



السلام عليكم

بما انه ممنوع طرح مواضيع غير السيارات
اللي كنت ابشتريه خاص بالسيارات بس ما ابي اذكر هالشي لان راعيه يمكن يتواجد معنا بالمنتدى ويقراه ويعرف ان نيتي ماكانت استخدام ونيتي التكسب من وراه


هذي قصة مع واحد لقيت عنده اشياء مو عارف قيمتها , وسألته وانا فاقد الامل بالبيع بالرخيص وقلت بكم هذي ؟؟ قال والله مدري منطوله عندي من زماااااااااااااااان ولا اعرف

وانا تطير عيوني على شكل دولارات $--$ وقلت بنفسي اكيييد مايعرف سعره ,,, وقال ابرد لك بعد يومين ابسأل فيها

راح رد لي بكل نيه طيبه وانا للاسف نيتي غييييير يقول شف لي كم يسوى بالسوق وراح اراعيك ,, رحت قلت له ابحث وشوف ,, شوي الا قال تعال شيله ب 800 والثاني ب 400 وانا قلت ابسوي نفسي مانب طاير من الفرحه قلت خلني اكاسر عشان مايشك وقلت له الف واجيك بكره لانه قديم وانت عارف و,,, و ,,,

قال تعال نتفاهم ,, جيته بعدها وعرفت من اول ماسلم علي ان الرجال عرف سعره وقام صرف اووومي تصريفه خخخخخخخخ


عالعموم

الجهاز ابو 800 يسوى 3000 بالراحة :)

الجهاز ابو 400 يسوى 900 بالراحة

لو اني ماكاسرت كان اخذته بالسعر الخيااااالي ..!!!!

لكن النية الشيييييينه والطمع شوفوا وش يسوي

على فكره ،، هذي اول محاولة ان اكون شريطي وباءت بالفشل :)


تحياتي واحسنوا النية ولا تطمعون ابد :)







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يا ابراهيم اجهزة لها فوق السنة مغبرة مغبره مغبررررررررررررررررره مره وقلت اكيد ماله حاجه فيها وفعلاً ماله حاجه لكن الله يرزقه عرف سعرها :)


up 0 down 1
YASSER505 4164
قبل 5 سنه و 2 شهر



للمعلومية جديدة لكن كراتينها مغبره :)


up 0 down 1
YASSER505 4164
قبل 5 سنه و 2 شهر



وبي نياتكم ترزقون


up 3 down 1
ابوفهد الثقفي -74
قبل 5 سنه و 2 شهر



^^ انا اششششششهد


up 0 down 0
YASSER505 4164
قبل 5 سنه و 2 شهر



ذكرتني بواحد غشيم بالجوالات معه نوت2 شاف واحد معه اس دوس ابوشريحتين سعره الان600 المهم اعجبه ان فيه شريحتين وقال تبادل جوال بجوال
الثاني شكله عرف انه غشيم قال تزيدني 500 قال خلاص بكرا اجيبلك الاغراض يوم راح قابل واحد وعلمه وهو فرحان قاله ياجنط اللي معك يسوى 2 من هذاك ههههههههههههههههههههههههههههههههههههههه


up 2 down 0
m11013 926
قبل 5 سنه و 2 شهر



لا مافيها شيء وانا اخوك

بالعكس تكسب من وراه مدام اللي بتشتريه حلال

لكن الحرام مثلا لو كانت سياره ب 100 الف وجو ناس ضحكوا على راعيها وطلعوا فيها عذاريب وخذوها ب 70 الف وراحوا باعها ب 100 الف

لكن اذا كان الرجال فعلا حده 70 الف و هي تسوا 100 الف

فعادي مافيها شيء و بالعكس الاسلام حثنا على التجاره والتكسب بالحلال

فعادي هنا لو جيت وكاسرته ب 65 الف وبعتها ب 90 الف 

انا مانيب شريطي

لكني بالسنه اشتري سيارتين على الاقل وابيعهم 

مافيها شيء

انزل الحراج او عن طريق احد المعارف 

ويقولي فيه سياره فلانيه سعرها ب 25 الف واعرف انها تسوا 35 الف

فاشتريها واتكسب من وراها

لان راعيها هو اللي يبغا هالسعر

وانا ما غشيته ولا شيء

شريت بحده او اني تفاوضت معه بالمعقول !!

وتسلم على الموضوع 


up 3 down 3
ابو يزيد 000 8697
قبل 5 سنه و 2 شهر



معاك حق اخوي ابويزيد ,, بس لحظة ماعطيتك ديسلايك

لكن انا ماقلت له سعره الحقيقي وسكتت وهو بنفسه اكتشف السعر اعتقد وهون عن البيعه




up 0 down 1
YASSER505 4164
قبل 5 سنه و 2 شهر



يقلون طمع شين يا ياسر 


up 1 down 1
سكودر 14901
قبل 5 سنه و 2 شهر



الطمع تراه شين


up 2 down 0
max2014-4 220
قبل 5 سنه و 2 شهر



الفلوس تعمي بصراحه اخ بس
الفلوس عصب الحياه
الفلوس مثل الدم فالجسم لو توقف الدم يموت الانسان
معاك سلف فلوس


هذي القصه تثبت مقولة _ >>>الثالثه ثابته<<<


up 0 down 0
walled709 172
قبل 5 سنه و 2 شهر



وليد هذي اول مره صراحة اسوي مثل هالحركة خخخخخخ

توبه اصير شريطي او احاول اتشيرط خخخخخخ


up 1 down 1
YASSER505 4164
قبل 5 سنه و 2 شهر



ابو يزيد 000 ,,, هذا يعتبر نصب واستغلال كيف مو حرام !

في فرق بين واحد حاد السعر وانت كل اللي عليك تشتريه
وبين واحد مسكين مو داري عن الاسعار ""وانت تدري بهالشي""
ويقلك ما اعرف بالاسعار شوف كم يسوى وتعال وانا اراعيك
لا ولمن اعطاهـ سعر اقل من قيمته الاصليه بـ 3-4 مرات ,, قام يكاسر بعد ! يعني فوق الاستغلال بخس !

وصحيح ان الاسلام حثنا عالتجاره والتكسب , لكن "بالمعقول" مو نقعد نستغل جهل الناس , ونبخس اشيائهم




up 1 down 0
n.zero 257
قبل 5 سنه و 2 شهر



ههههه تستاهل انت وزملائك الشريطيه وواضح انك توجس حرتها للان ولعله لقنك درس لن تنساه


up 0 down 1
eqb787 -44
قبل 5 سنه و 2 شهر