أضف سؤال أو موضوع جديد          

امريكي يطارد شرطي

up 7 down 2
prestigious 256
قبل 6 سنه و 11 شهر



السلام عليكم ورحمة الله وبركاته

اليوم وانا اتصفح اليوتيوب شد انتباهي احد الامريكيين يطارد شرطي ويطلب منه يوقف على جنب\

 وانه يربط حزام الامان

وطبعا المواطن وصف الشرطي بالعامي كذا " من تحسب نفسك " :) 

http://www.youtube.com/watch?v=KIrnIZlp7QY







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هههههههههههههههههههههه

قسم بالله يوميا اشوف الدوريات محد رابط منهم الحزام

ولا شافوك منت رابطته استقعدوا لك !!

مره كنت راكب مع خويي وكنت تعبان وقتها ولا كان فقعت وجه العسكري هههه

المهم قبل لا نوصل نقطه التفتيش سوينا نظامنا

ولبسنا الحزام

ويوم وصلنا عنده وشافنا شباب قام ووقنا وطلب منا اثباتاتنا ورخصه السياره والاستماره

وبعد ما طلع كل شيء سليم

قال ابعطيك مخالفه !! 

قال ليه وش مسوي انا , لا ني مضلل ولا ني مسرع و لا ني بمخالف !!

وش سبب المخالفه ؟؟

قال لانك ما ربطت الحزام الا يوم وصلت عندي !!

قال قسم بالله جيتك والحزام كان مربوط علي ! ما شفته

قال الا شفته 

بس احلف انك كنت رابطه من قبل !!

قال مدام السالفه عناد 

قال ابعاند انا بعد

وقلت والله اني كنت رابطه

قال لي لا تحلف

قلت شف ياعم انا محترم الشيب اللي براسك

وان كان تحسب الناس مثلك ما تربط الحزام

فغير نظرتك

لان الناس تختلف عنك يا عم

يعني اذا انت ما تربط الحزام 

فانا تراي اربط الحزام 

ولا تقولي احلف لاني دايم اربطه

وثاني شيء ما يقول هالكلام ياعم

الا اللي ما يربط الحزام

فكيف انت ما تربط الحزام وتجي تخالفني

ماهي كبيره في حقي !!

وان كان بتعطيني مخالفه فتراني ماني مسامحك وانا مظلوم ودعوة الظالم مستجابه 

وقال والله عشانك محترم بمشيك ومشاه !!

واصلا غصبن عنه يمشيه !!

ان كان هم نفسهم ما يطبقون النظام , لينه يجون فوق روسنا ويقولون اربطوه !!

واصلاا مافيه وعي و ولا فيه فيه حملات و لا فيه توعيه في التلفزيونات او اليوتيوب عن فوائد الحزام

بالعكس مزلبينه ولا قد ذكروه 

ويقولون ليه ما يربطون الحزام

والله ياهي حاله ........

وابي اسال سؤال

انا اغلب الدوريات لا مريت من جنبها لقيته يطقطق على الجوال والسياره ماشيه في خط عام ماهي واقفه !!

انتم نفسي ولا لا !!


up 8 down 0
ابو يزيد 000 8712
قبل 6 سنه و 11 شهر



اما عندنا يسرع ويقطع اشارات ومايلبس حزام ويعطيك مخالفة ظلم ويضربك ويكسر الجمجمة وبعدين يفوز بالقضية انه دفاع عن النفس 
حسبنا الله ونعم الوكيل 


up 2 down 2
sosisos 614
قبل 6 سنه و 11 شهر



الشرطه الامريكيه قدوه حسنت للمواطنين في ربط حزام الامان لتقادي الاصابات خطيره 

 وشاب الي بمقطع يصور حدث يفرض قانون على شرطي مبين ان قانون يمشي على الكل اسم مصور فديو اللذي نشر فديوسبيرج كوب بلوك

 وهو صحفي  وذكر بصحفيه  بمقال إنها رسالة جميلة يقدمها هذا الشخص لكل إنسان في منصب ما أن يراعي مقتضيات وظيفته ولا يستغل منصبه في الخروج عن القانون.


up 1 down 1
سكودر 14927
قبل 6 سنه و 11 شهر



هههههههه يبي يعطيكم مخالفه غصب العسكري يابو يزيد زين انه ماحلف عليكم  بمخالفة ع السريع

 وبالنسبة لسؤالك نعم نفسك :)

الله المستعان


up 1 down 0
prestigious 256
قبل 6 سنه و 11 شهر



الامريكان فيهم عنجهية وهمجية شوي مثل ربعنا 
لكن الاغلبية منهم تقدس النظام تقديس وليس مجرد احترام 

وفيهم همج ربعنا مايصفون عندهم لكن الفرق ان فيه قانون رادع يطبق على الجميع 


up 0 down 1
naac 2 2721
قبل 6 سنه و 11 شهر



تذكرت شيء له صله بكلامي
 
عشان تبني مجتمع متحضر ومتطور ويحترم القانون والنظام لازم تنمّي الانسان وتهتم فيه 

فيه مدينة في أمريكا منقسمة جزئين (جزء مكسيكي وجزء أمريكي) وهي في ولاية اريزونا واسمها ماكو
سكان القسمين هم مكسيكان ولاتينيين 
لكن انظروا الى الفرق بينهم 

الجزء الأمريكي نسبة الأمية فيها أقل من 0.5 %
نسبة التعليم العالي 60 %
نسبة التعليم المتوسط وفوق المتوسط 39.5 %
نسبة البطالة متدنية جداً 
الخدمات الصحية تكفي لكل سكان المدينة ولديهم سجلات رعاية صحية دورية 

في المقابل ماكو المكسيكية نسبة الأمية فيها تتجاوز 20 %
التعليم العالي أقل 8 %
الرعاية الصحية متدنية والمدينة بؤرة لتهريب المخدرات لأمريكا 
الجريمة مرتفعة
البنية التحتية تشابه دول افريقيا الوسطى


باختصار
بناء الانسان ينتج مجتمع متحضر 


up 4 down 0
naac 2 2721
قبل 6 سنه و 11 شهر



يارجال اقسم بالله جنبي جيب دوريه مغطي اللوحة من ورى بلزاق علشان ساهر . فتحت الجوال ابصوره وعقب قلت اتسبب عليه خله يولي . قسم بالله ملزق اللوحة سيارة دورية حكومية وهو بالزي الرسمي


up 2 down 0
Bikers store 597
قبل 6 سنه و 11 شهر



قسم بالله انني قريت الموضوع 
امريكي يطارد شريطي
من كثر المواضيع اللي تنزل عن الشريطيه ههههههههه


up 2 down 0
ابو العنوود 421
قبل 6 سنه و 11 شهر



المرور عندهم قطاع مدني و ليس عسكري ما فيه رتب


ربعنا يطقطق على الجوال و الدورية تمشي


up 1 down 0
a_aa_ma 1
قبل 6 سنه و 11 شهر



شوفوا اللنكون بالدقيقة 1,38 ماشاءلله وكالة ذكرتني بايام اول وانا اشوفها بنفس لمعتها


up 0 down 0
talal abdullah 5421
قبل 6 سنه و 11 شهر



كلام سليم

((
اما عندنا يسرع ويقطع اشارات ومايلبس حزام ويعطيك مخالفة ظلم ويضربك ويكسر الجمجمة وبعدين يفوز بالقضية انه دفاع عن النفس
حسبنا الله ونعم الوكيل ))
احلى لايك


up 1 down 0
Abu-Nawaf 338
قبل 6 سنه و 11 شهر