.

موقف   طريف
واحد  من  الربع  يقول  طاف   علي  دنه   
وتضرب  حصاه   على  قزازتي  الاماميه   ولاهي متشطبه  طبعا  الحصاه  طارت من  الدنه  يقول  وتقفل  معي  واطوف ع الدنه  واحده واشرله  ويوم وقف  وانزل  عليه  بحديده  ابتمردغبه   المهم   يووم   نزل   ولاه  ذالك   التيح   الدب  الجلف   افغاني  شنباته  واصله  اذنه  طول  بعرض
قال ايش  فيه    قلت   لابس  الحديده   طاحت   منك 

واركب   مويتري   وهروب

هههههههههههههههههههههههههه هنا المشكل يهايط ولا في جسم عموما رفني مرورك ي امير الاصيل

في اول ثانوي سافرت مع واحد من العيال ينبع وقبل ينبع بـ80كم ضرب كفر ورربك ستر ..وطلع مامعنا استبنه والمشكله كان 2يوم عيد الفطر
السطحات اللي رد صرفنا آخر شي اتصلنا على واحد من العيال في المدينه وجاب لنا كفر ...جلسنا من2الفجر-8الصباح ...طبعا فالينها كنا شاي ووناسة ولاحسينا بالوقت ولا قمنا نتذمر 

بسبب قلة الخبرة فات علينا امن الطرق ومهمتهم لو اتصلنا عليهم ماكان جلسنا كل ذا الوقت ... الحمدلله عدت على خير وذكرى اول سفرة لحالي مع العيال

لازم تشيك قبل ما تسافر   على كل شي

انا مواقفي في الخط ياكفر ينفجر ولا فلاش يعمي عيوني ب ٩٠٠ ومحجوبه ههههههههههههههههههہّ'هُ 

مره وانا امشي ب الددسن شطفن ابو فسيه على 110 ورد النمره ب ثالث وادعس وبعدين صورن ساهر عاد الباقي مشفر

مره وانا امشي ب الددسن شطفن ابو فسيه على 110 ورد النمره ب ثالث وادعس وبعدين صورن ساهر عاد الباقي مشفر

انا معي موقف يتكرر كل سفريه اسافرها
اللي هو ( البنزين ) انسى عنه

ههههههه حلو هالموضوع تغير ..



بقولكم سالفة صارت معي واهلي معي

بدون ما اطول عليكم طالع من الجبيل وماسك الخط رايح لرياض

بعد ما تعديت الدمام ب 100 كيلو ولا واحد ياشرلي يقولي الكفر مبنشر .. انا ناضرت العداد الا الحساس الكفرات مولع وقفت ولا مبنشر الكفر . المشكلة مو هنا المشكلة الاستبنة عليها قفل هههههههههه والقفل مو معي ممن شريت السيارة قبل سنتين المهم وامشي علية مبنشر 10 كيلو وادخل مدينة ما ادري وش هي وادخلها مشيت داخل لين 10 كيلو ثانية .... اي شي ببالك موجود منه حبة ههههههه مثل البقالة فيه بقالة وحده وحداد واحد و نجار واحد وبوفية وحده وعسكري واحد وحرامي واحد و راعي البيت واحد كل شي واحد واحد ههههههههههههههههه

المهم واروح لحداد وانا على الهمر اول شي العمال كلهم وقفو شغل مستغربين وش هذا ههههههه
المهم واقولة عندي مسمار ابيك تفكه فكه لي قلت خير وبركة واركبه ولا طلع منسم واروح انفخه وامسك الخط بعد 50 كيلو بنشر مرة ثانية هههههههههههههه واوقف بمدينة ثانية طبعا كل هذا مع العائلة ضحك لاني كنت ماشي 100 عشان الاستبنة ما اضمنها وصار الي ببالي ...
وادخل مدينة واركب كفر يا اخوان كلفني 2000 ريال ونوعة كوري بو كلب ولا هو نفس المقاس ( يقولي تبي تركب ولا توكل ) عاد مع الاهل لازم اركب وركبتها ( طلعت من الجبيل الساعه 12 الضهر وصلت الرياض 9 باليل هههههه



بس تصدقون والله انها من اجمل السفريات ضحك ووناسة واستهبال وطقطقه على راسي
لا وكل ما نمسك خط نجلس نتذكر هالسوالف

مرة كنت مسافر من تبوك الى الجنوب وانا شاب انعم الله علي بالصحة والعافية طولي 193 ووزني 97 تقريبا قبل جدة 100 كيلو راعي افلون شطفني شطفة نزلني على التراب رغم ان الخط يسع اربع سيارات وفاضي مافي غير انا وهو وطبعا وادز وراه معي رويال 2011 والحقه الحم فيه ابيه يوقف عيا يوقف واشد واتعداه واحده ووقف وراي ونزل هو وخويه هما 2 وانا لحالي المهم و اشمر يد الثوب وجاي يدق علي القزاز وانزلهم الا هياطهم قامو يصافقو في بعض من الخوف طبعا ما امدح نفسي قلت له وشفيك حادني قال ماشفتك ومعليش قلت يرجال على مين شايفني طفل انا ماسك اقصى اليمين ومخلي الطريقه بكبرة وجاي تلزني قال ولا اقولك مزاج وش عندك واشيلة فوق واثبته على سقف الكابرس ههههههه قعد يقولي تعوذ بالله من الشيطان وما جاك عندي طبعا انا ماني بحق مشاكل لاكن هو الي خلاني اطلع من ادبي وافكه وقام يتعذر ومن هالكلام وتركته وركبت سيارتي وكملت طريقي

نورتو الموضوع وكثير منا صار له مواقف ف السفر

الله لا يوريكم صار لي موقف انا واولاد عمي على خط نجران وادي الدواسر اخس خط في السعودية ههعههه حوالي 350 كم بدون اي محطه عندك محطه اول ما تطلع من نجران وفي مركز سلطانه وعند الصبط الامني حق وادي الدواسر بس ,, المهم كنت ماشي معي كابرس 2006 في الليل الساعه 2 ونص تقريبا المهم كفرات الموتر ماش ما هي زينة وانا ماني مسرع مرة امشي 160
شوي ولا راعي جمس 83 يطوفني ومأشر في وجيهنا السلاح وحن ما معنا سلاح شوي واشد الموتر اخرجت ما في بطنه من عزم ههههههههههه
المهم انحن قمطنا ههههههه المشكله ما معنا سلاح لو معنا سلاح كان قلبناها الحرب العالمية الثالثه هههعه
المهم ان الجمس ماشاء الله عليه ما طفته الا والسرعه فوق الـ 220 ما صدقت ادخل نجران وجت سلامــات

الله يحفظنا وياكم اسف ع الاطاله

الظاهر العضو هنري فورد رجع 
ولا لا يا شباب.

واحد حدني وانا طالع من محطة وسمعت صوت 
قلت الرجال حك موتري ,,,,, وطرررررد وانواع العزاوي والهياط .......

الرجال وقف ونزل نص القزاز  وقالي هلا ؟؟؟
قلت له هلا هاااهـ انزل انزل ابيك .... واوقف قدامه وانزل واطالع
الا وكل باب ينفتح بعد الثاني حتى اكتملت الاربع !!!!    

 قلت في نفسي ليت امي وابوي ماجابوني , يابوي ابطبق - العقل نص الحكمه - 

وارجع دايركت للسياره واشيل اربع اشرطة شيلات ... واعطيهم .... وراحوا
وليتني ماوقفتهم فشيله صراحه هههههه
-----------------------------------------------------------------------

المهم انتبهوا من خدعة التظليل تحسبه 1 ويطلعون 10

السفر للخارج ، انا سبق روحت لإيطاليا بالتحديد ميلان ، وصادف وقت وجودنا موعد مباراة لأس ميلان مع بولينيا ، وقلنا نحضر.
طبعا المواصلات مترو ، ونركب وشوي وحده بمايك واطربتنا وشوفنا مشجعين ليملان قلنا نروح وراهم اكيد رايحين للملعب ، ولحقناهم وخرجنا من المترو وركبنا ينقل الجماهير للملعب ببلاش.
المهم بعد مانزلنا جانا واحد ايطاليا وقال التذاكر غلقت وباعنا التذاكر وقالوا روحوا للملعب جري المباراة حتبدا. وحنا مصدقيين رحنا جري وعند بوابة الملعب رفضوا يدخلونا يقولوا هالتذاكر مو باسمكم ، وطبعا كانت باسم الوسخ الي باعنا هي ، ومكتوب سعر التذكرة 25 يورو وهو باعنا هي 35 يورو.
وجلسنا نحاول فيهم ، وبغينا نشتري غيرها قالوا وين اثباتكم (طبعا هو الجواز ) وحنا مخلينها بالفندق.
وإلا هذا اليوم ندعي عالنصاب سرق منا حول 375 ريال ، وغير كذا مادخلنا .
هذي مشكلة الي يسوي شي بدون تخطيط وترتيب مسبق.
وإن شاء الله بنحضر مباراة لتشيلسي وغلطة سراي بتركيا وطبعا اخذناها درس.

ابد والله مرة مسافرين للاردن والوالد نسى الرديتر فاضي وتولع المكينة وننزل كلنا نطفي بالرمل اخ بس والله ايام لا تنسى والوالد بعدها صار حريص دايما يشيك على الرديتر مو مهم البنزين اذا خلص المهم الرديتر هههههه الله يعين

نورتو الموضوع ي اخوان و ابو سلطان مافهمت قصدك