عند تغيير العكوس وايضا اشتريت فورد 99

الف مبروووك يا مروان والله يعطيك خيرها ويكفيك شرها

وبالنسبه لسعرها معقول , و دايم هالموديلات تكون فيها عيوب , فطبيعي طلعت لك هالعيوب

اهم شيء السياره مافيها تفتفه و متسماكه نوعا ما ومحركاتها نظيفه

وتقدر تسافر عليها 200 الى 400 كيلو 

اذا تقدر فهي تستاهل

شكرا اخي ابو يزيد 000
انا بجربها لمدة شهر .. النتائج تبين بعد شهر من شراءها :)

+1

انا برد على النقطة الي لفتت نضري فقط لان الباقي ما اعرف فيها والله


( اخي الكريم ورشة سهم ما عندها لا رقيب ولا حسيب . ورشة فاشلة وعندي جميع الاثبتات بالاوراق واقدر احطها بعين اي واحد يرفع خشمة ويقول انها افضل ورشة )

انا رجال كان معي كابريس 2007 رويال

السيارة فحصتها بورشة عندهم الجهاز الي ما بعده جهاز الي هو يطلع كلف بلف كم نسبته ويطلع اي بلف خربان لا قدر الله . ويقولك سبب اي مشكلة .. طلع عندي تحتاج تصفية مكينة ( فيه كربون فقط )

رحت سهم مع رجال كان بياخذ موتري بمبلغ حلو
فحصها قال كل شي نضيييييف مكينة وكل شي لكن الرجال دعس بنيزن وطلع دخان كربون ومع المبات يطلع ابيض ( و الدليل القراج البيت لونه ابيض ادوووووس يطلع الكربون ) المهم يقول لا لا لا لا الموتر مو نضيف يحتاج توضيب واخذ الورقة بعد ما كان كاتب 89 رجع مسحها وكتب 71 بيده .. قلت له عندي اوراق تثبت يقولي وش عرفك انت وايش عرف الكمبيوتر انه يبي توضيب يقولي ( عط الخباز خبزة ) الرجال تفلت علي ويقولي ( اتق الله واعترف انه خربان وحرام تكذب على الزبون ) قلت لزبون الله يرزقك بللي احسن منه وجلست انا و السوداني .. بعد ما راح الزبون .. يقولي بالحرف الواحد انت انسان كذاب ولا تستاهل الرزق الي بيجيك .. انا كنت محترمة لانه كبير ( وفي الاخير قلت الله لا يوفقك لانك ضلمتني وجعلني اقتصها منك ( قالي انت ضامن انك بتاخذ مني شي انت خذه الحين لان بعدين محد حولك ويضحك هههههه ) المهم تفلت بوجهةة ومشيت ....


جاني زبون ثاني وقلت له السالفتين قالي يا رجال ماني فاحص قلت له افحض عند الورشة الي عندها كمبيوتر يطلع كل بستمم والموتر مكربن يبيله تصفية وخط .. والحمد الله بعته بيعة حلووة


بس نصيحتي سهم فاشلة الي يبي فحص الكمبيوتر صح يراسلني خاص

اخوي مروان العكس حق الكامري بكم خذيته وش صناعته . ؟

ابو ريانـ
والله ان شاء الله يطلع الفورد نظيف واشكرك على تحذيرك
اخي فواز اخذته بـ160 مع الخصم وصيني اسم شركته في البداية uni وبعدين كلمة ما اتذكرها من ثلاث احرف

هذه الماركة ابتعد عنها

هلا فيك مروان
بخصوص المعلومه ان العكس يحي راكب فالقير هذي جديده اللي اعرفه العكس يكون راكب فالمكينه
والمعلومه الثانيه العكس وال ABS والبكره المسننه هذي معلومه حلوه برضه استفدنا منها وتشكر عليها

بخصوص الفورد هذا ردي لك قبل فتره 
(( مروان
خلك من الفورد وش تبي فيه
خلك على تويوتا والياباني لاتدور غيره  
up 0  down 0 شاقح بن مشقوح الشقيحاني 23023 
قبل 2 يوم و 22 ساعه ))

^^^^
انا قلتلك كذا لسببين
اول شي ماراح تلقى فورد نظيف وقلتها قبل لغيرك لو اخذت فورد ماهو بنظيف بتورط فيه
الشي الثاني يبيله اهتمام اكثر من الياباني وانت شخص تبي سياره عمليه لذلك رشحتلك الكامري والياباني بشكل عام الا اذا بتهتم فصاينة الفورج
يمكن شي ثاني


بخصوص مشاكل تهريب الصوف سواء قير ولامكينه
هذي سببها السرعات لحد الفصله بعضهم يجلس زار على الموتر ويخليه كل شوي يفصل
تعدم الصوف للقير والمكينه
وزيادة الزيت
والتسارعات المفاجئه بالذات اصحاب القومات

بخصوص تهريب كارتير القير :
هذا سببه يا ان راعيه ماقد غير زيت القير
او انه غيره بس ماغير وجهه الكارتير

وجهه الكارتير يفضل انه يتغير مع كل تغييره او بالكثير 100 الف لان الوجهه يتعرض لحراره عاليه جدا من القير
فبعد فتره يبداء يضعف ويفتح منافذ لتهريب الزيت 


زيت القير غيره ب5 علب TYPE M خذه وكاله افضل مع وجهه كارتير وفلتر قير
وبعد ماتغيره لاتشد على الموتر امش فتره كذا لحد مايتعود القير على الزيت الجديد

لو غيرت صوفة القير ونقص زيت القير عادي زوده 

بخصوص المساعدات 
حسب الصوره اشوف وقفت الفورد طبيعيه ماهو نازل من ورى مثل ماوصفت

لكن الغريب انت معك كامري وش اللي خلاك تشتري سياره ثانيه اذا منت فحاجتها ؟


بعدين فيه عندكم مطعم فالاحساء حق مطبق حتى الغازيات مثل الببسي وغيرها مايبيعها 
وعنده مشروبات غازيه صناعه وطنيه ومانعين المنتجات الاجنيه اللبسي والكولا والسفن وموفرين مشوربات غازيه وطنيه 
قد مر عليك هالمطعم ؟ شغله نظيف
ترى كل شهرين كذا تقريبا اطلع اتعشى فيه وارجع  بس والله ناسي اسمه 

مبروك ان شاءلله اذا نظيف بيريحك ..حنا عندنا اخوه نفس اللون كحلي غامق مع السواق من اكثر من 13 سنة ومثل العسل ...لاخرابات ولاشي ...
وعلى فكرة الموديلات هذي مافيه مقارنة بينها وبين موديلات الفكتوريا الجديدة من ناحية الراحة للمقاعد والساعدات طبعا لصالح القديم

شكرا شاقح :)
اعتقد انك تقصد مطعم بو عركه
بخصوص الفورد اتمنى انه ما يتعبني لانه حوت يسبح في محيط على الطرقات
افضل من الالماني حتى بالممشى لكن ماني عارف ليش انا خايف منه؟

شكرا اخي طلال :)

شاقح الكامري اللي اشتريتها انا تصرف زيت بشكل فضيع!
تخيل كل اسبوع ازودها علبه؟!
اضطريت ابيعها

الكامري تصرف زيت ؟
طيب صلحها ب3 الالف ووفر 10 الالف بدل ماتشتري سياره وانت مرعوب منها ههههههههههههههه
على الاقل كان اخذتلك اكسنت تراها كريفه 

انت خايف من الفورد لانك برمجة نفسك وتفكيرك على اعطال الفورد فصار عندك خوف مزروع في نفسيتك تجاه الفورد
اهم شي حافظ على زيوته واستخدم زيوت ثقيله 20-50  لاتقرب الزيوت الخفيفه
الدفرنس شيك عليها اذا ناقص زوده فقط ولاتغير الزيت
غير زيت القير والفلتر ووجهه الكارتير من الوكالع وغيرها برا

الصوف تقدر تطنشها عادي لحد ماتتوفر سيوله وتصلحها بس لازم تراجع مستوى الزيت كل مانقص تزوده
الله يعينك فالصيف ترى التكييف ماش اهو بذاك الزود الا اذا مسكت خط والسبب ان رديتر المكيف حجمه كبير والمروحه ماتبرد عليه
لذلك مع الخط يعطي تبريد ثلاجه لان يجيه هوا قوي

بس بسئلك عن شغله لاني اعتقد هي سبب خراب القيور فالفورد

اول شي رديرت المكينه ثم رديتر القير ثم رديرت المكيف ؟
هل هذا هو ترتيب المبردات عندك ولا مبرد القير يكون داخل رديتر المكينه ؟

لان الغلطه اللي كانو مسوينها حتى فالشفر
انهم حاطين مبرد القير داخل رديرت المكينه يعني لو تحتر المكينه راح ترفع حرارة القير معاها ويخبط القير
بعدين لاحظت انهم طلعوا مبرد القير وخلوه مابين رديتر المكينه والمكيف وكانت نفس المشكله
صار مبرد القير يسحب حراره من رديتر المكينه ورديتر المكيف
الفوردات من 2006 صار مبرد القير في الواجهه يجيه تبريد اقوى وافضل يجي بعد رديتر المكيف وبعده رديتر المكينه
صارت الفوردات من 2006 اعطاله فالقير لاتاكد تذكر الا شي بسيط مقارنه بالمديلات اللي قبل
والسبب ان مكان مبرد القير في الواجهه وبعيد عن حرارة رديتر المكينه والمكيف ويجيه هوا من برا قوي

لذلك لو تفتح كبوت الفوردات من 2006 بتشوف عمود مبرد القير في الواجهه

عكس المديلات القديمه 
لذلك ودي اعرف انت مبرد القير عندك داخل رديتر المكينه ولا مابين رديتر المكينه والمكيف !!

والله بصراحه اخي شاقح ما اعرف هل مبرد القير منفصل عن الرديتر او لا
لكن مثل ما قلت ان الشفر الاسترالي مبرد القير هو نفسه الرديتر

اما بخصوص الكامري انت عارف ان الكامري 2004 لو توظب راح يخبط سريع لانه مكينته الومنيوم خفيف زيادة (اكثر من غيره) اضافه الى انه كان قير عادي (ممل)
واما الاكسنت حلوة لكن كانت اغلى من اللي كنت امتلكه

بس بصراحه كان ودي بجمس يوكون 99 قصير دبل .. لكن للاسف كان نادر في المنطقة الشرقية :(

(النظام رافض اضع لايك)

الله يوفقك
بخصوص مبرد القير انا تقريبا بنسبه كبيره كانت غلطه من الشركات انهم يخلونه داخل الاديرت حق المويه 
والدليل السيارات الرياضيه مبردها يكون في الواجهه وبشكل بارز

والفوردات من 2006 صار مبرد القير في الواجهه عشان يبرد اكثر من الهوا بدل مايكون جوه