أخذت مخالفة - انتبهوا

الله المستعان
من زين سياراتنا عاد يوم نفحصها 
ماهمهم غير صندوق الميزانية وادفع يامواطن
رخصة لآزم تدفع +استمارة لآزم تدفع+فحص لآزم تدفع

ياخوفي بكرة تجديد اواصدار بطاقة الاحوال لآزم تدفع

حقين امن الطرق مدري وش يحسون فية شكلهم يبون ينافسون ساهر بالسرقات

قبل شهر معطيني مخالفة على الحزام والله ان اغلب السيارات مايربطون الحزام بس استقعاد

طيب ياخوي ابو عباده واللي مجدد عن طريق أمير مركز مثل المعمول في المناطق البعيده عن الفحص وش وضعهم 

واللي يبي يسلم منهم يشيل ستكر الفحص اللي على زجاج السياره ويقول مجدد عن طريق مركز

 أو مغير الزجاج الأمامي وراحة معه .... وورقة الفحص أكيد ماراح يطلبونها منهم لأن ماهو شرط تكون دايم معك وخوذوها قاعده

إذا جيت عند التفتيش إربط الحزام وإفتح الدريشه كامله وأظهر بعض الإحترام لهم طريقه مجربه تفكك منهم +1

طيب اذا كان موترك 2013 ولا يجي له فحص وش وضعه

الأخ أبو سند

ما أدري عن وضع الناس في القرى والأماكن البعيدة عن الفحص

وبالنسبة لي ولزميلي رابطين الحزام طول الطريق من الدمام للأحساء في الذهاب والإياب والسيارة سيارة الشركة وعليها شعار الشركة يعني ما فيها أي تغيير أو تعديل ووصلت النقطة وأنا فاتح الشباك وأوراقي جاهزة وتعاملت معه بكل احترام لكنهم مستقعدين للكل والدليل أن العسكري مو ملحق كتابة من كثرة المخالفين وأنا متأكد أنه يخلص الدفتر في ساعة

mr_khaled بالنسبة للسيارات الجديدة معفية من الفحص في السنة الأولى وحتى لو بتبيع السيارة ما يطلبوا الفحص

نزلت الموضوع لأن المرور وأمن الطرق شغالين مخالفات في الناس مع أنه الطرق مليانه مخالفين سرعة وتجاوز خاطئ وقطع اشارات ووقوف مزدوج ووقوف خاطئ - تركوا كل المخالفات وتفرغوا للفحص والحزام

ما اظن يطلبون الفحص لان الفحص والتامين مطلوبين عند تجديد الاستمارة او نقل الملكية لكن يمكن العسكري اللي اعطاك المخالفة توة متوظف ولا يعرف النظام !!

وبعدين الفحص في الرياض انواع الزحمات بدون لا يطبقون مخالفات فما بالك اذا كان الفحص سنويا وش بتكون الزحمات !!

يوم الاحد وقفوني وانا متجه للهفوف واعطوني مخالفة تظليل , طبعا العسكري كان شغال مخالفات حتى على الحزام وبعضهم يمشي وهو مضلل ومايكلمه !!! وبعضهم مايربط حزام مايكلمه !!! 

الحين ليش زعلانين؟ الحزام مخالفة في كل دول العالم والفحص صدقني لمصلحتك انت قبل كل شي خذ عندك مثال امس بغيت اروح ملح بسبب واحد انوار الفرامل متعطله عنده
لو انه مداوم فحص وصيانه لسيارته مو افضل من انه يعرض غيره للخطر.

M11 خليه هو يربط الحزام بعدين حنا نربط يعني لانه امن فوق النظام ؟ 
بالنسبة للفحص يا رجال نص السيارات ولا يدرون ايش فيها 

هذا واحد يحكي لي يقول جانا تعميم بخصوص الحرص على مخالفة كل مخالف لأنظمة المرور وذلك لنقص الايرادات وتلافي عدم تأخر مستحقات المستفيدين منه

اما يحاسبوا على انهاء الفحص !
بطلوها من زمان
لكن فعلا ذول مستقعدين

اربط حزام الامان وافتح الدريشه ولو كنت بالليل ولع اللمبات الداخليه وسلم على العسكري بأحترام صدقني يمشيك ولا يطلب منك شي

^^ محمد بطلوها من زمان ؟ هذا نظام ولازم يطبق مو لعبه تقول بطلوها من زمان 

السلام عليكم ،، عزيزي اذا تبي سيارة  نظيفة تخدم معاك سنين فخذها من امريكا وتوفر على الاقل عشرين الف ريال ،، ابحث في قوقل عن شخص اسمه ناصر الحارثي موجود في امريكا من سنين والكل يمدح فيه وهتلاقي مواضيع كثيره عنه 
هذا هو الموقع : 
http://goo.gl/oOFeaN

توني ادري ان السيارات تنفحص كل سنة حسب علمي الفحص بس لا جيت تجدد الاستمارة !!!؟

الي عنده العلم يفيدنا

انت وش دخلك هو يربط والا لا يعني لو كل الناس اسرعوا وخالفوا انت بتخالف وتقول مايحق له يخالفني؟ الغلط غلط ودائما لاتقارن نفسك باي شخص خلك نظامي وماضرك شي طيب وش استفدت الحين يوم انه خالفك ؟ جيت هنا وقعدت تسب وتتكلم ونهايتك بتسدد لو انك التزمت وفرت فلوسك وكلامك

ههههههه صلي ع النبي .. مو انا صاحب الموضوع 
وترا انا اربط الحزام وسيارتي جديدة وفحصها جديد 
انا بقولك هو حتى لو كان بالامن ما يحقله يكون فوق النظام 
لانه قدوة .. تخيل ولدك الصغير يوم تمر من عسكري يشوفه مسرع ومطير ومغطي اللوحة ولا يشوفه مو رابط حزام
حيكبر يسير مثله 

m11013 .. الله يهديك لا تجلس تتفلسف وانت ماتدري عن شي ..

الفحص الدوري لو ببلاش .. لافحص كل شهر لو يبوون .. اما اطلع من الدوام واروح ادق مشوار محطة الفحص وادفع 73 ريال ووزحمه وقرف ووويمكن تفشل بالفحص على سبب تافهه ..

اهلا


بشأن الحزام متعودين عليها في القطيف 

عند المنعطف يوقف لك عسكري حتى ما تشوفه الا بعد ما توصل اليه

وخد المخالفه عدم ربط حزام

وادا شافك رابط الحزام يدور على حاجه ثانية استمارة رخصه

حتى ان الدينا يطلب رخصه نقل ثقيل و ادا عندك يسأل عن طفاية الحريق او المثلث او علبة الاسعافات

اخويي قبل سنة وشوي حاصل على مخالفه عدم وجود طفاية حريق !

@# يا جماعة السيارات الجديدة ماتنفحص الا بعد 3 سنوات من تاريخ اصدار استمارتها

يعني سيارات 2014 قدامهم 3 سنوات او حسب تاريخ صدور الاستمارة

بعد كذا الفحص ينتهي كل سنة ...هو المفروض كل سنة الواحد يفحص بس الناس مايفحص الا اذا جا يجدد او يبيع

واللي سياراتهم 2011 وبعض 2012 يلا روحو جددو لانه بعضكم منتهية استمارته او على وشك الانتهاء يا 2011