أضف سؤال أو موضوع جديد          

أخذت مخالفة - انتبهوا

up 8 down 4
أبو عبادة 4803
قبل 5 سنه و 9 شهر



السلام عليكم

أمس رحت للهفوف وأنا راجع وقفوني عند نقطة التفتيش الي عند المدينة الصناعية الثانية وأمن الطرق شغالين مخالفات في خلق الله

خالفوني على انتهاء الفحص والعسكري مرتب الرخص بالدور وجالس يعبي في الدفتر

كل واحد مو رابط الحزام أو الفحص منتهي ياخذ مخالفة وما في نقاش

الأسبوع القادم بفحص السيارة حتى أمشي وأنا مرتاح

نزلت الموضوع للتنبيه لأن الجماعة شادين حيلهم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الله المستعان
من زين سياراتنا عاد يوم نفحصها 
ماهمهم غير صندوق الميزانية وادفع يامواطن
رخصة لآزم تدفع +استمارة لآزم تدفع+فحص لآزم تدفع

ياخوفي بكرة تجديد اواصدار بطاقة الاحوال لآزم تدفع


up 5 down 0
Yaser1 669
قبل 5 سنه و 9 شهر



حقين امن الطرق مدري وش يحسون فية شكلهم يبون ينافسون ساهر بالسرقات

قبل شهر معطيني مخالفة على الحزام والله ان اغلب السيارات مايربطون الحزام بس استقعاد




up 11 down 1
ms any 539
قبل 5 سنه و 9 شهر



طيب ياخوي ابو عباده واللي مجدد عن طريق أمير مركز مثل المعمول في المناطق البعيده عن الفحص وش وضعهم 

واللي يبي يسلم منهم يشيل ستكر الفحص اللي على زجاج السياره ويقول مجدد عن طريق مركز

 أو مغير الزجاج الأمامي وراحة معه .... وورقة الفحص أكيد ماراح يطلبونها منهم لأن ماهو شرط تكون دايم معك وخوذوها قاعده

إذا جيت عند التفتيش إربط الحزام وإفتح الدريشه كامله وأظهر بعض الإحترام لهم طريقه مجربه تفكك منهم +1


up 6 down 1
ابــو ســنــد 10639
قبل 5 سنه و 9 شهر



طيب اذا كان موترك 2013 ولا يجي له فحص وش وضعه


up 4 down 2
.mr_khaled -35
قبل 5 سنه و 9 شهر



الأخ أبو سند

ما أدري عن وضع الناس في القرى والأماكن البعيدة عن الفحص

وبالنسبة لي ولزميلي رابطين الحزام طول الطريق من الدمام للأحساء في الذهاب والإياب والسيارة سيارة الشركة وعليها شعار الشركة يعني ما فيها أي تغيير أو تعديل ووصلت النقطة وأنا فاتح الشباك وأوراقي جاهزة وتعاملت معه بكل احترام لكنهم مستقعدين للكل والدليل أن العسكري مو ملحق كتابة من كثرة المخالفين وأنا متأكد أنه يخلص الدفتر في ساعة

mr_khaled بالنسبة للسيارات الجديدة معفية من الفحص في السنة الأولى وحتى لو بتبيع السيارة ما يطلبوا الفحص

نزلت الموضوع لأن المرور وأمن الطرق شغالين مخالفات في الناس مع أنه الطرق مليانه مخالفين سرعة وتجاوز خاطئ وقطع اشارات ووقوف مزدوج ووقوف خاطئ - تركوا كل المخالفات وتفرغوا للفحص والحزام


up 1 down 1
أبو عبادة 4803
قبل 5 سنه و 9 شهر



ما اظن يطلبون الفحص لان الفحص والتامين مطلوبين عند تجديد الاستمارة او نقل الملكية لكن يمكن العسكري اللي اعطاك المخالفة توة متوظف ولا يعرف النظام !!

وبعدين الفحص في الرياض انواع الزحمات بدون لا يطبقون مخالفات فما بالك اذا كان الفحص سنويا وش بتكون الزحمات !!


up 1 down 2
شليطيح 5020
قبل 5 سنه و 9 شهر



يوم الاحد وقفوني وانا متجه للهفوف واعطوني مخالفة تظليل , طبعا العسكري كان شغال مخالفات حتى على الحزام وبعضهم يمشي وهو مضلل ومايكلمه !!! وبعضهم مايربط حزام مايكلمه !!! 


up 0 down 1
ابو سعود629 4706
قبل 5 سنه و 9 شهر



الحين ليش زعلانين؟ الحزام مخالفة في كل دول العالم والفحص صدقني لمصلحتك انت قبل كل شي خذ عندك مثال امس بغيت اروح ملح بسبب واحد انوار الفرامل متعطله عنده
لو انه مداوم فحص وصيانه لسيارته مو افضل من انه يعرض غيره للخطر.


up 2 down 1
m11013 926
قبل 5 سنه و 9 شهر



M11 خليه هو يربط الحزام بعدين حنا نربط يعني لانه امن فوق النظام ؟ 
بالنسبة للفحص يا رجال نص السيارات ولا يدرون ايش فيها 


up 0 down 2
sosisos 613
قبل 5 سنه و 9 شهر



هذا واحد يحكي لي يقول جانا تعميم بخصوص الحرص على مخالفة كل مخالف لأنظمة المرور وذلك لنقص الايرادات وتلافي عدم تأخر مستحقات المستفيدين منه


up 3 down 1
أبولتين555 654
قبل 5 سنه و 9 شهر



اما يحاسبوا على انهاء الفحص !
بطلوها من زمان
لكن فعلا ذول مستقعدين


up 0 down 0
mohammed2288 174
قبل 5 سنه و 9 شهر



اربط حزام الامان وافتح الدريشه ولو كنت بالليل ولع اللمبات الداخليه وسلم على العسكري بأحترام صدقني يمشيك ولا يطلب منك شي


up 3 down 0
سلطان الروقي العتيبي 90
قبل 5 سنه و 9 شهر



^^ محمد بطلوها من زمان ؟ هذا نظام ولازم يطبق مو لعبه تقول بطلوها من زمان 


up 2 down 1
fahad11-11 158
قبل 5 سنه و 9 شهر



السلام عليكم ،، عزيزي اذا تبي سيارة  نظيفة تخدم معاك سنين فخذها من امريكا وتوفر على الاقل عشرين الف ريال ،، ابحث في قوقل عن شخص اسمه ناصر الحارثي موجود في امريكا من سنين والكل يمدح فيه وهتلاقي مواضيع كثيره عنه 
هذا هو الموقع : 
http://goo.gl/oOFeaN



up 0 down 3
donadana3 -87
قبل 5 سنه و 9 شهر



توني ادري ان السيارات تنفحص كل سنة حسب علمي الفحص بس لا جيت تجدد الاستمارة !!!؟

الي عنده العلم يفيدنا


up 0 down 0
a_aa_ma -2
قبل 5 سنه و 9 شهر



انت وش دخلك هو يربط والا لا يعني لو كل الناس اسرعوا وخالفوا انت بتخالف وتقول مايحق له يخالفني؟ الغلط غلط ودائما لاتقارن نفسك باي شخص خلك نظامي وماضرك شي طيب وش استفدت الحين يوم انه خالفك ؟ جيت هنا وقعدت تسب وتتكلم ونهايتك بتسدد لو انك التزمت وفرت فلوسك وكلامك


up 0 down 1
m11013 926
قبل 5 سنه و 9 شهر



ههههههه صلي ع النبي .. مو انا صاحب الموضوع 
وترا انا اربط الحزام وسيارتي جديدة وفحصها جديد 
انا بقولك هو حتى لو كان بالامن ما يحقله يكون فوق النظام 
لانه قدوة .. تخيل ولدك الصغير يوم تمر من عسكري يشوفه مسرع ومطير ومغطي اللوحة ولا يشوفه مو رابط حزام
حيكبر يسير مثله 


up 0 down 0
sosisos 613
قبل 5 سنه و 9 شهر



m11013 .. الله يهديك لا تجلس تتفلسف وانت ماتدري عن شي ..

الفحص الدوري لو ببلاش .. لافحص كل شهر لو يبوون .. اما اطلع من الدوام واروح ادق مشوار محطة الفحص وادفع 73 ريال ووزحمه وقرف ووويمكن تفشل بالفحص على سبب تافهه ..


up 0 down 1
بسدك 1366
قبل 5 سنه و 9 شهر



اهلا


بشأن الحزام متعودين عليها في القطيف 

عند المنعطف يوقف لك عسكري حتى ما تشوفه الا بعد ما توصل اليه

وخد المخالفه عدم ربط حزام

وادا شافك رابط الحزام يدور على حاجه ثانية استمارة رخصه

حتى ان الدينا يطلب رخصه نقل ثقيل و ادا عندك يسأل عن طفاية الحريق او المثلث او علبة الاسعافات

اخويي قبل سنة وشوي حاصل على مخالفه عدم وجود طفاية حريق !


up 0 down 1
عمر الزمان 670
قبل 5 سنه و 9 شهر



@# يا جماعة السيارات الجديدة ماتنفحص الا بعد 3 سنوات من تاريخ اصدار استمارتها

يعني سيارات 2014 قدامهم 3 سنوات او حسب تاريخ صدور الاستمارة

بعد كذا الفحص ينتهي كل سنة ...هو المفروض كل سنة الواحد يفحص بس الناس مايفحص الا اذا جا يجدد او يبيع

واللي سياراتهم 2011 وبعض 2012 يلا روحو جددو لانه بعضكم منتهية استمارته او على وشك الانتهاء يا 2011


up 0 down 1
feroo li 1817
قبل 5 سنه و 9 شهر