ابغى رأيكم بالكابريس و اللومينا من موديل 2007 الين 2009 ss

كابرس كفو ومنتشر بكثره  اللومينا كويسه لكن انقطعت عام 2010 وهذا يخوفك من قطع الغيار ماراح تتوفر قليل تحصلها 

الكابرس حلوه لكن لزم تشري نظيف يعني يكون راعيه الاول منتضم بصيانه ويغير اي شي خربان 

وان طحة بوحده مجلوده تراك بتتعب كثيررررررررررررررررررررر

كان معي لومينا 2008 وبعتها..وتحسفت على بيعتها
والآن جالس أدور شيء نظيف ولا حصلت..

بالمختصر المفيد إذا أنت راعي قومات ودرفت وتعديل..بأقولك من الحين وخر ولا تشتري..

أنا شخصيا أفضل اللومينا على الكابرس من عدة نواحي..
شكل رياضي أفضل..
رساوة أكثر من الكابرس لأن الكابرس أطول والطول ما يخدم في المنعطفات
=========================================
اللومينا والكابرس الاس اس من2009 وفوق القير أفضل صار 6 نمر بدل من4
وأضافوا مبرد اضافي..

لكن هذا ما يعني ان الأربع نمر فاشل..!!
هو فاشل للي يعدلون..
انا استخدمت اللومينا 2008 حوالي سنتين..والحمد لله من أحلى ما يكون..

لكن استخدامي كان حشمة..ماكنت ألعن والديها الا في السفريات
========================================
اذا أنت بتستخدم فأنصحك بالآتي:
1-خلك بعيد عن المقاومات
2-ابتعد قدر المستطاع عن الحفر والمطبات..لأن عضلات الكابرس واللومينا حساسة ولك عليها..يبغالها شوية مداراه..
3-اهتم بتغيير الزيوت والفلاتر والتشييك على المويه أول بأول..زيت المكينة 5000 زيت القير 40000 إلى 60000
4-لا تلعب في أي شيء كهربائي داخل السيارة..
بهذي الطريقة إن شاء الله تعيش معك سنوات بدون ما تطلب..
============================================

سلطان كفى و وفا 

السلام عليكم اذا انت راعي مشاوير وناوي تكررفه ماانصحك فيه لاتدور ورا هالموترين أعتمادية ابد صحيح بيطربك شكل وقوه وعزم بس لها ضريبه 

الا اذا عادي تصرف عليه بتستانس عليه على العموم اذا انت ملزم ملزم حاول تأخذ واحد ممشاه اقل من 100 وكلامي لك هذا مبني على تجربه وسبق وأن امتلكت كآبرس 

والله اني معي كابرس والله ماتسوى قيمتها 
حراره وتكيف تعبان وقله مواصفات على ايش كل ذا علشان المكينه 

ابعد عنها خذلك سيارات تعزك عن الوقفه بالطرق وتعزك عن الصناعيه وموفق

اخوي انا اقولك من واقع تجربة

انا عندي لومينا 2007 اس اس مزودة تقريبا ب 400 حصان واستخدمها بشكل يومي ومبسوط فيها .

طبعا حطيت قطع حماية على المكينة والقير .

الي ابي اوصله ان يد السائق واهتمامه بالسيارة هيا الاساس.

واحب اضيفلك اشغل المكليف في زحمة الرياض .

اذكرو الله ياشباب.