بخصوص الدبل اهل الخبرة والطعوس

حسب الموتر 

انا اشوف ان الموتر اللي وزنه خفيف الدفع الرباعي المستمر ممتاز له من تجربة ديهاتسو توريس بالبر مايرده شب مع ان مكينته ضعيفه لكن لانه دفع رباعي مستمر ووزنه خفيف ساعده هالشي

الفورتشنر ايضا صح ان وزنه ثقيل حبتين لكن مكينته تشيله ودفع رباعي مستمر بالبر يبيض الوجه


لكن اكيد اكيد افضل لو كان الدبل مفصول ومتى ماحتجته تشبكه

فيه مواتر لها طرق تفصل الدبل وتخليه اختياري بس تكلف 

الفورتشنر على حد علمي تكلفك ٣٥٠٠ ريال الى ٤٠٠٠ عند ورشة العالمية بجده واعتقد هي الورشة الوحيده المضمونه بمثل هالشغلات

سلمت يا غالي اخوي طيب كيف يشتغل عادة هل يشتغل من حاله 

ايه نعم يكون شابك في اغلب السيارات الجديده  حتى سرعة ٨٠ بعدها يفصل 

أغلب سيارات الدفع الرباعي يجي فيها زر AUTO وهو يخلي الدبل يشتغل من نفسه بدون ما تشغله انت متى ما احتاجت السيارة له
وبعضها يصير مشبوك على طول لين سرعة محددة (أغلب الكروس أوفر مثل CX-9 والراف4 والايدج على سبيل المثال)
وبعضها يجي مستمر لكن مع امكانية التحويل (من الثقيل للخفيف والعكس أو AUTO) وهذي في سيارات الـ SUV كلها

فيه ناس في موقع مكشات لهم تجارب تحويل دبل الكتروني الى ارضي
وفيه ناس خبراء ترهيم دبلات ممكن تستفيد منهم 

وموقع مكشات فيه مواضيع كثيرة عن الدفع الرباعي ومشاكلة واصلاحاته وترهيماته

موفق

الله يعطيك العافية أخوي وافدتني صراحة