وكالة ولا معرض ؟

اذا كاش خذها من المعارض ارخص لك وبتلاقي صيدات ( ماخذين اقساط ويبون يبيعوون كاش )

المعرض يكون موزع للوكالة

المعرض , لانه ارخص 

عكس الوكاله , اغلى 

واصلا وش تبغا بالوكاله , انا استغرب من اللي يطلع موتره جديد ويقعد كل 5000 الاف كيلو يسوي عندهم صيانه بفلوس!!

لو انها مجانيه , عادي سوها , وانا ما بأختلف معك

لكن سيارتك جديده وتروح تسوي لها صيانه كل 5000 الاف كيلو على 500 ريال الى 1200 ريال بدون سبب !!!

سيارتك جديده ياعزيزي

تمشيك 100 الف كيلو وما تحتاج لاي شيء ابدا سوا الزيت والبنزين

صدقت يا ابو يزيد
يسمون تغيير الزيت صيانه !
تغيير الزيت مو صناعة صاروخ الكل يعرف يغير مو محتاج وكاله

طيب يااخوان مااختلف معكم 

لكن فرضا صار بالسيارة عيب أو خلل مصنعي , لو أرجعها الوكالة بالغالب يقبلون يضبطونها 

لكن المعرض  أشك صراحه انهم يقبلون إلا بالوقوف والملاعن وووو الخ  ؟

وش رايكم 

اذا أخذتها من المعرض وكانت وارد وكيل بالسعودية عادي يصلحونها اذا كان فيها عيب مصنعي بس لازم تكون ملتزم بجدول الصيانة اول باول بالوكالة عشان يقبلون يصلحونها لك مجانا أو يبدلونها

ابو سعود 

فيه تعميم من وزارة التجارة يؤكد على ان عدم التقيّد بجدول الصيانة الدورية لا يلغي الضمان 
لكن الوكالات مخترعينة عشان يشفطون من كل جهة

والضمان يسري على كل سيارات الشركة الصانعة سواء مستوردة أو من وكيل محلي 

لكن الوكالات يضللون الناس عشان يحققون اكبر قدر من الربح 

انا وجهة نظري اذا صنت السيارة صانتك انا مع الصيانة الدورية

السيارة جديدة صح بس اذا اهملتها كل قطعة تخترب تأثر على الثانية ولا تحس ببعض الخرابات
وليه اترك سيارتي لما يجي خراب كبير اوا تخترب قطعة غالية انتظرها تخترب 
اقصر الشر من البداية واحافظ على تغير القطع بوقتها كذا السيارة بتعمر معي اكثر من 

٥ سنوات والفلوس اللي راح ادفعها على القطع يمكن اذا اهملت السيارة تخترب عندي قطعه 
غاليه تسوى صيانة سنتين 

انا طبعا ما اقصد انك تحافظ على الصيانة بالوكالة انا قصدي تروح الوكالة وتاخذ الجدول وانت تغيرها
بالعكس اصلا الوكالة مايدرون وين الله حاطهم روح لهم بس عند زيت القير 
خلاصة الكلام اذا حافظت على السيارة وهي جديدة تعوض على نفسك دراهم 

الاختلاف في الرأي لا يفسد من الود قضية وشكرا 

ديس لايك ليش والرجال يطلب شوركم؟ اقسم بالله مالي خبرة وانا اخوك لكن قهر الرجال يشاور والناس تنزل فيه ديس لايك

حسب نوع السيارات الياباني غالبا المعارض أرخص من ألفين الى خمسة الاف و صيانتك بالوكالة عادي

الامريكي الوكالة أشوفها افضل

يارجال المعارض افضل من ناحية السعر ومن ناحية استلام السيارة يوم بالكثير وهي جاهزة .

ممكن ي اخواني تعطوني لايك من فضلكم ليس امرآ ،
لاني ابغى انزل موضوع يفيدنا ب المنتدى لاكن نقاطي لاتسمح .. سلمت اناملكم يارب :)

سواء من المعرض او الوكاله المعرض اقل اكيد اما من ناحيه الضمان السيارات حضوض احدن يشتري ويكد الموتر ونفس المديل يسمي عليه وتحصله من وكاله لوكاله ومن ورشه الى ورشه اهم شي انك سالم من العيوب المصنعيه ولا بعد سمعنا ان احد شرى سيارة وبدلوها له حتى لو مكينتها مخبطه وضبوها لك عالضمان ويطلعها ويبيعها هذا حالنا

ياحبيبي خذ من نفس الوكالة وريح راسك اضمن لك

ماسألة نفسك السيارات هذي ليه تنزل الحراج وسعرها اقل من الوكالة ب5000الاف

لابد من وجود خلل مصنعي قد لايظهر الا مع الاستعمال

الخمسة ألاف فرق السعر بين المعرض و الوكالة.. هي قيمة الكرفته اللى لابسه بياع الوكاله فقط لا غير 

احيانا المعرض اغلى بفرق 5 الى 20 الف عن الوكاله خاصة اذا الوكالة منقطعه عنها السيارة فتره ولا تقدر تجيبها بسبب خلافف بين الشرككه او امور ثانيه وهذي الان نعاني منها واضطرينا نشتري بسعر المعرض الغالي لإمور مادية ولانك مرتبط بسيارة ايجار وغثاء الله يفرج همي وكل مسلم

هل تنصحوني اخذ سياره من الوكاله اوةالمعرض
المعرض انزل من الوكاله ٨٥٠٠ ريال والسياره اصفار