إقــتـــراح أتـــمـــنــى أن يــــرى النـــور فــي حـــراج
30
6
إضغط هنا للإخفاء
السلام عليكم و رحمة الله و بركاته ,,,
اخواني و حبايبي أسعد الله أوقاتكم بكل خير , (root) حبيبي أتمنى تدخل موضوعي و تقترحه على إدارة الموقع
الموقر , بصراحة في موضوع خطر لي قبل فترة و أنا أتصفح موقع (حراج) آلاقي كثييييييييير من الناس يعرضون
أغراض لهم مثل: كنب نظيف , طاولة طعام , تلفزيون , برادة , فرن إلخ ... يعرضونها بالموقع لوجه الله بدون
مقابل للي يحتاجها و جزاهم الله خير و بيض الله وجيههم على فعل الخير , أنا مثلاً عندي كنب نظيف و حاب
أغير الأثاث عندي , أروح أوديه للأثاث المستعمل أو الحراج ما يجيب لي 200 أو 300 ريال بالكثييييييير
و هالمبلغ هذا ما راح يفيدني لكن لو تبرعت فيه لعائلة على قد حالها أو محتاجة تحس إنك تبرعت بشي كثير
لأن الأثاث الآن غالي !!!!! محلات الأثاث المستعمل نظامها زي الشريطية !!!! تشتري الأثاث بسعر بخس
و بعدين تغسله و تكيسه و تبيعه بحول سعر الجديد !!!! و قس على ذلك الأدوات الكهربائية و العفش و غيره
من الأشياء إلخ ... اللي ممكن تسعد فيها أسرة بأمسً الحاجة لشيء موجود عندك ولا تحتاجه !!!! فأنا إقتراحي
للموقع يسوون صفحة خاصة و يسمونها (التكافل الإجتماعي) و يجون الأعضاء الله يجزاهم خير و يعرضون الأشياء
اللي ما يحتاجونها بدون مقابل .. و صدقوني هالصفحة لو سووها الموقع راح تفيد ناس كثيييييييييييير هم بأمسً
الحاجة للعون في ظل الغلاء الحاصل بهالوقت !!!! أنا راح أغير أثاثي و أثاثي نظيف و متحسف فيه بدل ما
أوديه لمحلات الأثاث أو الحراج و يطيحون قيمته !!! أعرضه بالموقع و ياخذونه ناس و يستفيدون منه , فلان
شرا فرن جديد بدل ما ياخذونه حقين الحراج ب 100 أو 150 ريال يعطي الفرن لناس محتاجة و يوفر عليها مصاريف
كثيرة !!! فلان الثاني عنده ثلاجة صغيرة و مو مستفيد منها يعرضها بالموقع إلخ ... لذلك كلي أمل بالله ثم من
إدارة الموقع أن ينظروا لهذا الإقتراح بعين الإعتبار و يسعون لتطبيقه على أرض الواقع ليصبح الحلم حقيقة !!!
همسة: ( الصدقة تطفئ غضب الرب و تدفع ميتة السوء)
محبكم &&& أبو طلال
إبلاغ
الردود
الاقتراحات تساعد على تطويل الموقع
لكن لازم احد يتقبلها
1
0
قبل 10 سنه و شهر