أضف سؤال أو موضوع جديد          

استفسار عن الدمام...

up 0 down 0
b or not be 1422
قبل 8 سنه و 4 شهر



السلام عليكم ورحمة الله وبركاته:

الحمد لله مخلص من الدبلوم من السنة اللي راحت وابغى الحين اكمل البكالوريوس و الاختيار من بين ثلاث مدن
هي الدمام،الرياض،جدة وبما ان تخصصي الكترونيات فنستبعد مدينة جدة لان التخصص غير موجود 
ووقع الاختيار على الدمام وسجلنا وجاتني الرسالة وبيكون الحضور يوم الاحد وان شاء الله الاقي حجز يوم 
الجمعة عشان اخذ فترة كافية للراحة والتجهيز وترتيب اموري..

ابغى خدمة بسيطة منكم للي درس البكالوريوس واللي يسكن في مدينة الدمام او يعرف معلومة تفيدني من ناحية/
1/ السكن،هل يوجد سكن للطلاب واذا ما فيه هل يوجد غرف ايجار قريبة وبكم اسعارها لان ما عندي سيارة؟؟
2/هل فية مكافئة،لأن امور الايجار والسكن والاكل والشرب بيكون منها؟؟
3/كم المشوار من المطار الى الكلية؟؟
ادري ان السؤال الاخير غريب شوي لكن الواحد ما ينقرص مرتين من نفس المكان
السالفه كانت في الرياض وهي: اني جيت للرياض وابغى من النقل الجماعي الين النسيم او قريب منه (ما تذكر المكان بالضبط لاني
اعطيته الجوال ووصف له المصري لكن ما هو بعيد عن هذا الحي)واخذ علي 60 ريال وبعد ما وصلني وجاء في
الليل وسولفنا انا والمصري سالته عن السعر وقال المفروض 25 ريال او اللي يقوله العداد.. وهذه السالفه وما 
ابغى ينصب علي واطفر عشان طيبتي والثقة الزائده .. 

ومشكورين مقدما

لكم كل الود والاحترام







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


اعتذر عن الخطا 
المكان كان من اللنقل الجماعي الى حول النسيم


up 0 down 1
b or not be 1422
قبل 8 سنه و 4 شهر



اولا اخي العزيز الف مبرووك ترشيحك للقبول بالكلية التقنية بالدمام واتمنى لك التوفيق والسداد وإن شاء الله تكون من المقبولين ,
بالنسبة للسكن بالكلية فلا اظن ان هناك سكن خاص بالمتدربين بالكلية
ولكن بأمكانك الحصول على سكن قريب أن شاء الله
اما بالنسبة للمكافأة فأذا لم تكن موظف فمن حقك الحصول على مكافأه وهي تقريباً 990 ريال ,, الدمام مدينة مرا ممتازة وراح تنبسط فيها ,, بالنسبة للسكن انصحك بحي 75 او البادية لو انه مو مرا ممتاز بس معقول خص نص انك عزابي راح تلاقي بأذن الله
ولا اعلم عن الاحياء الباقيه القريبة من الكلية .. والله يوفقك ويسهل طريقك




up 1 down 1
ابو نورة9. 111
قبل 8 سنه و 4 شهر



الله يبارك فيك يالغالي وعقبال ما يتحقق لك اللي تبغاه


up 0 down 0
b or not be 1422
قبل 8 سنه و 4 شهر



نسيت اقول ما عندي سيارة والا كان سافرت وخلصت اموري


up 0 down 0
b or not be 1422
قبل 8 سنه و 4 شهر



اخوي افضل حي قريب لكلية التقنية حي عبداللة فواد
لاني طالب في الكلية ولا يوجد سكن لكن اقرب حي له عبدالله فواد
والمكافاة 990 الدبلوم ما ادري يمكن اكثر اذ البكالوريوس


up 0 down 0
فيصل 2015 -81
قبل 8 سنه و 4 شهر



جامعة الدمام ما فيها سكن مع الاسف وتوقع على اقرار بانك ما تطالب بالسكن في اليوم الي بتروح فيه

بالنسبة للمكافئة 990 ريال فقط لا غير ><

المشوار من المطار الى الجامعة 60 ريال او حولها على حسب ما اعرف وتاخذ لك نص ساعة تقريباً بالطريق




up 0 down 0
mat2rain 246
قبل 8 سنه و 4 شهر





يا مرحبا فيك بالشرقية ومحاكيك عاش بالدمام سنتين وبالضبط في المنطقة حول الكلية التقنية


بالنسبة للسكن للكلية سكن للطلاب وهيئة التدريس اذا لقيت بها يا سلام

والشقق بالخارج اقرب شئ حي عبدالله فؤاد ما ياخذ وقت ولا اشارة من تحت كوبري الدمام الظهران وانت بالكلية

وفيه شقق بحي الجامعه شارع الامير نايف الله يرحمه مقابل كلية البنات قريب من الكلية 10 دقائق وانت عند الكلية

وفيه بحي احد او حي 71 مليان شقق عزاب تاخذ وقت ربع ساعه او 20 دقيقة وانت بالكلية 

وفيه بحي الاثير حي كامل عزاب تاخذ 20 دقيقة تقريبا وانت بالكلية وهو ابعد الحارات بس العماير واجد وكلها عزاب

والاحياء اللي فوق هي الاقرب وملموممه الدمام مو كبيره وتضيع مثل الرياض 

ولازم سيارة لان الكلية مو وسط البلد ولا حولها عماير عزاب والعماير اللي موجوده حولها عوائل وغاليه 

والاسعار نار يعني غرفة ودورة مياه 850 وطالع حسب الموقع والعمارة ويمكن تلقى ارخص

وفيه بالثقبة جنوب الخبر بس بعيد مره والطريق وانت رايح للكلية طريق سريع وزحمته مثل الدائري الشمالي او اخف بشوي

والمكافاة 990 ريال 


وبالنسبة للمشوار من المطار للكلية ياخذ نص ساعه الى 45 دقيقة على حسب الزحمة 


up 2 down 0
محمد فورد 507
قبل 8 سنه و 4 شهر



يعطيكم الف عافية وما قصرتوا على الشرح الكااامل
وبالنسبة ان ما جنبها عماير و غرف...فانا شفت الموقع من برنامج قوقل ماب وشفت العكس يعني موجوده حتى ولو انها بعيدة شوي
لكن عادي كعاااابي ومجبور الين يزين الوضع.
بالنسبة للسكن ..كيف اذا لقيت فيها يا سلام..يعني الوضع واسطة والا زحمة او ايش بالضبط

اعطيكم لايك ويرفض التقييم ...المعذرة


up 0 down 0
b or not be 1422
قبل 8 سنه و 4 شهر



والمشوار من الاحياء اللي ذكرتوها بكم بيكون؟؟؟؟
انا كثرت الاسئلة لكن محتاج الاجابات عشان اخذ احتياطي


up 0 down 0
b or not be 1422
قبل 8 سنه و 4 شهر