أضف سؤال أو موضوع جديد          

المعلمات مسلسل موت لا ينتهي

up 13 down 0
بوخا 3560
قبل 7 سنه و 10 شهر



يكاد لا يمر اسبوع الا ونسمع اخبار الصحافة عن حوادث مؤلمة وصور مروعة حين تشاهد الدماء تسيل في كل مكان

اصبح امر اعتيادي جدا ان نسمع وفاة 5 او 6 معلمات و طالبات وهذا ما يدمي القلب

هناك مشاكل كثيرة

تقاعس و اهمال الجهات المختصة هي السبب الرئيسي لها

وقد قمت بعمل بحث للحد من هذة الفاجعة ,,

وتوصلت لبعض الحلول التي قد تساعد على الحل وليس الحل جذريا


اولا 1: لمذا يتم نقل معلمة من مدينة الرياض الى الخرج او الى القرى و المحافظات البعيدة وهذا هو ابرز المشاكل و التي بسببها 90 من الحوادث

ثانيا 2 : يمنع اي مقيم او سائق من امتهان التوصيل باي شكل من الاشكال بل يكون شخص وظيفتة فقط التوصيل ولساعات محددة و يكون شخص تابع لمؤسسة تتحمل أي خطء او فعل يبدر من السائق

حاليا من سبب الحوادث ان سائق التوصيل يعمل على مدار الساعة دون حسيب ولا رقيب و كثرة ظغط العمل و قلة النوم تسبب الارهاق وضعف التركيز بالتالي تصبح فرص وقوع حادث كبيرة جدا

اكتب لكم والحرقة تملئني حين ارى هذا الاب او هذه الام تبكي فا اتخيل اني بهذا الموقف العظيم ...

اسئل الله ان يلهم كل من فقد عزيزة عليه الصبر و السلوان و ان يدخل المسلمين الاحياء منهم و الميتين جنات النعيم

اخوكم : بوخا








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


اخوي السبب الاول والاخير السائقين والله اني لي فترة اطلع قبل الفجر اخذ لفة واشوف حافلات النقل اقسم بالله ان مرة شطفني واحد وانا ماشي 170 

ثم تلومون المرور على المخالفات ... انا اقترح وضع جهاز في الحافلات يراقب السرعه واذا السائق تجاوز السرعه 120كم يفصل من العمل

ثانيا اقترح تكثيف الرقابه والرادارات حقت امن الطرق  
ثالثا اقترح تغيير سيارات امن الطرق الى(مرسيدس-جينسس-كورفيت c6) بالله عليكم لو يوم تجاوزهم واحد ماشي 200 وشلون بيوقفونه وهم بالشاص حقهم؟


up 10 down 3
m11013 923
قبل 7 سنه و 10 شهر



جعل يجي يوم يكون في الشخص المسؤول محل هؤلاء , ويتفاجأ بموت اعز الناس على قلبه واهله في حادث شنيع

عشان يحس باللي كان يحسوا فيه المعلمات الضعوف و المعلمين ايضا

ناس يبعون ضميرهم وذمتهم عشان الدنيا , ولا يهتمون لدعاوي الناس

ما دروا ان الله قال ( يمهل ولا يهمل ) 

باقي يجي يوم وراح يتعرض كل مسؤول لضروف قاسيه جدا , لعله يذوق من الكاس المر اللي قدمه للضعوف

اما بمرض او موت قريب او خسائر او او او او


up 6 down 1
ابو يزيد 000 8712
قبل 7 سنه و 10 شهر



ابو يزيد المسؤول هو المرور اللي لاعطاكم مخالفة كتبتوا موضوع وسبيتوا فيه وقلتوا حرامية ماقصدك بس فيه ناس متخلفه يدعي على المسؤول وهو مايبي النظام ينطبق شوفهم زعلانين من ساهر في المدن ويدعون عليه لو حطوا ساهر في الطرق ذيك وكثفوا الرقابة نفس الوضع بيدعون عليه 
من انتم؟ اين العقول؟


up 1 down 1
m11013 923
قبل 7 سنه و 10 شهر



اهم شيء لا تسوق المرأة!!

أسوأ سائقيين حقون نقل المعلمات واغلبهم ما عنده تصريح بمزاولة هذه المهنة

الحين معلمات الرياض يرسلونهم للمجمعة والمزاحمية لييه؟

معلمات المجمعة للمجمعة والرياض للرياض انتهى !!


up 1 down 2
theadaaq 287
قبل 7 سنه و 10 شهر



التركيز كله علي المراه مدري ليه
طيب انا مدرس وترانا نتبهدل والي يقهر الكل يتكلم عن المعلمات والطالبات
ليش والمعلمين والطلاب وينهم ليش محد يتكلم عنهم تراهم بشر
اقسم بالله مليت من العاطفه الزايده اتجاه المراة 
وبعدين دامها عارفه انها تبي تتعين بقريه او هجرة وش وداها هناك
لان من حق اهل الهجر يتعلمون ويتعالجون ولا لا شافت الراتب انعمت ولا راحت قامن يصيحن وينيحن


up 2 down 3
االخاالدي 3898
قبل 7 سنه و 10 شهر



واللى بيمشي بالدباب حقه عكس سير فى قلب المدينة ايش تقول له ؟؟ اول امس كنت فى الطريق واربعه شباب على دباباتهم ماشيين عكس الاتجاه وسيارة الدورية واقفة والله ما كلمهم حتى .. الحواداث غير مقتصرة على المعلمات فقط وانما طيش الشباب ايضا يسبب حوادث مروعه .. نسأل الله السلامة 


up 1 down 0
أبو فاطمة محمد 115
قبل 7 سنه و 10 شهر



m11013 , السبب يا الغالي بكل بساطه , المسؤول اللي ما وافق لهم عن النقل  كل المعلمات هذولي مقدمين نقل , في نفس مدنهم , !!  , لو كانت في نفس مدينتها والمدرسه قريبه من بيتها او من حيها  , كان ما شفت باص على خط الخرج محمل مدرسات او اي قريه قريبه من الرياض او من مدينه ثانيه

 , قريبي يكد على فان اتش 1 , يقول والله يابو يزيد اني امشي من الساعه 3 الفجر , واخذهم من احياء مختلفه وبعيده جدا , واوصلهم الخرج , ولو سألتهم وش حدكم على المر , قالوا الحاجه , وكلهم مقدمين نقل , ولكن لا حياه لمن تنادي , وحده تقول لي 3 سنوات ولا ردولي اي خبر بخصوص النقل

ها وش رايك في المسؤول 

اتوقع انه ما يستحق العيش , لانه موت ناس كثير , والسبب الدنيا !!


up 0 down 1
ابو يزيد 000 8712
قبل 7 سنه و 10 شهر



الخالدي :

انا استغرب من ردك ياخي المرأة مخلوق ضعيف و الرجل وصي عليها كما في كتاب الله كيف ما تبينا نشيل هم المرأة طيب انت بعيد و تتبهذل ما قلنا شي بس على الاقل انت رجال وسيارتك تحتك والرجال الي ما يكد و يتعب ماهوب رجال و نقطة اخرى ليش تتم الموافقة من قبل المعلمات طيب يموتو جوع يعني دراسة و جامعة و تعب 15 سنة ما تبيها تحصد ثمار هذا التعب


up 3 down 1
بوخا 3560
قبل 7 سنه و 10 شهر



أنا أطالب الصحافة والاعلام بمطالبة الحكومة بوضع حد لهذه الحالة الأنسانية


up 1 down 0
saad1b 132
قبل 7 سنه و 10 شهر



حسبي الله ونعم الوكيل على هالمسؤلين اللي خاينين الامانة


up 0 down 0
max2014-4 220
قبل 7 سنه و 10 شهر



طيب اذا نقلوا وين ينقلون والمدارس مكتفيه؟ انتم لاتصيرون مثل اللي راسه يعوره يروح يقطعه.... خذ بنادول وانتهى ..الحل بسيط جيبوا سائقين وراقبوهم واللي يسرع يفصل الحوادث اعرف انها تصير من السرعه مو ورقة النقل


up 0 down 1
m11013 923
قبل 7 سنه و 10 شهر



تموت اهم شي ما تسوق


up 0 down 3
زوبعة 464
قبل 7 سنه و 10 شهر



يقدرون يحلونها بعدم تعيين الملمات في المناطق البعيده وكل معلمه تدرس فديرتها اللي ساكنه فيها وشكرا على الموضوع


up 1 down 0



^
^
ايه هذا الحل من زمااان بس حسبي الله ونعم الوكييل فييهم 




up 0 down 0
ahmad77771 305
قبل 7 سنه و 10 شهر



^
^
ايه هذا الحل من زمااان بس حسبي الله ونعم الوكييل فييهم هالمسؤليين 




up 0 down 0
ahmad77771 305
قبل 7 سنه و 10 شهر